പരമ്പരാഗതമാര്ഗത്തിലൂടെ ജലദോഷം ശമിപ്പിക്കാം
ജലദോഷം സാധാരണയായി കണ്ടുവരുന്ന ഒരു രോഗമാണ് . ഏഴുമുതല് 10 ദിവസം വരെ ഈ രോഗം നീണ്ടു നില്ക്കും. പ്രധാന ലക്ഷണങ്ങള് ചുമ, തുമ്മല്, മൂക്കടപ്പ്, തലവേദന, തൊണ്ട വേദന തുടങ്ങിയവയാണ്. ജലദോഷം ശമിക്കാന് പരമ്പരാഗതമായി ഉപയോഗിക്കുന്ന ചില മാര്ഗങ്ങളുണ്ട്.
* ചുവന്നുള്ളി ചതച്ചെടുത്ത നീര്, തുളസിയില നീര്, ചെറുതേന് എന്നിവ സമാസമം എടുത്ത് മൂന്ന് നേരം സേവിക്കുക.
* ചതച്ച തുളസിയിലയും കുരുമുളകുപൊടിയും ഒരു ഗ്ലാസ്സ് വെള്ളത്തില് ചേര്ത്ത്, തിളപ്പിച്ച് നേര് പകുതിയാക്കി ഉപയോഗിച്ചാല് ജലദോഷം ശമിക്കും.
* തിളപ്പിച്ചെടുത്ത പാല് ചൂടാറും മുന്പേ കുരുമുളകുപൊടിയും ചേര്ത്ത് ഉപയോഗിക്കുക.
* ഏലയ്ക്കാപ്പൊടി തേനില് ചാലിച്ച് ഉപയോഗിക്കുന്നത് നല്ലതാണ്.
* തുളസിയിലയും കുരുമുളകും ചേര്ത്ത് കാപ്പി തയാറാക്കി ചെറു ചൂടോടെ കുടിക്കുന്നത് ഫലം ചെയ്യും.
* ഒരു കഷ്ണം മഞ്ഞള് എടുത്ത് കരിച്ച് അതിന്റെ പുക മൂക്കിലൂടെ അകത്തേക്ക് എടുക്കുക. ജലദോഷത്തിന് ശമനം കിട്ടും.
* കുരുമുളക്, തിപ്പലി, ജീരകം എന്നിവ 10ഗ്രാം വീതമെടുത്ത് 200 മില്ലി വെള്ളത്തില് വേവിച്ച് ആവശ്യത്തിന് പഞ്ചസാരയും ചേര്ത്ത് ദിവസവും നാലു പ്രാവശ്യമെങ്കിലും കുടിക്കുക. ഫലം ലഭിക്കും.
* തുളസിയിലയും കല്ക്കണ്ടവും ചേര്ത്തരച്ച് മിശ്രിതമാക്കി ഭക്ഷിക്കുക.
* ഏതാനും തുള്ളി യൂക്കാലി തൈലം വെള്ളത്തിലൊഴിച്ച് തിളപ്പിച്ച ശേഷം അതില് ആവി പിടിക്കുന്നത് നല്ല ഫലം നല്കും. ജലദോഷത്തിനൊപ്പമുള്ള കഫം, മൂക്കടപ്പ്, തലവേദന എന്നിവയ്ക്ക് ഇത് നല്ലതാണ്.
* ഒരുകപ്പ് വെള്ളത്തില് കുരുമുളകും ഇഞ്ചിയും ചേര്ത്ത് തിളപ്പിച്ച് കഷായമാക്കി കുടിക്കുന്നത് ഫലം ചെയ്യും. ദിവസവും രണ്ടോ മൂന്നോ ആവര്ത്തി കുടിക്കുക.
* ഏതാനും തുള്ളി പുല്തൈലം ഇട്ട് തിളപ്പിച്ച വെള്ളത്തില് ആവി പിടിക്കുന്നത് ഫലം ചെയ്യും. രാവിലെയും വൈകുന്നേരവും ചെയ്യുന്നതായിരിക്കും കൂടുതല് ഗുണകരം.
* രണ്ടു ചെറുനാരങ്ങയുടെ നീര് ഒരു ഗ്ലാസ്സ് തിളപ്പിച്ച വെള്ളത്തില് ഒഴിച്ചശേഷം ആവശ്യത്തിന് പഞ്ചസാരയും ചേര്ത്ത് ചെറുചൂടോടെ രാത്രി ഭക്ഷണത്തിനുശേഷം കഴിക്കുക. ഇത് രണ്ടോ മൂന്നോ ദിവസം ആവര്ത്തിക്കുക. ജലദോഷത്തിന് ശമനമുണ്ടാകും.
* നീണ്ടുനില്ക്കുന്ന ജലദോഷം മറ്റുരോഗങ്ങളിലേക്ക് നയിക്കുവാനുള്ള സാധ്യത ഏറെയാണ്. അങ്ങനെ തോന്നുന്ന പക്ഷം വൈദ്യപരിശോധനയ്ക്ക് വിധേയമാക്കിയാല് മറ്റു രോഗങ്ങളെ അകറ്റി നിര്ത്താന് കഴിയും.
https://www.facebook.com/Malayalivartha
