പ്രമേഹ ചികില്‍സയില്‍ നിര്‍ണായക വഴിത്തിരിവാകുമെന്ന് കരുതുന്ന പുതിയ മരുന്ന് ബംഗളുരുവില്‍ പുറത്തിറക്കി. ടൈപ്പ് 2 പ്രമേഹ ചികില്‍സയ്ക്കുള്ള ഫോര്‍ക്‌സിഗ എന്ന മരുന്നാണ് പ്രമുഖ ബ്രിട്ടീഷ് മരുന്ന് നിര്‍മ്മാതാക്കളായ അസ്ട്രസെനെക പുറത്തിറക്കിയത്. ഇന്‍സുലിന്‍ അടങ്ങിയിട്ടുള്ള ഈ മരുന്ന്, ശരീരത്തിലെ അധികമുള്ള ഗ്ലൂക്കോസിനെ മൂത്രത്തിലൂടെ പുറന്തള്ളുന്നു. കൂടാതെ ഗ്ലൈക്കേറ്റഡ് ഹീമോഗ്ലോബിന്‍, ശരീരഭാരം, രക്തസമ്മര്‍ദ്ദം എന്നിവ കുറയ്ക്കാനും ഈ മരുന്ന് സഹായകരമാണ്. ഗൂളിക രൂപത്തിലുള്ള ഫോര്‍ക്‌സിഗ, ടൈപ്പ് 2 പ്രമേഹമുള്ള പ്രായപൂര്‍ത്തിയായ രോഗികള്‍ ദിവസം ഒന്ന് എന്ന ക്രമത്തിലാണ് കഴിക്കേണ്ടതെന്ന് കമ്പനി പുറത്തിറക്കിയ പത്രക്കുറിപ്പില്‍ പറയുന്നു. 
11801 രോഗികളില്‍ വിജയകരമായി പരീക്ഷിച്ചശേഷമാണ് ഫോര്‍ക്‌സിഗ മരുന്ന് പുറത്തിറക്കുന്നത്. റഗുലേറ്റര്‍ ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യ ഇക്കഴിഞ്ഞ ഫെബ്രുവരി 25നാണ് ഫോര്‍ക്‌സിഗ മരുന്നിന് അനുമതി നല്‍കിയത്. ഇന്‍സുലിന്‍ കുത്തിവെയ്പ്പിനുപകരമായി ഈ ഗുളിക ഉപയോഗിക്കാമെന്നാണ് കമ്പനി അവകാശപ്പെടുന്നത്. അതേസമയം ഡോക്ര്‍മാരുടെ നിര്‍ദ്ദേശപ്രകാരം മാത്രമെ ഈ മരുന്ന് കഴിക്കാന്‍ പാടുള്ളുവെന്നും പത്രക്കുറിപ്പിലുണ്ട്. ഈ മരുന്ന് പുറത്തിറക്കിയശേഷം അസ്ട്രസേനെകയുടെ ഓഹരി വില കുത്തനെ കൂടിയിട്ടുണ്ട്. കഴിക്കാന്‍ പാടുള്ളുവെന്നും പത്രക്കുറിപ്പിലുണ്ട്. ഈ മരുന്ന് പുറത്തിറക്കിയശേഷം അസ്ട്രസേനെകയുടെ ഓഹരി വില കുത്തനെ കൂടിയിട്ടുണ്ട്. 

ഇന്ത്യയില്‍ ഏകദേശം 63 മില്യണ്‍ പ്രമേഹ രോഗികളുണ്ടെന്നാണ് കണക്ക്. അമിതഭാരവും അമിതവണ്ണവും മൂലമാണ് ടൈപ്പ് 2 പ്രമേഹം ഉണ്ടാകുന്നത്. ഇന്ത്യയിലെ പ്രമേഹ രോഗികളില്‍ ഏറെയും ടൈപ്പ് 2 പ്രമേഹബാധിതരാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha