പ്രമേഹം ഇന്നത്തെ കാലത്ത് എല്ലാവർക്കും സുപരിചിതമായ ഒരു രോഗമാണ്. പ്രമേഹം ഏത് പ്രായക്കാരിലും പ്രശ്‌നമുണ്ടാക്കുന്ന ഒന്നാണ്. പ്രമേഹം ഏതെങ്കിലും രീതിയില്‍ നമ്മളെ ബാധിച്ചിട്ടുണ്ടെങ്കില്‍ അത് നേരത്തേ കണ്ട് പിടിക്കാം. ഇതിനായി ചില ലക്ഷണങ്ങള്‍ ശരീരം കാണിക്കുന്നു.

സാധാരണ ഒരാള്‍ മൂത്രമൊഴിക്കുന്നത് ദിവസവും നാല് മുതല്‍ ഏഴ് തവണ വരെയാണ്. എന്നാല്‍ പ്രമേഹം ഉള്ള ഒരാള്‍ ഇതില്‍ കൂടുതല്‍ തവണ മൂത്രമൊഴിക്കുന്നു. ശരീരത്തില്‍ അധികമുള്ള ഷുഗര്‍ കിഡ്‌നിപുറന്തള്ളാന്‍ കണ്ടുപിടിക്കുന്ന മാര്‍ഗ്ഗമാണ് മൂത്രമൊഴിക്കുന്നത്. അതുകൊണ്ട് തന്നെ ഇത്തരം ഒരു ലക്ഷണം കണ്ടാല്‍ ഷുഗര്‍ ടെസ്റ്റ് ചെയ്യുന്നത് എന്തുകൊണ്ടും നല്ലതാണ്.

പ്രമേഹമുള്ളവരിൽ ചർമ്മം വരണ്ടതാകുകയും ചൊറിച്ചിലുണ്ടാകുകയും ചെയ്യും. എന്തെന്നാൽ ശരീരത്തിലെ ജലം മുഴുവന്‍ മൂത്രമായി പുറത്ത് പോവുമ്പോള്‍ അത് ശരീരം വരണ്ടതാകുന്നു.

രക്തത്തില്‍ ഗ്ലൂക്കോസിന്റെ അളവ് വര്‍ദ്ധിക്കുമ്പോള്‍ രക്തം സാധാരണത്തേതില്‍ നിന്നും കട്ടിയാവുന്നു. ഉയര്‍ന്ന പ്രമേഹത്തിന്റെ അളവ് കണ്ണിലെ ലെന്‍സുകള്‍ക്ക് വീക്കമുണ്ടാവാനുള്ള സാധ്യത വര്‍ദ്ധിപ്പിക്കുന്നു. ഇത് പലപ്പോഴും കാഴ്ച സംബന്ധമായ പ്രശ്‌നങ്ങള്‍ക്ക് വഴിവെക്കുന്നു.

ഏത് സമയത്തും ക്ഷീണം അനുഭവപ്പെടുന്നതും വിശപ്പ് വര്‍ദ്ധിക്കുന്നതും പലപ്പോഴും പ്രമേഹത്തിന്റെ സൂചനയാണ്.

മുറിവുണങ്ങാനുള്ള കാലതാമസവും മുറിവ് പഴുക്കുന്നതും എല്ലാം പ്രമേഹമുണ്ടെന്നതിന്റെ സൂചനയാണ്. രക്തം കട്ടിയാവുന്നതോടെ രക്തത്തിന്റെ ഒഴുക്കില്‍ കാര്യമായ തടസ്സം നേരിടുന്നു. ഇതാണ് മുറിവുണങ്ങാന്‍ താമസിക്കുന്നതിന്റെ പ്രധാന കാരണം.

ഏകദേശം 70ശതമാനത്തോളം പ്രമേഹവും ഞരമ്പുകളെ കാര്യമായി ബാധിക്കുന്നതിനാൽ കൈകാൽ തരിപ്പും സ്വാഭാവികമാണ്.