കിഡ്നി സ്റ്റോണ് വരാതിരിക്കാന്
കിഡ്നി സ്റ്റോണ് അഥവാ മൂത്രത്തില് കല്ല് ശരീരത്തിലെ നിര്ജലീകരണം കൊണ്ടുണ്ടാവുന്ന അസുഖമാണ്. കഴിക്കുന്ന ഭക്ഷണത്തിലൂടെയും മറ്റും ശരീരത്തില് ധാരാളം ചെറുകല്ലുകള് (ക്രിസ്റ്റല്സ്) രൂപപ്പെടുന്നു. ഇവ മൂത്രത്തിലൂടെ പുറംതള്ളുകയാണ് പതിവ്. എന്നാല് ഇത്തരം ക്രിസ്റ്റലുകള് പുറത്തു പോവാതിരിക്കുകയും വൃക്കയിലോ മൂത്രനാളിയിലോ അടിഞ്ഞു കൂടുകയും ചെയ്യുമ്പോഴാണ് രോഗമുണ്ടാവുന്നത്. നടുഭാഗത്തോ വയറിന്റെ ഒരു വശത്തോ തീവ്രമായ വേദന, മൂത്രതടസ്സം, മൂത്രത്തില് രക്തത്തിന്റെ അംശം, ഛര്ദി എന്നിവ ലക്ഷണങ്ങള്. വൃക്കയില് രൂപപ്പെട്ട കല്ലിന്റെ അളവിനനുസരിച്ചായിരിക്കും ചികില്സ. അഞ്ച് മില്ലിമീറ്ററില് താഴെയാണെങ്കില് മരുന്നിലൂടെ ഭേദമാക്കാം. ഒരു സെന്റിമീറ്ററില് കൂടുതലാണെങ്കില് ലേസര് ശസ്ത്രക്രിയയിലൂടെ കല്ല് പൊടിക്കേണ്ടി വരും. മൂന്ന് സെന്റിമീറ്ററില് കൂടുതലാണെങ്കില് താക്കോല്ദ്വാരശസ്ത്രക്രിയ ചെയ്യണം.
ഫൈബര്ഒപ്റ്റിക് എന്ഡോസ്കോപ് ഉപയോഗിച്ച് ചെയ്യുന്ന ആര്ഐആര്എസ്(റിട്രോഗ്രേഡ് ഇന്ട്രാ റീനല് സര്ജറി)യും കിഡ്നി സ്റ്റോണ് രോഗികള്ക്ക് വളരെ ഫലപ്രദമാണ്. ധാരാളം വെള്ളം കുടിക്കുക. മൂന്നു ലീറ്ററോളം വെള്ളം പകല് സമയത്തു തന്നെ നമ്മുടെ ശരീരത്തിലെത്തണം. ജ്യൂസിന്റെ രൂപത്തിലായാലും മതി. ദിവസേന ഒരു ലീറ്റര് മൂത്രം ശരീരത്തില് നിന്നു പുറത്തു പോവണം. രാത്രിയില് ഉറങ്ങുന്നതിനു തൊട്ടു മുന്പ് വെള്ളം കുടി ഒഴിവാക്കുന്നതാണു നല്ലത്. കിഡ്നി സ്റ്റോണ് രോഗികള് ദിവസേന ഒരു ലീറ്റര് നാരങ്ങ, ഓറഞ്ച് ജ്യൂസുകള് കുടിക്കുന്നത് ഉത്തമം. ഇവയിലുള്ള സി!ട്രേറ്റ് കല്ലുകളുണ്ടാവുന്നത് തടയും. യൂറിക് ആസിഡ് കൂടുതലുള്ള മാംസം, മല്സ്യം, തക്കാളി, ചോക്ലേറ്റ്, ചായ തുടങ്ങിയ ആഹാര പാനീയങ്ങള് നിയന്ത്രിക്കണം. ഒരിക്കല് കിഡ്നി സ്റ്റോണ് രൂപപ്പെട്ടവര്ക്കു വീണ്ടുമുണ്ടാകാനുള്ള സാധ്യത 50 ശതമാനമാണ്. അത്തരക്കാര് കൂടുതല് ശ്രദ്ധിക്കണം.
https://www.facebook.com/Malayalivartha
