നിനച്ചിരിക്കാത്ത സമയത്ത് എത്തുന്ന ദുരന്തമാണ് ഹൃദയാഘാതം. ശരീരം തരുന്ന ഹൃദയാഘാതലക്ഷണങ്ങള്‍ പലപ്പോഴും നമുക്കു തിരിച്ചറിയാന്‍ സാധിയ്ക്കാതെ വരുന്നതാണ് ഇതിന് കാരണം. സ്ത്രീകള്‍ക്കു പൊതുവെ ഹൃദയാഘാത സാധ്യത കുറവാണ്. ഈസ്ട്രജന്‍ ഹോര്‍മോണ്‍ സാന്നിധ്യമാണ് കാരണം. സ്ത്രീകളിലേയും പുരുഷന്മാരിലേയും ഹൃദയാഘാതലക്ഷണങ്ങള്‍ വ്യത്യസ്തമാണ്. സ്ത്രീകളില്‍ ഹൃദയാഘാതത്തോടനുബന്ധിച്ചുണ്ടാകുന്ന ചില ലക്ഷണങ്ങളെക്കുറിച്ചറിയൂ.

* പെട്ടെന്ന് നടുവിനും പുറത്തിനും കയ്യിനുമെല്ലാം വേദന വരുന്നത്, ഇത് സാവധാനം കൂടുന്നത് ഹൃദയാഘാത ലക്ഷണവുമാകാം.

* വയറ്റില്‍ വേദന, വയറ്റിലുണ്ടാകുന്ന കനം എന്നിവയാണ് മറ്റൊരു ലക്ഷണം.

* ശരീരം പെട്ടെന്നു തണുത്തു വിയര്‍ക്കുന്നതാണ് സ്ത്രീകളിലെ ഹാര്‍ട്ട് അറ്റാക്കിന്റെ മറ്റൊരു കാരണം.

* ശ്വാസനസംബന്ധമായ പ്രശ്‌നങ്ങള്‍ സ്ത്രീകളിലെ ഹൃദയാഘാത ലക്ഷണങ്ങല്‍ പ്രധാനപ്പെട്ട ഒന്നാണ്

* ശരീരത്തിന് അനുഭവപ്പെടുന്ന വല്ലാത്ത തളര്‍ച്ചയാണ് മറ്റൊരു ലക്ഷണം.

* നെഞ്ചിന്റെ ഭാഗത്തുണ്ടാകുന്ന അസ്വസ്ഥതയും വേദനയുമെല്ലാം സ്ത്രീകളിലും പുരുഷന്മാരിലും ഒരുപോലെയുള്ള ഹൃദയാഘാത ലക്ഷണമാണെന്നു പറയാം.