കാന്‍സര്‍ ഇന്ന് സര്‍വ്വസാധാരണമായി കാണപ്പെടുന്ന ഒരു രോഗമായി മാറികഴിഞ്ഞു. അപകടകാരിയായതും അല്ലാത്തതുമായി വിവിധ തരത്തിലുളള കാന്‍സര്‍ ഉണ്ട്. കാന്‍സറിനെ ഭയപ്പെടുന്നവരാണ് പലരും. എന്നാല്‍ കാന്‍സറിനെ ഭയപ്പെടുന്നതിന് മുമ്പ് ഏതൊക്കെ തരത്തിലുള്ള ക്യാന്‍സറുകളാണ് നിങ്ങളെ പിടികൂടുന്നതെന്നും അതിന്റെ കാരണങ്ങളും മുന്‍കരുതലുകളെയും കുറിച്ച് അറിയൂ.

* യൂട്രസ്സിലുണ്ടാകുന്ന കാന്‍സര്‍ ആണ് എന്‍ഡോമെട്രിയല്‍ കാന്‍സര്‍. ഇത് മൂലം വളരെ കുറച്ച് പേര്‍ മാത്രമേ ഗുരുതരമായ അവസ്ഥയിലൂടെ കടന്നു പോകുന്നുളളു.

* തൈറോയ്ഡ് ഹോര്‍മോണില്‍ ഉണ്ടാവുന്ന മാറ്റങ്ങള്‍മൂലമാണ് തൈറോയ്ഡ് കാന്‍സര്‍ ഉണ്ടാകുന്നത്. ഇത് സ്ത്രീകളിലാണ് കൂടുതലായി കാണുന്നത്. ആര്‍ത്തവം ക്രമമല്ലാതിരിക്കുക മറ്റ് ശാരീരിക അവശതകള്‍ എന്നിവ കണ്ടാല്‍ ഉടന്‍ തന്നെ ഡോക്ടറെ സമീപിക്കേണ്ടത് അത്യാവശ്യമാണ്.

* സാധാരണയായി കണ്ടുവരുന്നതാണ് കിഡ്‌നി കാന്‍സര്‍. 40 കഴിഞ്ഞ പുരുഷന്‍മാരിലാണ് ഇത് അധികം കാണ്ടുവരുന്നത്. ഇതിന് പ്രധാന കാരണം പുകവലിയാണ്.

* ബ്ലാഡര്‍ കാന്‍സര്‍ മൂലമാണ് ഇന്ന് ഏറ്റവും കൂടുതല്‍ ആളുകള്‍ ദുരിതം അനുഭവിക്കുന്നത്. ബ്‌ലാഡറിനകത്ത് അസാധാരണമായി കോശങ്ങള്‍ വളരുന്ന അവസ്ഥയാണിത്. ഇത് സ്ത്രീകളേയും പുരുഷന്‍മാരേയും ഒരേ പോലെ തന്നെ ബാധിക്കുന്നു.

* കുടല്‍ ക്യാന്‍സറാണ് മറ്റൊന്ന്. ഇത്തരത്തിലൊരു ക്യാന്‍സര്‍ നിങ്ങളെ പിടികൂടിയാല്‍ അത് ശരീരത്തിലെ ന്യൂട്രിയന്‍സിനെ ഇല്ലാതാക്കുന്നു. മാത്രമല്ല സ്ത്രീകളിലും പുരുഷന്‍മാരിലും ഒരു പോലെ കാണപ്പെടുന്ന ഒന്നാണ് കുടല്‍ ക്യാന്‍സര്‍.

* പുരുഷന്‍മാരെ ബാധിക്കുന്നതാണ് പ്രോസ്‌റ്റേറ്റ് കാന്‍സര്‍. ഇന്ന് പ്രോസ്‌റ്റേറ്റ് ക്യാന്‍സര്‍ വളരെയധികം വര്‍ദ്ധിക്കുന്നതായാണ് കണ്ടെത്തുന്നത്.

* സ്ത്രീകളെ ബാധിക്കുന്ന ഒന്നാണ് സ്തനാര്‍ബുദം. പാരമ്പര്യവും സ്തനാര്‍ബുദവും തമ്മില്‍ ബന്ധമുണ്ട്. മരണകാരണവരെയാകാവുന്ന ഒന്നാണ് ഇത്.

* ചികിത്സിച്ച് ഭേദമാക്കാന്‍ ബുദ്ധിമുട്ടുളള ഒന്നാണ് ശ്വാസകോശാര്‍ബുദം. ഇത് പെട്ടെന്നുതന്നെ ശരീരത്തിന്റെ മറ്റ് ഭാഗങ്ങളിലേക്ക് പെട്ടെന്ന് പകരുന്നു. പുകവലിക്കാരിലാണ് ഏറ്റവും കൂടുതല്‍ കണ്ടുവരുന്നത്.