കോ​വി​ഡ് ബാ​ധി​ച്ചു മ​രി​ച്ച​വ​രി​ൽ കൂ​ടു​ത​ൽ പേ​രും പ്ര​മേ​ഹ​രോ​ഗി​ക​ളാ​ണ് എ​ന്ന​ത് ശ്ര​ദ്ധേ​യ​മാ​ണ്.. അമിതവണ്ണം, ടൈപ്പ് 2 ഡയബറ്റിസ് എന്നിവയുള്ള ആളുകളില്‍ കോവിഡ് കൂടുതല്‍ ഗുരുതരമായി ബാധിച്ചേക്കാമെന്ന് സ്ഥിരീകരിക്കുന്ന വിവരങ്ങളും ഗവേഷകര്‍ പുറത്തുവിട്ടിട്ടുണ്ട്. ഏപ്രില്‍ മുതല്‍ മാര്‍ച്ച് മാസം വരെ കോവിഡ് ബാധിച്ച് മരണമടഞ്ഞ 47 % ആളുകള്‍ക്കും പ്രമേഹം ഉണ്ടായിരുന്നു എന്ന് ഈ ഡാറ്റ പറയുന്നു

പ്രമേഹമുള്ളതുകൊണ്ട് കോവിഡ് വരാനുള്ള സാധ്യത ഇല്ല. എന്നാൽ, പ്രമേഹമുള്ളവർ സമ്പർക്കത്തിലൂടെ കൊറോണ വൈറസ് ബാധിതരായാൽ രോഗതീവ്രത വർധിക്കാനുള്ള സാധ്യത തള്ളിക്കളയാനാകില്ല
.. പ്ര​മേ​ഹ​മു​ള്ള​വ​ർ​ക്ക് കോ​വി​ഡ് 19 അ​ണു​ബാ​ധ​യു​ണ്ടാ​യാ​ൽ ര​ക്ത​ത്തി​ലെ ഗ്ലൂ​ക്കോ​സി​ന്‍റെ അ​ള​വി​ൽ വ്യ​തി​യാ​ന​മു​ണ്ടാ​കു​ന്ന​തു കൊ​ണ്ട് പ്ര​മേ​ഹ​രോ​ഗ​ത്തി​ന്‍റെ സ​ങ്കീ​ർ​ണ​ത​ക​ൾ വ​ർ​ധി​ക്കാ​ൻ സാ​ധ്യ​ത​യു​ണ്ട്.​ പ്ര​മേ​ഹ രോ​ഗി​ക​ൾ ര​ക്ത​ത്തി​ലെ ഗ്ലൂ​ക്കോ​സി​ന്‍റെ അ​ള​വ് പ​തി​വാ​യി നി​രീ​ക്ഷി​ക്കു​ക.​

ഭ​ക്ഷ​ണം ക്ര​മീ​ക​രി​ക്കു​ന്ന​തി​ലൂ​ടെ​യും വ്യാ​യാ​മ​ത്തി​ലൂ​ടെ​യും മ​രു​ന്നു​ക​ൾ ക​ഴി​ക്കു​ന്ന​തി​ലൂ​ടെ​യും പ്ര​മേ​ഹം നി​യ​ന്ത്രി​ക്കു​ക.​ പ​നി,ചു​മ, ശ്വാ​സോ​ച്ച്വാ​സ​ത്തി​നു​ള്ള ബു​ദ്ധി​മു​ട്ട് എ​ന്നി​വയുണ്ടായാ​ൽ വൈ​ദ്യ​സ​ഹാ​യം തേ​ടു​ക.

ര​ക്ത​ത്തി​ൽ ഗ്ലൂ​ക്കോ​സി​ന്‍റെ അ​ള​വ് കൂ​ടി​യ അ​വ​സ്ഥ​യാ​ണ് പ്ര​മേ​ഹം എ​ന്ന പേ​രി​ൽ അ​റി​യ​പ്പെ​ടു​ന്ന​ത്.​ ശ​രീ​ര പ്ര​വ​ർ​ത്ത​ന​ത്തി​ന് ആ​വ​ശ്യ​മാ​യ ഊ​ർ​ജം ല​ഭി​ക്കു​ന്ന​ത് നാം ​നി​ത്യേ​ന ക​ഴി​ക്കു​ന്ന ഭ​ക്ഷ​ണ​ത്തി​ലെ അ​ന്ന​ജ​ത്തി​ൽ നി​ന്നാ​ണ്. ഭ​ക്ഷ​ണം ദ​ഹി​ക്കു​ന്ന​തോ​ടെ അ​ന്ന​ജം ഗ്ലൂ​ക്കോ​സാ​യി മാ​റി ര​ക്ത​ത്തി​ൽ ക​ല​രു​ന്നു. ​

ഈ ഗ്ലൂ​ക്കോ​സി​നെ ശ​രീ​ര​ക​ല​ക​ളു​ടെ പ്ര​വ​ർ​ത്ത​ന​ത്തി​നു​പ​യു​ക്ത​മാ​യ വി​ധ​ത്തി​ൽ ക​ല​ക​ളി​ലേ​ക്ക് എ​ത്തി​ക്ക​ണ​മെ​ങ്കി​ൽ ഇ​ൻ​സു​ലി​ൻ എ​ന്ന ഹോ​ർ​മോ​ണി​ന്‍റെ സ​ഹാ​യം ആ​വ​ശ്യ​മാ​ണ്. ​ഇ​ൻ​സു​ലി​ൻ അ​ള​വി​ലോ ഗു​ണ​ത്തി​ലോ കു​റ​വാ​യാ​ൽ ശ​രീ​ര​ക​ല​ക​ളി​ലേ​ക്കു​ള്ള ഗ്ലൂ​ക്കോ​സി​ന്‍റെ ആ​ഗി​ര​ണം കു​റ​യു​ന്നു.​

ഇ​ത്‌ ര​ക്ത​ത്തി​ൽ ഗ്ലൂ​ക്കോ​സി​ന്‍റെ അ​ള​വുകൂ​ടാ​ൻ കാ​ര​ണ​മാ​കു​ന്നു.​ ര​ക്ത​ത്തി​ൽ ഗ്ലൂ​ക്കോ​സി​ന്‍റെ അ​ള​വ് ഒ​രു പ​രി​ധി​യി​ൽ കൂ​ടി​യാ​ൽ മൂ​ത്ര​ത്തി​ൽ ഗ്ലൂ​ക്കോ​സ് ക​ണ്ടു​തു​ട​ങ്ങും.​ ഈ രോ​ഗാ​വ​സ്‌​ഥ​യാ​ണ് പ്ര​മേ​ഹം.

കുട്ടികളിൽ കണ്ടുവരുന്ന ടൈപ്പ് 1, മുതിർന്നവരിൽ കണ്ടുവരുന്ന ടൈപ്പ് 2 എന്നിങ്ങനെ രണ്ടു തരത്തിലാണ് പ്രമേഹരോഗം. 25 വയസ്സിനു താഴെയുള്ള ടൈപ്പ് 1 പ്രമേഹബാധിതരിൽ കോവിഡ് ബാധിച്ചാൽ രോഗതീവ്രത വർധിക്കുന്നതായി കണ്ടെത്തിയിട്ടില്ല.

ടൈപ്പ് 2 പ്രമേഹം ഉള്ളവരിൽ ചിലരുടെ അവസ്ഥ കോവിഡ്ബാധ ഉണ്ടായാൽ വഷളാകാറുണ്ട്. പ്രായക്കൂടുതൽ, പ്രമേഹത്താൽ ശരീരത്തിലെ പ്രതിരോധശേഷിയിലുള്ള വ്യതിയാനങ്ങൾ, പ്രമേഹത്തിന്റെ തോത് വർധിക്കുന്നത്, പ്രമേഹത്താലുണ്ടായ ഹൃദ്രോഗം, വൃക്കരോഗം തുടങ്ങിയ സങ്കീർണതകളാണ് ഇവയ്ക്ക് കാരണം.

ഭീതിയോടെ കോവിഡിനെ സമീപിക്കേണ്ടതില്ല. എന്നാൽ, ശാസ്ത്രീയവശം കൃത്യമായി മനസ്സിലാക്കണം. പൊതുജനാരോഗ്യ നിർദേശങ്ങൾ കർശനമായി പാലിക്കണം.

കോവിഡ് ബാധിതരായാലും പ്രമേഹരോഗത്തിനു നിർദേശിച്ചിട്ടുള്ള മരുന്നുകൾ കൃത്യമായി തുടരണം. രക്തത്തിലെ പഞ്ചസാരയുടെ അളവ് നിരീക്ഷിക്കുക. ഇൻസുലിൻ എടുക്കുന്നവരാണെങ്കിൽ ഓരോ ആറുമണിക്കൂറിലും 110-–-180 എംജി/ഡിഎല്ലിനും ഇടയിൽ നിലനിർത്തുക. ഇൻസുലിൻ എടുക്കാത്തവർ ഒരു ദിവസം രണ്ടു പ്രാവശ്യം പരിശോധിച്ചാൽ മതിയാകും.

മറ്റു ഗുരുതര ആരോഗ്യപ്രശ്നങ്ങളും പ്രമേഹവുമുള്ള ചിലരിൽ രോഗതീവ്രത വർധിക്കും. അത്തരം സാഹചര്യങ്ങളിൽ ആശുപത്രിയിൽ പോയിത്തന്നെ ചികിത്സ തേടേണ്ടതുണ്ട്. സാധാരണ നിലയിൽ അത്തരം സന്ദർഭങ്ങളിൽ ഇൻസുലിൻ നൽകിയുള്ള ചികിത്സാ രീതിയാണ് ആശുപത്രികൾ പിന്തുടരുന്നത്. കോവിഡിന്റെ പശ്ചാത്തലത്തിൽ മാത്രമല്ല, എല്ലാ രോഗാവസ്ഥയിലും ഇപ്രകാരമാണ് ചെയ്യുന്നത്.

പഞ്ചസാരയുടെ അളവിൽ വലിയ വ്യതിയാനം ഉണ്ടാകുക. 70 എംജി/എല്ലിനു താഴെയോ 250ന് മുകളിലോ ആകുക, മൂത്രത്തിലെ ആസിഡിന്റെ അംശം (കീറ്റോൺസ് പോസിറ്റീവാകുന്നത്) വർധിക്കുക, ആഹാരം കഴിക്കാനാകാത്തതിലുള്ള ക്ഷീണം, ദാഹം, ബോധം കുറയുന്ന അവസ്ഥ എന്നിവ അപകടകരമാണ്.

ദീർഘകാലത്തേക്ക് കോവിഡ് അനന്തര ആരോഗ്യപ്രശ്നങ്ങൾ പൊതുവേ കണ്ടുവരുന്നുണ്ട്. വിശദ അവലോകനത്തിനുള്ള പല പഠനങ്ങളും നടന്നുവരികയാണ്. എന്നിരുന്നാലും ഓർമക്കുറവ്, തലച്ചോറിന്റെ പ്രവർത്തനത്തിലെ ചെറിയ അപചയം, ശ്വാസകോശത്തിലെ പലതരത്തിലുള്ള അണുബാധ തുടങ്ങിയവ പരക്കെ കണ്ടുവരുന്നുണ്ട്.

പ്രമേഹമുള്ളവർ കോവിഡിനെ പേടിക്കേണ്ടതില്ല. ശത്രുവിനെ മനസ്സിലാക്കി കീഴടക്കുകയാണ് വേണ്ടത്. രക്തത്തിലെ പഞ്ചസാരയുടെ അളവ് നിയന്ത്രണവിധേയമാക്കുകയാണ് സുപ്രധാനം.