കുട്ടികള്ക്ക് ഫലപ്രദം ഹോമിയോ
കുട്ടികള്ക്ക് ഏറ്റവും ഫലപ്രദമായ ചികിത്സാ ഹോമിയോ ആണെന്ന് പറയേണ്ടിവരും. പാര്ശ്വഫലങ്ങള് ഒന്നും ഇല്ലാത്തതിനാല് ഹോമിയോ കുട്ടികള്ക്ക് ഇത് നല്ലതാണ്. വൈറസ് മൂലവും ബാക്ടീരിയ മൂലവും ഏറ്റവും കൂടുതലായി കാണപ്പെടുന്ന രോഗങ്ങള്ക്ക്ക ഹോമിയോയില് പ്രതിവിധിയുണ്ട്.
വൈറല് പനിക്കു മരുന്നുകള് - സര്വസാധാരണമായി കുട്ടികളില് കണ്ടുവരുന്നതാണ് ഇന്ഫ്ലുവന്സ അഥവാ വൈറല് പനി. പകര്ച്ചവ്യാധിയായ ഒരു വൈറല് രോഗമാണിത്. പനി, മൂക്കൊലിപ്പ്, തൊണ്ടവേദന, ശരീരവേദന, തലവേദന, ക്ഷീണം എന്നിവയാണ് സാധാരണ കണ്ടുവരുന്ന പ്രാരംഭ ലക്ഷണങ്ങള്. കുട്ടികളില് വയറുവേദനയും വയറിളക്കവും ഇതോടൊപ്പം കാണാറുണ്ട്.
ഹോമിയോപ്പതിയില് രോഗിയുടെ ശാരീരിക മാനസികലക്ഷണങ്ങള് കണക്കിലെടുത്താണ് ചികിത്സ നിര്ണയിക്കുന്നത്. ഓരോ വ്യക്തിയുടെയും പ്രത്യേകത അനുസരിച്ചു നല്കുന്ന മരുന്നിലും വ്യത്യാസം ഉണ്ടാകും. അല്ലിയം സെപ്പാ, ആഴ്സ് ആല്ബ്, യൂഫ്രേഷ്യ, യൂപ്പാറ്റോറിയം, ബ്രയോണിയ, ബെല്ലഡോണ മുതലായ മരുന്നുകള് രോഗലക്ഷണങ്ങളുടെ അടിസ്ഥാനത്തില് ഉപയോഗിക്കുന്നു. വൈറല് അസുഖമായതു കൊണ്ടു തന്നെ പ്രതിരോധ ഔഷധങ്ങള് കഴിച്ചാല് അസുഖം വരാതെ നോക്കുകയും ചെയ്യാം.
അഞ്ചാംപനി - കുട്ടികളില് കണ്ടുവരുന്ന പ്രധാന പകര്ച്ചവ്യാധിയായ വൈറല് അസുഖമാണ് മീസില്സ് അഥവാ അഞ്ചാംപനി. പനി, ക്ഷീണം, മൂക്കൊലിപ്പ്, കണ്ണില് ചുമപ്പുനിറം എന്നിവയാണ് ആദ്യ ലക്ഷണങ്ങള്, ലക്ഷണങ്ങള് ആരംഭിച്ച് മൂന്നു മുതല് അഞ്ചു ദിവസത്തിനകം ശരീരത്ത് ചെറിയ ചുവന്ന കുരുക്കള് വരും. രോഗലക്ഷണങ്ങളുടെ അടിസ്ഥാനത്തില് ആന്റിംടാര്ട്ട്, പള്സാറ്റില, ബ്രയോണിയ, ബെല്ലഡോണ മുതലായ മരുന്നുകള് ഗുണം ചെയ്യും.
മുണ്ടിനീരിന് - പരോട്ടിഡ് ഗ്ലാന്ഡ് എന്ന ഉമിനീര് ഗ്രന്ഥിയെ ബാധിക്കുന്ന ഒരു വൈറല് അസുഖമാണ് മംപ്സ് അഥവാ മുണ്ടിനീര്. പനി, ശരീരവേദന, കവിളില് ചെവിയുടെ താഴെഭാഗത്ത് വേദനയോടു കൂടിയ തടിപ്പ്, വായ് തുറക്കാനുള്ള ബുദ്ധിമുട്ട്, തലവേദന, ക്ഷീണം മുതലായവയാണ് രോഗലക്ഷണങ്ങള്. ഇതിന്റെ സങ്കീര്ണതയായി (രീാുഹശരമശേീി) ആണ്കുട്ടികളില് വൃഷണത്തിലും പെണ്കുട്ടികളില് അണ്ഡാശയത്തിലും വീക്കം (ശിളഹമാാമശേീി) ഉണ്ടാകാന് സാധ്യതയുണ്ട്. അങ്ങനെയുണ്ടായാല് ഭാവിയില് വന്ധ്യതയ്ക്കു കാരണമാകാം. രോഗലക്ഷണങ്ങളുടെ അടിസ്ഥാനത്തില് മെര്ക്സോള്, പരോറ്റിഡിനം ബെല്ലഡോണ, പള്സാറ്റില മുതലായ ഔഷധങ്ങള് ഫലം ചെയ്യുന്നു.
ടോണ്സിലൈറ്റിസ് - ടോണ്സിലുകള് ചുമന്ന് വലുതാകുക, തൊണ്ടവേദന, പനി, കുളിര്, വിഴുങ്ങാനുള്ള പ്രയാസം, ശബ്ദവ്യത്യാസം, ദുര്ഗന്ധമുള്ള ശ്വാസം, ചെവിവേദന, തലവേദന മുതലായവ ഉണ്ടാകും. ഹോമിയോപ്പതി ചികിത്സാവഴി ശാസ്ത്രക്രിയ കൂടാതെ ടോണ്സിലൈറ്റിസ് പൂര്ണമായി സുഖപ്പെടുത്തുന്നതിനു സാധിക്കും. ഹെപ്പാര്സള്ഫ്, ലാക്കസിസ്, ബെല്ലഡോണ, കാലി കാര്ബ് മുതലായ ഔഷധങ്ങള് രോഗലക്ഷണങ്ങളുടെയും രോഗിയുടെ പ്രത്യേകതകളുടെയും അടിസ്ഥാനത്തില് ഉപയോഗിക്കാം.
വയറിളക്ക രോഗങ്ങള് - ഒന്നില് കൂടുതല് രോഗകാരണങ്ങളാല് വയറിളക്കരോഗങ്ങള് വരാം. ബാക്ടീരിയ, വൈറസ്, പരാദജീവികള് എന്നിവ വയറിളക്കം ഉണ്ടാക്കാറുണ്ട്. മലിനമായ ഭക്ഷണവും വെള്ളവും വഴിയാണ് പകരുക.
കോളറ - വിബ്രിയോ കോളറ എന്ന ബാക്ടീരിയ മൂലം ഉണ്ടാകുന്ന ഒരു വയറിളക്ക രോഗമാണു കോളറ. വളയറിളക്കവും ഛര്ദിയുമാണ് പ്രധാന ലക്ഷണങ്ങള്. കഞ്ഞിവെള്ളം പോലെ മലം ഇളകിപ്പോകുക ഒരു പ്രധാന ലക്ഷണമാണ്. ശരീരവേദനകളും അതിയായ ക്ഷീണവും ഉണ്ടാകും. വയറിളക്ക രോഗങ്ങളില് പ്രധാനമായും ശ്രദ്ധിക്കേണ്ടത് നിര്ജലീകരണം തടയുകയെന്നതാണ്. അതിനായി ഒ. ആര്. എസ് ലായനിയോ കഞ്ഞിവെള്ളത്തില് ഉപ്പു ചേര്ത്തോ ധാരാളം നല്കണം. ആര്സ് ആല്ബ്, പോഡോഫില്ലം വെറാട്രം ആല്ബ്, മെര്ക്ക് കോര് മുതലായ മരുന്നുകള് ലക്ഷണങ്ങളുടെ അടിസ്ഥാനത്തില് ഉപയോഗിക്കാം.
ശ്വാസകോശരോഗങ്ങള് - സാധാരണ ജലദോഷം, ബ്രോങ്കൈറ്റിസ്, ആസ്മ തുടങ്ങി ക്ഷയരോഗം വരെ കുട്ടികളില് കാണാറുണ്ട്. ആര്സ് ആല്ബ്, ഹെപ്പാര്സള്ഫ്, ബ്രയോണിയ, കാലി കാര്ബ്, അല്ലിയംസെപ്പാ തുടങ്ങിയ ഓഷധങ്ങള് ലക്ഷണങ്ങള്ക്ക് അനുസരിച്ച് ഉപയോഗിക്കാം.
ചെവി സംബന്ധമായ അസുഖങ്ങള് - കുട്ടികളില് അസഹ്യമായ വേദന ഉണ്ടാകുന്നതാണ് ചെവി സംബന്ധമായ അസുഖങ്ങള്. ഒരു വയസ്സില് താഴെയുള്ള കുട്ടികളില് ചിലപ്പോള് പനിയായിരിക്കും ആദ്യലക്ഷണം. പള്സാറ്റില, വെര്ബാസ്കം, മെര്ക്ക് സോള്. സെലീഷ്യ മുതലായ മരുന്നുകള് കഴിക്കാം.
ചിക്കന്പോക്സ് - മുതിര്ന്നവരില് മാത്രമല്ല കുട്ടികളിലും സാധാരണയായി കണ്ടുവരുന്ന വൈറല് രോഗമാണ് ചിക്കന്പോക്സ്. രോഗലക്ഷണങ്ങളുടെ അടിസ്ഥാനത്തില് റെസ്ട്ടോക്, തൂജ, പള്സാറ്റില ആന്റിംടാര്ട്ട് മുതലായ മരകുന്നുകള് ഫലപ്രദമാണ്.
ത്വക് രോഗങ്ങള് - വിവിധ തരത്തിലുള്ള ത്വക് രോഗങ്ങള് കുട്ടികളെ ബാധിക്കാറുണ്ട്, അരിമ്പാറ, പാലുണ്ണി, പുഴുക്കടി തുടങ്ങിയിവയും ധാരാളം കാണാറുണ്ട്. ഓരോ ത്വക് രോഗങ്ങളുടെയും ലക്ഷണങ്ങളുടെയും രോഗിയുടെ പ്രത്യേ!കതകളുടെയും അടിസ്ഥാത്തില് ഹോമിയോപ്പതി മരുന്ന് ഫലപ്രദമായി ഉപയോഗിക്കാം സള്ഫര്, ഗ്രാഫൈറ്റിസ് ഹെപ്പാര് സള്ഫ്, മെര്ക്ക് സോള് തുടങ്ങിയ മരുന്നുകള് ഉപയോഗിച്ചു വരുന്നു.
https://www.facebook.com/Malayalivartha
