സോറിയാസിസ് നിയന്ത്രിക്കാം
സോറിയാസിസ് ത്വക്കിനെ ബാധിക്കുന്ന ഒരു അസുഖമാണ്. ത്വക്കിനുണ്ടാകുന്ന നിറം മാറ്റവും മറ്റുമാണ് ഈ രോഗത്തിന്റെ ലക്ഷണങ്ങള്. നിലവില് ഫലവത്തായ ഒരു ചികിത്സയും ഈ അസുഖത്തിനില്ല. എന്നാല്, രോഗത്തെ നിയന്ത്രിച്ച് നിര്ത്താനുളള മരുന്നുകള് ലഭ്യമാണ്. പുറമെ പുരട്ടേണ്ട ഓയിന്റ്മെന്റ്, ഉള്ളില് കഴിക്കേണ്ട മരുന്നുകള്, ഫോട്ടോതെറാപ്പി എന്നിവ കൊണ്ട് അസുഖം നിയന്ത്രിച്ച് നിര്ത്താന് കഴിയും. തുടക്കത്തില് ക്രീമുകളും ഓയിന്റ്മെന്റുകളും ചര്മ്മത്തില് പുരട്ടുന്നതിനൊപ്പം സൂര്യ രശ്മികളും ശരീരത്തില് പതിക്കേണ്ടത് ആവശ്യമാണ്. ചിലര്ക്ക് ഇത് ആശ്വാസം നല്കുമെങ്കിലും മറ്റ് ചിലര്ക്ക് മറ്റ് മരുന്നുകള് നിര്ദ്ദേശിക്കേണ്ടി വരും. അള്ട്ര വയലറ്റ് രശ്മികള് ശരീരത്തില് ആഴ്ചയില് മൂന്ന് പ്രാവശ്യമെങ്കിലും ശരീരത്തില് പതിക്കുന്നതും ചികിത്സയുടെ ഭാഗമാണ്. ഇതിനൊപ്പം മറ്റ് മരുന്നുകളും നല്കും.
രോഗം വഷളായ സ്ഥിതിയിലാണെങ്കില് റെറ്റിനോറ്റിയിഡ്സ് , മെത്രോട്രെക്സേറ്റ്, സൈക്ലോസ്പോറിന് എന്നീ മരുന്നുകളും നിര്ദ്ദേശിക്കും. സോറിയാസിസിന് കാരണമാകുന്ന ത്വക്കിന്റെ വ്യാപനം തടയുകയും വീക്കമുണ്ടാകുന്നതും മറ്റും കുറയ്ക്കുകയുമാണ് മരുന്ന് കൊണ്ട് ചെയ്യുന്നത്. രോഗിയുടെ പ്രായം, അസുഖത്തിന്റെ രൂക്ഷത, ശരീരത്തിന്റെ ആരോഗ്യം എന്നിവ പരിഗണിച്ചാണ് സാധാരണ ഗതിയില് ചികിത്സ നിശ്ചയിക്കുക. ആരംഭ കാലത്ത് ചര്മ്മത്തിന് നനവും ഈര്പ്പവും പ്രദാനം ചെയ്യുന്ന രീതിയില് ചര്മ്മ സംരക്ഷണത്തിനാണ് പ്രാധാന്യം. അല്പം വെയില് കൊള്ളുന്നതും നല്ലതാണ്. എന്നാല് രോഗനില വഷളാക്കുന്ന അണുബാധ, മദ്യത്തിന്റെ ഉപയോഗം എന്നിവ കുറയ്ക്കുകയും വേണം.
https://www.facebook.com/Malayalivartha