മോണരോഗം : അര്ബുദത്തിന് കാരണമായേക്കാം
നമ്മള് പലരും നിസ്സാരമായി കാണുന്ന ഓന്നാണ് പല്ലുതേക്കുമ്പോള് രക്തം വരുകയോ മോണയ്ക്ക് വേദന വരുകയോ ചെയ്യുന്നത്. എന്നാല് നിസാരമായി കാണേണ്ട ഒന്നല്ല ഇത്. മോണരോഗം അര്ബുദത്തിനു വരെ കാരണമാകും. ദന്തല് പ്ലാക്കുകളിലെ ബാക്ടീരിയയാണ് പ്രധാന വില്ലന്. മോണയിലെ ഈ അണുബാധ ഒരാളുടെ മൊത്തത്തിലുള്ള ആരോഗ്യത്തെ ബാധിക്കും. ബാക്ടീരിയയെ കൂടാതെ ജനിതക കാരണങ്ങള്, സമ്മര്ദം, പുകവലി, ഹോര്മോണ് വ്യതിയാനം, ചില മരുന്നുകളുടെ ഉപയോഗം ഇവയും മോണരോഗത്തിനു കാരണമാകാം. മോണരോഗം വന്നിട്ടുള്ള സ്ത്രീകള്ക്ക് അര്ബുദം ബാധിക്കാനുള്ള സാധ്യത കൂടുതലാണെന്ന് ഒരു യു എസ് പഠനം പറയുന്നു. പ്രത്യേകിച്ചും സ്തനാര്ബുദവും അന്നനാളത്തിലെ അര്ബുദവും.
അമേരിക്കന് അസോസിയേഷന് ഫോര് കാന്സര് റിസര്ച്ചിന്റെ ജേണലായ കാന്സര് എപ്പിഡെമിയോളജി, ബയോമാര്ക്കേഴ്സ് ആന്ഡ് പ്രിവന്ഷനില് പ്രസിദ്ധീകരിച്ച പഠനം പറയുന്നത്. മുമ്പ് ദന്തരോഗങ്ങള് ബാധിച്ചിട്ടുള്ളവര്ക്ക് അര്ബുദം വരാനുള്ള സാധ്യത 14 ശതമാനം കൂടുതലാണെന്നാണ്. മോണയ്ക്ക് രോഗം ബാധിച്ച സ്ത്രീകള്ക്ക് അല്ലാത്തവരെ അപേക്ഷിച്ച് അന്നനാളത്തിലെ അര്ബുദത്തിനുള്ള സാധ്യത മൂന്നിരട്ടിയാണ്. കൂടാതെ ശ്വാസകോശാര്ബുദം, ഗോള്ബ്ലാഡര് കാന്സര് ചര്മാര്ബുദമായ, മെലനോമ, സ്തനാര്ബുദം ഇവയ്ക്കും സാധ്യത കൂടുതലാണ്. എങ്ങനെയാണ് മോണരോഗം അര്ബുദ കാരണമാകുന്നതെന്നറിയാന് കൂടുതല് പഠനങ്ങള് ആവശ്യമാണെന്ന് ഗവേഷകര് പറഞ്ഞു.
ഉപദ്രവകാരികളായ രോഗാണുക്കള് ഉമിനീരിലും ദന്തല്പ്ലാക്കിലും കലര്ന്നിട്ടോ രോഗം ബാധിച്ച മോണയിലെ കലകള് രക്തചംക്രമണത്തില് കലര്ന്നിട്ടോ ആകാം രോഗം ബാധിക്കുന്നതെന്ന് ഗവേഷകര് കരുതുന്നു. വായുടെ വളരെ അടുത്താണ് അന്നനാളം അതുകൊണ്ട് തന്നെ മോണയിലെ രോഗാണുക്കള് വളരെ വേഗം അന്നനാളത്തിലെ മ്യൂക്കോസയില് ബാധിക്കുകയും അര്ബുദ കാരണമാകുകയും ചെയ്യുമെന്നും ഗവേഷകര് അഭിപ്രായപ്പെടുന്നു.രോഗങ്ങളെ അകറ്റാന് വായ എപ്പോഴും വൃത്തിയായി സൂക്ഷിക്കേണ്ടതും ആവശ്യമെങ്കില് ദന്തഡോക്ടറുടെ സഹായം തേടേണ്ടതുമാണ്. ആരോഗ്യമുള്ള പല്ലിനും മോണയ്ക്കും പോഷകങ്ങളും ആവശ്യമാണ്. ജീവകം സി അടങ്ങിയ ഭക്ഷണം ദന്താരോഗ്യമേകും.
https://www.facebook.com/Malayalivartha