കണ്ണിലുണ്ടാകുന്ന അമിത സമ്മര്‍ദ്ദമാണ് ഗ്ലൂക്കോമയ്ക്ക് കാരണം.ഏതു പ്രായത്തിലുള്ളവര്‍ക്കും ബാധിക്കാവുന്ന ഈ രോഗം അന്ധതയ്ക്ക് ഒരു പ്രധാന കാരണമാണ്. കാഴ്ച പകരുന്ന നാഡീഞരമ്പുകള്‍ അമിതമായ സമ്മര്‍ദ്ദത്തെത്തുടര്‍ന്ന് തകര്‍ന്നാണ് അന്ധത സംഭവിക്കുന്നത്. കണ്ണിലെ അമിത സമ്മര്‍ദ്ദം തുടര്‍ന്നാല്‍ സ്ഥിരമായ അന്ധത ഏതാനും വര്‍ഷങ്ങള്‍ക്കുള്ളില്‍ സംഭവിക്കും.

കണ്ണിലെ സ്രവങ്ങളുടെ നിര്‍ബാധമായ ഒഴുക്കിന് തടസമുണ്ടാകുമ്പോഴാണ് അമിത സമ്മര്‍ദ്ദമുണ്ടാകുന്നത്. കണ്ണിലുണ്ടാകുന്ന രോഗബാധകള്‍, കണ്ണുവീക്കം, കണ്ണിലെ ശസ്ത്രക്രിയ, കണ്ണിലുണ്ടാവുന്ന മുറിവ്, രാസവസ്തുക്കളും മറ്റും കണ്ണില്‍ വീഴുന്നത് എന്നിവ ഗ്ലൂക്കോമയ്ക്ക് കാരണമാവാം. ഗ്ലൂക്കോമ രോഗികള്‍ക്ക് കണ്ണിലെ ഉയര്‍ന്ന സമ്മര്‍ദ്ദം മൂലം വേദനയോ മുന്‍കൂട്ടിയോ ഉള്ള മറ്റെന്തെങ്കിലും ലക്ഷണമോ ഉണ്ടാകുന്നില്ല. കൃത്യമായ ഇടവേളകളില്‍ കണ്ണ് രോഗ വിദഗ്ദ്ധന്റെ സേവനം തേടുന്നതാണ് ഉത്തമം.