പതിനൊന്നു വയസ്സുകാരിയുടെ കണ്ണിൽ നിന്നും ഉറുമ്പുകൾ വരുന്നതിന്റെ കാരണം കണ്ടെത്താന് സാധിക്കാതെ ഡോക്ടര്മാര്
പതിനൊന്നു വയസ്സുകാരിയുടെ കണ്ണിൽ നിന്നും ഉറുമ്പുകൾ വന്നുകൊണ്ടേ ഇരിക്കുന്നു. കർണാടകയിലെ ബെല്ത്തംഗാഡിയിലെ നെല്ലിംഗേരി ഗ്രാമത്തില് താമസിക്കുന്ന അശ്വിനിയുടെ കണ്ണിലാണ് ഉറുമ്പുകൾ കൂടു കൂട്ടിയത്. നിലവില് 60 ഓളം ഉറുമ്പുകളെയാണ് കുട്ടിയുടെ കണ്ണില് നിന്നും പുറത്തെടുത്തത്.
കുറച്ചു ദിവസങ്ങള്ക്ക് മുന്പ് രാവിലെ എഴുന്നേറ്റപ്പോള് മുതലാണ് അശ്വനിയുടെ കണ്ണിന് കടുത്ത വേദന അനുഭവപ്പെടാന് തുടങ്ങിയത്. മാതാപിതാക്കള് കണ്ണ് പരിശോധിച്ചപ്പോള് കണ്ണില് ഒരു ഉറുമ്പിനെ കാണുകയും അതിനെ എടുത്ത് കളയുകയും ചെയ്തു. രാത്രി ഉറങ്ങുമ്പോൾ ഉറുമ്പ് കണ്ണില് പോയതാണെന്നു കരുതി ആശ്വസിക്കുകയും ചെയ്തു. എന്നാൽ കണ്ണിലെ വേദന അസഹ്യമായപ്പോൾ സ്കൂള് അധ്യാപകരാണ് കുട്ടിയെ ഡോക്ടറുടെ അടുക്കലെത്തിച്ചത്
കുട്ടിയുടെ ചെവിയിലൂടെയാകാം ഉറുമ്പ് കണ്ണിലെത്തിയതെന്നാണ് ഡോക്ടര്മാര് കരുതുന്നത്. കണ്ണിലെ ബുദ്ധിമുട്ട് മാറാനായി ആദ്യം ഐ ഡ്രോപുകള് നല്കി. ഇതിന് ശേഷവും ദിവസേന അഞ്ചാറ് ഉറുമ്പ് വീതം പുറത്തേക്ക് വന്നുതുടങ്ങി. 10 ദിവസത്തിനിടെ 60ഓളം ചത്ത ഉറുമ്പുകളാണ് കണ്ണില് നിന്നും പുറത്തുവന്നത്. ഉറുമ്പ് പുറത്തു വരുമ്പോൾ കണ്ണിന് സഹിക്കാന് പറ്റാത്ത നീറ്റല് ഉണ്ടെന്നും പെണ്കുട്ടി പറയുന്നു. നേത്ര വിദഗ്ധര്ക്ക് പോലും ഇതിന്റെ യഥാര്ത്ഥ കാരണം എന്തെന്ന് തിരിച്ചറിയാന് സാധിച്ചിട്ടില്ല
https://www.facebook.com/Malayalivartha