ഹാര്ട്ട് അറ്റാക്ക് എന്ന് പറയുന്ന ഹൃദയാഘാതത്തില് നിന്നും തികച്ചും വ്യത്യസ്തമാണ് ഹൃദയസ്തംഭനം അഥവാ കാര്ഡിയാക് അറസ്റ്റ്
ഹാര്ട്ട് അറ്റാക്കില് നിന്ന് വളരെ വ്യത്യസ്തമായ അവസ്ഥയാണ് കാര്ഡിയാക് അറസ്റ്റ് . ഹൃദയത്തില് നിന്നുള്ള രക്തത്തിന്റെ ഒഴുക്കിന് തടസ്സം വരുമ്പോഴാണ് കാര്ഡിയാക് അറസ്റ്റ് സംഭവിക്കുന്നത്. ഹാര്ട്ട് അറ്റാക്ക് എന്ന് പറയുന്ന ഹൃദയാഘാതത്തില് നിന്നും തികച്ചും വ്യത്യസ്തമാണ് ഹൃദയസ്തംഭനം അഥവാ കാര്ഡിയാക് അറസ്റ്റ്.
സാധാരണയായി കാര്ഡിയാക് അറസ്റ്റ് ഉണ്ടാവുന്നതിന് മുന്പ് ശരീരം വ്യക്തമായ സൂചനകൾ തരാറുണ്ട്. ഇവയെക്കുറിച്ച് അറിഞ്ഞിരുന്നാൽ വേണ്ട മുൻകരുതലുകൾ എടുക്കാൻ കഴിയും. അതിലൂടെ നമ്മുടെ പ്രിയപ്പെട്ടവരുടെ ജീവൻ തിരിച്ചുപിടിക്കാനും.
പള്സില് ഉണ്ടാവുന്ന മാറ്റങ്ങളാണ് ആദ്യ ലക്ഷണം. പള്സില് ഉണ്ടാവുന്ന ചെറിയ മാറ്റങ്ങള് പോലും ശ്രദ്ധിക്കേണ്ടതുണ്ട്. നാഡീമിടിപ്പ് നിലച്ച് ഹൃദയത്തിന്റെ പ്രവര്ത്തനത്തെ തടസ്സപ്പെടുമ്പോഴാണ് കാർഡിയാക് അറസ്റ്റ് സംഭവിക്കുന്നത് . ശരീരത്തിലേക്ക് ആവശ്യമായ രക്തം പമ്പ് ചെയ്യാനുള്ള ഹൃദയത്തിന്റെ കഴിവിന് ഭംഗം വരുന്നതാണ് പൾസ് കുറയുന്നതിന് കാരണമാകുന്നത്. ഹൃദയത്തിലേക്കുള്ളതല്ല ഹൃദയത്തില് നിന്നുള്ള രക്തത്തിന്റെ ഒഴുക്കിനാണ് ഇവിടെ തടസ്സങ്ങള് നേരിടുന്നത്.ഹൃദയമിടിപ്പില് മാറ്റം സംഭവിച്ചാല് അത് അപകടകരമായ അവസ്ഥയിലേക്ക് മാറുന്നു
തലചുറ്റലും ബോധക്ഷയവും
തലചുറ്റലും ബോധക്ഷയവും പലപ്പോഴും പല കാരണങ്ങള് കൊണ്ടും സംഭവിക്കാവുന്നതാണ്. എന്നാല് ഹൃദയസ്തംഭനം സംഭവിച്ച് കഴിഞ്ഞാല് ബോധക്ഷയവും അതിനോടനുബന്ധിച്ച് തന്നെ ഉണ്ടാവുന്നു.
നെഞ്ച് വേദന
ഹൃദയാഘാറ്റത്തിന്റെ പ്രധാന ലക്ഷണമാണ് നെഞ്ച് വേദന . അതേപോലെ കാര്ഡിയാക് അറസ്റ്റ് സംഭവിക്കുമ്പോഴും ഇതേ നെഞ്ച് വേദന ഉണ്ടാവുന്നു. ഇത് ഇടതു കൈയ്യിലേക്കോ കഴുത്തിന്റെ ഇടതു വശത്തേക്കോ വ്യാപിക്കുന്നതായി തോന്നുന്നു. സ്ത്രീകള്ക്ക് പുരുഷനെ അപേക്ഷിച്ച് ഈ വേദന തിരിച്ചറിയാന് കഴിയുന്നത് കുറവാണ്. പലപ്പോഴും നിശബ്ദമായ ഹൃദയാഘാതമോ ഹൃദയസ്തംഭനമോ ആയിരിക്കും സ്ത്രീകള്ക്ക് സംഭവിക്കുന്നത്. പലരിലും നെഞ്ച് വേദന പോലും ഉണ്ടാവുകയില്ല. അതുകൊണ്ട് ഇത്തരം ലക്ഷണങ്ങൾക്കു വളരെ കാര്യമായ പ്രാധാന്യം കൊടുക്കേണ്ടത് അത്യാവശ്യമാണ്
. മനം പിരട്ടലും ഛര്ദ്ദിയും
മനം പിരട്ടലും ഛര്ദ്ദിയും പലപ്പോഴും ഹൃദയസംതംഭന ലക്ഷണങ്ങളില് പ്രധാനപ്പെട്ടതാണ്. അതുകൊണ്ട് തന്നെ ഇത്തരം ലക്ഷണങ്ങളോടൊപ്പം നെഞ്ച് വേദന കൂടി അനുഭവപ്പെട്ടാല് പ്രത്യേകം ശ്രദ്ധിക്കണം. ഇത്തരം സന്ദർഭങ്ങളിൽ രോഗിക്ക് മരണം സംഭവിക്കാനുള്ള സാധ്യത വളരെയധികം കൂടുതലാണ്.
കിതപ്പ്
ഒരു കാര്യവും ചെയ്തില്ലെങ്കില് പോലും പലരിലും കിതപ്പ് അനുഭവപ്പെടുന്നു. ശ്വാസമെടുക്കാനുള്ള ബുദ്ധിമുട്ടും ശാരീരിക പ്രവര്ത്തനങ്ങള്ക്ക് രക്തവും ഓക്സിജനും എത്താത്തതും എല്ലാമാണ് ഇത്തരത്തില് കിതപ്പിന് കാരണം.
ഹൃദയമിടിപ്പിലെ തകരാറുകള് പലരിലും ഇത്തരം തകരാറുകള് നേരിയതല്ലെ ഏന്ന് കരുതി വിട്ടു പോവുന്നുണ്ട്. എന്നാല് ഇതാണ് ഏറ്റവും അപകടകരമായ അവസ്ഥ ഉണ്ടാക്കുന്നത്. ഹൃദയമിടിപ്പിലെ തകരാറുകളാണ് പ്രധാനമായും ഹൃദയസ്തംഭനത്തിലേക്ക് എത്തിക്കുന്നത്. എന്നാല് ഇത് തിരിച്ചറിയാന് വൈകുന്നതാണ് മരണത്തിലേക്ക് പലരേയും എത്തിക്കുന്നത്. ഹൃദയമിടിപ്പിന് തകരാറു സംഭവിക്കുന്നതിലൂടെ രക്തം പമ്പ് ചെയ്യാന് ഹൃദയത്തിന് കഴിയാതെ വരുന്നു.
മാനസിക സമ്മര്ദ്ദം
മാനസിക സമ്മര്ദ്ദവും ഹൃദയാഘാതവും തമ്മില് വളരെ അടുത്ത ബന്ധമാണ് ഉള്ളത്. ഇത് മൂലം പലപ്പോഴും ഹൃദയാഘാതവും കാര്ഡിയാക് അറസ്റ്റും സംഭവിക്കാവുന്നതാണ്. അതുകൊണ്ട് തന്നെ പരമാവധി മാനസിക സമ്മര്ദ്ദം കുറക്കാന് ശ്രമിക്കുക.
ഹൃദയത്തെ ബാധിക്കുന്ന രോഗങ്ങള്
ഹൃദയത്തെ ബാധിക്കുന്ന അനാരോഗ്യകരമായ അവസ്ഥക്ക് പരിഹാരം കാണാന് പെട്ടെന്ന് ശ്രമിക്കണം. ഹൃദയധമനീ രോഗം ഇത്തരത്തില് പ്രശ്നങ്ങള് ഉണ്ടാക്കുന്ന ഒന്നാണ്.
ഇത് മൂലം രക്തത്തിന്റെ ഒഴുക്കിന്റെ താളം തെറ്റുന്നു. ഇത് ഹൃദയ പ്രവര്ത്തനങ്ങളെ വളരെ പ്രതികൂലമായി ബാധിക്കുന്നു. ഇത് പെട്ടെന്നുള്ള മരണം സംഭവിക്കുന്നതിന് ഉ കാരണമായേക്കാം..
ഹൃദയമിടിപ്പിലെ താളം തെറ്റല്
ഹൃദയസംബന്ധമായ രോഗങ്ങള് മാത്രമല്ല ഹൃദയമിടിപ്പിലെ താളം തെറ്റലും ഇത്തരത്തില് പ്രതിസന്ധി ഉണ്ടാക്കുന്ന ഒന്നാണ്. പലപ്പോഴും ഹൃദയമിടിപ്പിലുണ്ടാവുന്ന വൈകല്യങ്ങള് ഹൃദയത്തിന്റെ അറകളിലുണ്ടാവുന്ന വീക്കം എന്നിവയെല്ലാം കാർഡിയാക്ക് അറസ്റ്റിനു കാരണമാകാറുണ്ട് .
https://www.facebook.com/Malayalivartha