കഴിഞ്ഞ കുറച്ച് ദിവസങ്ങളായി മങ്കി പോക്‌സിനെ കുറിച്ചുള്ള വാര്‍ത്തകളാണ് പുറത്തെത്തുന്നത്. മങ്കിപോക്‌സ് സ്വവര്‍ഗാനുരാഗികളായ പുരുഷന്മാരില്‍ കൂടുതലായി കാണപ്പെടുത്തതായുള്ള വാര്‍ത്തകളും നേരത്തെ പുറത്തുവന്നിരുന്നു. ഇതോടെ ലൈം ഗികബന്ധത്തിലൂടെ രോഗം പടരും എന്ന അഭ്യൂഹങ്ങളും സോഷ്യല്‍ മീഡിയയില്‍ ശക്തമായിരുന്നു.

ഇപ്പോഴിതാ ഇക്കാര്യത്തില്‍ വ്യക്തത വരുത്തിയിരിക്കുകയാണ് ലോകാരോഗ്യസംഘടന. പല രോഗങ്ങളും ലൈം ഗികബന്ധത്തിലൂടെ പകരാമെന്നും അതിലൊന്നാണ് മങ്കിപോക്‌സെന്നുമാണ് ലോകാരോഗ്യ സംഘടന പറയുന്നത്. ലൈം ഗികബന്ധത്തിലൂടെ എന്നതിലുപരി അടുത്ത് ഇടപഴകുന്ന അവസരങ്ങളിലൂടെ പകരുന്ന രോഗമാണ് മങ്കിപോക്‌സ്.

പനിയും, ജലദോഷവും പോലും ലൈംഗികബന്ധത്തിലൂടെ പകരും അതുകരുതി അത് ലൈം ഗികബന്ധത്തിലൂടെ പകരുന്ന രോഗമാണെന്ന് പറയാനാവില്ല. അതുപോലെയാണ് മങ്കിപോക്സും ലോകാരോഗ്യസംഘടന പറഞ്ഞു.

അതേസമയം കോവിഡ് പോലെ വളരെ വേഗത്തില്‍ പറക്കുന്ന അണുബാധയല്ല മങ്കിപോക്സിനും ജനങ്ങള്‍ കൂട്ടമായി രോഗവ്യാപനം ചെറുക്കണമെന്നും ലോകാരോഗ്യസംഘടന പറഞ്ഞു.