ദല്‍ഹിയില്‍ ചിക്കന്‍ ഗുനിയയും ഡങ്കിപ്പനിയും പടരുന്ന സാഹചര്യത്തില്‍ കേരളത്തിലും മുന്‍കരുതലുകള്‍ എടുക്കണമെന്ന് ആരോഗ്യ മന്ത്രാലയം അഭിപ്രായപ്പെട്ടു. ഈഡിസ് ഈജിപ്തി((Aedes aegypti), ഈഡിസ് ആല്‌ബോപിക്ടുസ്(Aedes albopictus) എന്നീ ഇനങ്ങളിലുള്ള പെണ്‍ കൊതുകുകളാണ് ചിക്കുന്‍ഗുനിയ സംക്രമിപ്പിക്കുന്നത്.കൊതുകുകളെ നശിപ്പിക്കുക എന്നതാണ് ചിക്കന്‍ ഗുനിയ തടയാനുള്ള ഫലപ്രദമായ മാര്‍ഗം.

2006 സെപ്റ്റംബര്‍ അവസാനം മുതല്‍ ദക്ഷിണേന്ത്യന്‍ സംസ്ഥാനങ്ങളില്‍, പ്രത്യേകിച്ചു കേരളത്തില്‍ വ്യാപകമായി ചിക്കന്‍ ഗുനിയ പടര്‍ന്നു പിടിച്ചു. പൊതുവെ മാരകമല്ലെങ്കിലും ഏതെങ്കിലും സ്ഥായിയായ അസുഖങ്ങള്‍ നേരത്തെ ഉള്ളവര്‍ക്ക് പിടിപെട്ടാലോ, ശരിയായ രീതിയില്‍ ചികിത്സ ചെയ്യാതിരുന്നാലോ ഇതു മാരകമയേക്കാം.
ചിക്കുന്‍ഗുനിയ പിടിപ്പെട്ടവര്‍ക്ക് പിന്നീട് വരുന്ന ഒരു പ്രശ്‌നം സന്ധി വേദന (Joint Pain) ആണ് . ആഴ്ചകളോ മാസങ്ങളോ തന്നെ ഈ വേദന ഒരുപക്ഷെ നീണ്ടു നിന്നേക്കാം. ഇത്തരം സന്ധിവേദനക്ക് ഫലപ്രദമായ മരുന്നുകള്‍ ഒന്നും കണ്ടുപിടിച്ചിട്ടില്ല. എന്നാല്‍ ചിട്ടയായ ആഹാര ശീലവും മറ്റും കൊണ്ട് ഈ വേദന മാറ്റിയെടുക്കാന്‍ ഒരു പരിധിവരെ കഴിയും. ഇങ്ങനെയുള്ള ചില പ്രതിവിധികള്‍ ആണ് ചുവടെയുള്ളത്.
1. കൂടുതല്‍ പച്ചക്കറികളും പഴങ്ങളും ഉള്‍പെടുത്തിയ ആഹാര ക്രമം.
2.ഇഞ്ചി ഇട്ടു തിളപ്പിച്ച ചായയും,ഗ്രീന്‍ ടീയും ഉപയോഗിക്കുക.
3.ശരീരത്തിലെ ജലാംശം കുറഞ്ഞു പോകാതെ ഇരിക്കാന്‍ വേണ്ടി കൂടുതല്‍ വെള്ളം കുടിക്കുക.
4.ഉറക്കം ശരീരത്തിന് ആവശ്യമാണ്, അതിനാല്‍ കൂടുതല്‍ സമയം ഉറങ്ങാന്‍ ശ്രമിക്കുക.
5.ചെറിയ തരത്തിലുള്ള എയിറോബിക് വ്യായാമങ്ങള്‍ ചെയ്യുക വഴി ശരീരത്തിലെ സന്ധികള്‍ നല്ലപോലെ പ്രവര്‍ത്തിക്കുകയും വേദന കുറയുകയും ചെയ്യും.
6.സന്ധികളില്‍ വെളിച്ചെണ്ണ കൊണ്ടുള്ള ചെറിയ മാസാജുകള്‍ വേദനയില്‍ നിന്ന് ആശ്വാസം തരും.
7.ഐസ് കട്ടകള്‍ ഒരു തുണിയില്‍ പൊതിഞ്ഞു വേദനയോ പൊള്ളലോ ഉള്ള ഭാഗത്ത് വക്കുന്നത് വേദനയില്‍ നിന്ന് ആശ്വാസം തരും.
8.ഒലിവ് എണ്ണയും വിറ്റാമിന്‍ ഈയും ചേര്‍ത്ത് ഇടുന്നത് തൊലിപ്പുറത്തെ ചൊറിച്ചിലിനു ശമനം നല്‍കും.

ചിക്കന്‍ ഗുനിയ പടര്‍ത്തുന്ന കൊതുകുകള്‍ മനുഷ്യന്റെ കാല്‍മുട്ടിന് മുകളിലേക്ക് പറക്കില്ലത്രേ. അതുകൊണ്ട് കാല്‍ മുട്ടുവരെ വെളിച്ചെണ്ണ തേക്കുന്നത് ഈ കൊതുകുകളെ അകറ്റുമെന്നു പറയുന്നു.