ശ്രദ്ധിച്ചാല് നടുവേദനയില് നിന്ന് രക്ഷപ്പെടാം
ഒരു പ്രായം കഴിഞ്ഞാല് സ്ത്രീകളിലും പുരുഷന്മാരിലും നടുവേദന പതിവാണ്. പല കാരണങ്ങള്കൊണ്ടും നടുവേദന വരാം. എന്നാല് ചില കാര്യങ്ങള് ശ്രദ്ധിക്കുകയും ജീവിതരീതിയില് ചില മാറ്റങ്ങള് വരുത്തുകയും ചെയ്താല് നടുവേദനയില് നിന്ന് ഒരു പരിധിവരെ രക്ഷപ്പെടാം.
നടുവിന് ഏറ്റവും താങ്ങുകിട്ടുന്നതു മലര്ന്നുകിടക്കുമ്പോഴാണ്. കമിഴ്ന്നു കിടക്കുന്നതു നടുവിനു ബുദ്ധിമുട്ടുണ്ടാക്കുകയും ക്രമേണ നടുവേദനയ്ക്കു കാരണമാകുകയും ചെയ്യും. കിടക്ക ഉറപ്പുള്ളതാകണം. കിടക്കയില് നിന്ന് എഴുന്നേല്ക്കുമ്പോഴും ശ്രദ്ധിക്കണം. ആദ്യം ഒരുവശത്തേക്കു ചരിഞ്ഞു കിടന്ന ശേഷം എഴുന്നേല്ക്കുക. കുറേനേരത്തെ വിശ്രമത്തിനുശേഷം നടുവിലേക്കു കൂടുതല് സമ്മര്ദം പെട്ടെന്നു വരുന്നതു നല്ലതല്ല.
അതുകൊണ്ടുതന്നെ ഒരുവശം ചരിഞ്ഞുകിടന്നതിനുശേഷം എഴുന്നേല്ക്കുന്നതാണു ഗുണകരം. ഭാരമുള്ള വസ്തുക്കള് എടുത്തുയര്ത്തുക. ഭാരമുള്ള വസ്തുക്കളുമായി നടക്കുക. കുനിഞ്ഞുനിന്നു ജോലി ചെയ്യുക. തുടങ്ങിയവയൊക്കെയാണു നടുവേദന ഉണ്ടാക്കുന്ന മറ്റു ഘടകങ്ങള്. അറയില് നിന്ന് ഒരു ഭാരവസ്തു ഉയര്ത്തേണ്ടപ്പോള് ചില കാര്യങ്ങള് ശ്രദ്ധിക്കുക. കുനിഞ്ഞു നിന്ന് അത് ഉയര്ത്തുന്നതിനു പകരം ഇടുപ്പും കാല്മുട്ടും കൂടുതലായി ഉപയോഗിക്കുക. അതായതു മുട്ടുകുത്തി ഇരുന്നുകൊണ്ടു ഭാരം പൊക്കുക.
അതുപോലെതന്നെ അതുപോലെ ഭാരവസ്തുക്കളുമായി നടന്നു നീങ്ങേണ്ടി വരുമ്പോള് ഭാരം ദേഹത്തോടു കഴിയുന്നത്ര ചേര്ത്തുവയ്ക്കുക. കുനിഞ്ഞു നില്ക്കുന്നത് അത്രയേറെ അപകടകരമല്ല. എന്നാല് ദിര്ഘനേരം കുനിഞ്ഞു നിന്നു ജോലി ചെയ്യുന്നതു നല്ലതല്ല ഇത്തരം ജോലി ചെയ്യുന്നവര് കുനിഞ്ഞു നില്പ് എത്രയും കുറയ്ക്കാനുള്ള മാര്ഗങ്ങള് കണ്ടെത്തണം.
അതുപോലെ സ്ഥിരമായി ഭാരമുയര്ത്തേണ്ട ജോലി ചെയ്യുന്നവര് നടുവിനു സംരക്ഷണം നല്കുന്ന ബല്റ്റ് ധരിക്കണം. ഒരേ രീതിയില് നിന്നോ ഇരുന്നോ ഉള്ള ജോലി ഒഴിവാക്കുകയാണു നടുവേദനയും കഴുത്തുവേദനയും ഒഴിവാക്കാനുള്ള ഏറ്റവും നല്ല മാര്ഗം . ഇതാണു നടുവു സംരക്ഷണത്തിനായി നമുക്കു ചെയ്യാന് കഴിയുന്ന ഏറ്റവും നല്ല കാര്യം.
https://www.facebook.com/Malayalivartha