ചിക്കന് പോക്സ് അപകടകാരിയോ ?
ചൊള്ള, പൊട്ടി എന്നുതുടങ്ങി വിവിധ പേരില് അറിയപ്പെടുന്ന ചിക്കന് പോക്സ് വാരിസെല്ലാ സോസ്റ്റര് എന്ന വൈറസ് മൂലമാണുണ്ടാവുന്നത്. വേനല്ക്കാലത്താണ് ഈ രോഗം കൂടുതലായി പടര്ന്നുപിടിക്കുന്നത്. തുടക്കത്തില് അപകടകാരിയെല്ലങ്കിലും ശ്രദ്ധിച്ചില്ലെങ്കില് ഗുരുതരമാവാന് സാധ്യതയുണ്ട്. കുഞ്ഞുങ്ങള്, പ്രായമേറിയവര്, പ്രമേഹരോഗികള് എന്നിവര്ക്ക് രോഗം പിടിപെട്ടാല് കൂടുതല് കരുതല് വേണം. ചുമയോ, കഫക്കെട്ടോ ഉണ്ടെങ്കില് ചിക്കന് പോക്സ് ന്യൂമോണിയയായി മാറാനും സാധ്യതയുണ്ട്. ദേഹത്ത് കുമിളകളായാണ് രോഗം പ്രത്യക്ഷപ്പെടുന്നത്. വായുവിലൂടെ ശരീരത്തില് കടക്കുന്ന വൈറസിെൻറ പ്രവര്ത്തന ഫലമായാണ് ശരീരത്തില് കുരുക്കള് പ്രത്യക്ഷപ്പെടുകയും ഇത് പിന്നീട് ദ്രവം നിറഞ്ഞ കുമിളകളായി മാറുകയും ചെയ്യുന്നത്. രോഗികളുമായുള്ള സമ്പര്ക്കംമൂലം രോഗം മറ്റുള്ളവരിലേക്കും പകരാന് സാധ്യതയേറെയാണ്. പനിക്കൊപ്പം ഛര്ദ്ദി, തലവേദന, കടുത്ത ശരീരവേദന, തലകറക്കം, ക്ഷീണം, ശരീരത്തില് അസ്സഹനീയ ചൊറിച്ചില്, വിശപ്പില്ലായ്മ തുടങ്ങിയവയാണ് പ്രധാന ലക്ഷണങ്ങള്. രോഗം പിടിപെട്ടാല് ഉടന് ഡോക്ടറെ സമീപിക്കേണ്ടതാണ്. ചിക്കന് പോക്സിന് ഫലപ്രദമായ ഒൗഷധങ്ങള് ഇന്ന് ലഭ്യമാണ്.
രോഗിയില്നിന്ന് അകലം പാലിക്കുക, രോഗി ഉപയോഗിക്കുന്ന വസ്ത്രങ്ങള്, പാത്രങ്ങള് മറ്റു വസ്തുക്കള് എന്നിവ ഉപയോഗിക്കാതിരിക്കുക എന്നിവ മുന്കരുതലായി സ്വീകരിക്കേണ്ടതാണ്. ഒരു തവണ വന്നാല് പിന്നീട് രോഗം വരാനുള്ള സാധ്യത കുറവാണെങ്കിലും അപൂര്വം ചിലരില് വീണ്ടും രോഗം വരാറുണ്ട്. കുത്തിവെപ്പിലൂടെ ചിക്കന് പോക്സിനെ പ്രതിരോധിക്കാം.
https://www.facebook.com/Malayalivartha
