ലക്ഷണങ്ങള് പ്രകടമാകുന്നതിന് മുമ്പ് അര്ബുദം തിരിച്ചറിയാം
രക്തപരിശോധനയിലൂടെ നേരത്തെ തന്നെ അര്ബുദത്തെ തിരിച്ചറിയാന് സാധിക്കുന്ന സംവിധാനം ഗവേഷകര് വികസിപ്പിച്ചു. ഇത്തരമൊരു പരിശോധന ആദ്യത്തെതാണെന്നും ഇതുവരെ അര്ബുദം നിര്ണയിക്കപ്പെടാത്തവരില് രോഗനിര്ണയം നടത്താന് ഇതു സഹായിക്കും എന്നും ഗവേഷകര് അവകാശപ്പെടുന്നു. ജോണ്ഹോപ്കിന്സ് കിമ്മെല് സെന്ററിലെ ഗവേഷകരാണ് നശിച്ചു കൊണ്ടിരിക്കുന്ന അര്ബുദ കോശങ്ങളില് നിന്ന് ചെറിയ അംശം ഡിഎന്എ യെ തിരിച്ചറിയാവുന്ന ഈ ടെസ്റ്റ് വികസിപ്പിച്ചത്.
അര്ബുദ മുഴകളിലെ ഡിഎന്എ യെയും മറ്റുതരം ഡിഎന്എ യെയും അതായത് ചിലപ്പോള് അര്ബുദത്തിന്റെ ജൈവസൂചകങ്ങള് എന്നു തെറ്റിദ്ധരിക്കാറുള്ളവയെയും വേര്തിരിച്ചറിയാന് ഈ പരിശോധനയിലൂടെ സാധിക്കുന്നു. ശ്വാസകോശാര്ബുദം, സ്തനാര്ബുദം, കുടലിലെ അര്ബുദം, അണ്ഡാശയ അര്ബുദം ഇവ നേരത്തെ തിരിച്ചറിയാന് ഈ രക്ത പരിശോധയിലൂടെ സാധിച്ചു. പഠനത്തില് പങ്കെടുത്ത പകുതിയിലധികം രോഗികളില് അര്ബുദ നിര്ണയം നടത്താന് ഗവേഷകര്ക്ക് സാധിച്ചു. എത്രയും നേരത്തെ അര്ബുദം തിരിച്ചറിയുക എന്നതായിരുന്നു ഗവേഷകരുടെ ലക്ഷ്യം.
https://www.facebook.com/Malayalivartha