വിഷാദ രോഗത്തിന് മികച്ച ഒരു പരിഹാരവുമായി ലൈവ് സയന്‍സ് ഡോട്ട് കോം രംഗത്തെത്തിയിരിക്കുകയാണ്. വിവാഹം കഴിക്കുക എന്നതാണ് വിഷാദം അകലാന്‍ ഏറ്റവും ഉത്തമമായ മാര്‍ഗം എന്നാണ് അവര്‍ നടത്തിയ പഠനങ്ങളില്‍ പറയുന്നത്. നേരത്തേ, നടത്തിയ പഠനങ്ങളില്‍ കണ്ടെത്തിയത് സന്തുഷ്ടമായ വിവാഹ ജീവിതം സന്തുഷ്ടി പ്രദാനം ചെയ്യുന്നുവെന്നാണ്. എന്നാല്‍, സന്തോഷമുള്ളവര്‍ വിവാഹജീവിതത്തില്‍ നിന്ന് കൂടുതല്‍ സന്തോഷം കണ്ടെത്തുന്നുവെന്നാണ് പുതിയ പഠനം.

വിഷാദം സംബന്ധിച്ച് പരിശോധന നടത്തിയ 3066 സ്ത്രീപുരുഷന്മാരെ പഠനത്തിന്റെ ഭാഗമായി അഭിമുഖം നടത്തി. രണ്ടായിരത്തി പത്തിനും രണ്ടായിരത്തി പന്ത്രണ്ടിനും ഇടയ്ക്ക് വിഷാദ പരിശോധന നടത്തിയവരാണ് ഇവര്‍. അഞ്ച് വര്‍ഷത്തിന് ശേഷവും ഇവരെ അഭിമുഖം നടത്തുകയുണ്ടായി. ഈ അഞ്ച് വര്‍ഷത്തിനിടയില്‍ വിവാഹിതരായവര്‍ രണ്ടാമത് നടത്തിയ അഭിമുഖത്തില്‍ കൂടുതല്‍ സന്തുഷ്ടരായി കാണപ്പെട്ടു. എന്നാല്‍, വിവാഹിതരല്ലാത്തവര്‍ സന്തുഷ്ടിയുടെ കാര്യത്തില്‍ പിറകിലാണെന്ന് പഠനത്തില്‍ വ്യക്തമായി.