ശ്വാസകോശാർബുദവും ലക്ഷണങ്ങളും
ശ്വാസകോശത്തിലെ അടിസ്ഥാന കോശങ്ങളുടെ അനിയന്ത്രിതമായ വളർച്ചയാണ് ശ്വാസകോശാർബുദം എന്നു പറയുന്നത്. ആംഗലേയ ഭാഷയിൽ Lung cancer എന്നു പറയുന്നു. ശ്വാസകോശാർബുദത്തിന്റെ മുഴ സമീപത്തുള്ള അവയവങ്ങളിലേക്ക് കടന്നുകയറുകയോ അർബുദ കോശങ്ങൾ അകലെയുള്ള മറ്റ് അവയവങ്ങളിലെത്തി വളരുകയോ ചെയ്യാം.ഏറ്റവും അപകടകരമായ അര്ബുദങ്ങളിലൊന്നാണു ശ്വാസകോശത്തെ ബാധിക്കുന്ന ക്യാന്സറുകള്. അര്ബുദം മൂലമുള്ള മരണങ്ങളില് ഏറ്റവും മുന്പന്തിയില് നില്ക്കുന്നത് ശ്വാസകോശാര്ബുദം തന്നെയാണ്. രോഗത്തിന്റെ ആദ്യകാലങ്ങളില് പ്രകടമായ ലക്ഷണങ്ങള് ഒന്നും തന്നെയുണ്ടാവുന്നില്ല.
ലക്ഷണങ്ങൾ
ശ്വാസകോശ സംബന്ധമായ അസുഖങ്ങള് മൂലമുണ്ടാകുന്ന ചുമ ഒന്നോ രണ്ടോ ആഴ്ചകള് മാത്രമാകും ഉണ്ടാവുക. എന്നാല് വിട്ടുമാറാത്ത ചുമ ശ്വാസകോശത്തിലെ ക്യാന്സറിന്റെ ലക്ഷണമാകാനുള്ള സാധ്യതയുണ്ട്. ഇത്തരത്തിലുള്ള ചുമയെ പെട്ടന്നുള്ള മരുന്നുകളിലൂടെ ഒഴിവാക്കാതിരിക്കുകയാണ് വേണ്ടത്.
ഇത്തരത്തിലുള്ള ചുമ വരണ്ടതോ അതോ മ്യൂക്കസ് ഉല്പാദിപ്പിക്കുന്നതാണോ എന്ന് പരിശോധിക്കേണ്ടതാണ്. ഡോക്ടറെ സമീപിച്ച് എക്സ്റേയോ മറ്റു ടെസ്റ്റുകളോ ചെയ്യേണ്ടത് ആവശ്യമാണ്.
ശ്വസനത്തിലുണ്ടാകുന്ന വ്യതിയാനങ്ങള് ശ്വാസകോശ ക്യാന്സറിന്റെ ലക്ഷണമാകാനുള്ള സാധ്യതയുണ്ട്. ശ്വസനത്തിന്റെ കുറവ് അല്ലെങ്കില് പെട്ടെന്നുള്ള ശ്വസനങ്ങള് എന്നിവ ശ്വാസകോശ ക്യാന്സറിന്റെ ഭാഗമായി സംഭവിക്കാവുന്നതാണ്. ശ്വാസകോശത്തില് മുഴകള് ഉണ്ടെങ്കില് ശ്വസനത്തില് വ്യതിയാനങ്ങള് സംഭവിക്കാവുന്നതാണ്.
ശ്വസകോശാര്ബുദം നെഞ്ച് വേദനയ്ക്കും കാരണമാകാറുണ്ട്. നെഞ്ച്, ഷോള്ഡര്, പുറം തുടങ്ങിയ ഭാഗങ്ങളില് ചുമയോടുകൂടിയ വേദനയും ഇതിനോടൊപ്പം അനുഭവപ്പെടാം.
ശ്വസകോശങ്ങളില് തടസ്സമുണ്ടാകുമ്പോള് ശ്വാസം മുട്ടിനുള്ള സാധ്യത അധികമാണ്. ശ്വാസകോശത്തിലെ മുഴയുമായി ശ്വസകോശം ഉരസുമ്പോള് ചൂളം വിളിക്കുന്നതു പോലുള്ള ശബ്ദം കേള്ക്കുകയും ചെയ്യും.
നിങ്ങളുടെ ശബ്ദത്തിലുണ്ടാകുന്ന വ്യതിയാനങ്ങളും രോഗലക്ഷണമായേക്കാം. പരുഷമാര്ന്ന ശബ്ദത്തിലേക്ക് പെട്ടെന്ന് മാറുകയാണെങ്കില് ചികിത്സ തേടേണ്ടതുണ്ട്.
ശ്വാസകോശാര്ബുദം അസ്ഥികളിലേക്കാകും കൂടുതലും വ്യാപിക്കുക. ഇത് ശരീരത്തിന്റെ പുറക് വശത്തും അസ്ഥികളിലും വേദനയ്ക്ക് കാരണമായേക്കാം. രാത്രികാലങ്ങളില് മൂര്ച്ഛിക്കുകയും ശരീരം അനങ്ങുമ്പോള് കൂടുകയും ചെയ്യുന്ന രീതിയിലാകും ഇത്തരം വേദന.
https://www.facebook.com/Malayalivartha