നെഞ്ചെരിച്ചില്‍ സര്‍വ്വസാധാരണമായി കണ്ടു വരുന്ന ഒരു ആരോഗ്യ പ്രശ്‌നമാണ്. പകുതി ദഹിച്ച ഭക്ഷണങ്ങളും ദഹന രസങ്ങളും ആമാശയത്തില്‍ നിന്ന് അന്നനാളത്തിലേക്ക് തിരികെ തെറ്റായ ദിശയില്‍ എത്തുന്നതാണ് നെഞ്ചെരിച്ചിലായി മാറുന്നത്. ഇത് വയറിന്റെ മുകള്‍ ഭാഗത്തേക്ക് കയറുന്നതാണ് നെഞ്ചെരിച്ചില്‍. അമ്ലസ്വഭാവമുള്ള ലായനിയും വായുവും അന്നനാളത്തില്‍ പൊള്ളലും എരിച്ചിലും ഉണ്ടാക്കുന്നു. പുളിച്ച് തികട്ടല്‍, നെഞ്ച് വേദന, ഭക്ഷണം ഇറക്കാനുള്ള അസ്വസ്ഥത തുടങ്ങിയവയാണ് നെഞ്ചെരിച്ചിലിന്റെ ലക്ഷണങ്ങള്‍.

പല കാരണങ്ങള്‍ കൊണ്ടും നെഞ്ചെരിച്ചില്‍ ഉണ്ടാവാം. നെഞ്ചെരിച്ചിലിന്റെ ഈ ലക്ഷണങ്ങള്‍ കണ്ടാല്‍ ശ്രദ്ധിക്കാം. ഹൃദയ പ്രശ്‌നങ്ങള്‍ക്ക് പലപ്പോഴും നെഞ്ചെരിച്ചില്‍ കാരണമാകും. നെഞ്ചെരിച്ചില്‍ എന്ന് രീതിയില്‍ ഉണ്ടാവുന്ന നെഞ്ച് വേദന ഹൃദയാഘാത പ്രശ്‌നങ്ങളുടെ തുടക്കമാകും. വയറ്റിലെ അള്‍സറിനും നെഞ്ചെരിച്ചില്‍ കാരണമാകും. രണ്ടിന്റേയും ലക്ഷണങ്ങള്‍ ഒന്നാണെന്നതാണ് പലപ്പോഴും ഇതിനെ രണ്ടിനേയും തിരിച്ചറിയാന്‍ കഴിയാത്തതിനു കാരണം. പിത്താശയക്കല്ല് നമ്മുടെ വയറിലുണ്ടാകുന്ന ചെറിയ ക്രിസ്റ്റല്‍ രൂപത്തിലുള്ള കല്ലുകളാണ്. എന്നാല്‍ പലപ്പോഴും ഇതും നെഞ്ചെരിച്ചില്‍ എന്ന പറഞ്ഞ് നമ്മള്‍ തള്ളിക്കളയാറുണ്ട്.