തൈറോയ്ഡ് ഗുളിക കഴിക്കുന്നവർ ശ്രദ്ധിക്കുക...
ഇന്ന് മിക്കവാറും ആളുകളിൽ സാധാരണമായി കാണുന്ന പ്രശ്നമാണ് തൈറോയിഡ്. തൈറോയ്ഡ് രോഗമെന്നാൽ ശരാശരി മലയാളിയുടെ ചിന്ത ഗോയിറ്റർ അഥവാ തൊണ്ട മുഴയിൽ മാത്രം ഒതുങ്ങി നിൽക്കുന്നതാണ്. വിവിധ തൈറോയ്ഡ് രോഗങ്ങളെ മുമ്പേ പ്രവചിക്കുന്ന നിരവധി ലക്ഷണങ്ങളുണ്ട്. അവയാകട്ടെ നമ്മുടെ നിത്യ ജീവിതത്തിൽ പ്രകടമാകുന്നവയും. അവയെ കണ്ടിട്ടും കാണാത്ത മട്ടിൽ പോകരുത്. ക്ഷീണം, ഭാരവ്യതിയാനങ്ങൾ, ഉത്‌കണ്‌ഠയും വിഷാദവും, കൊളസ്‌ട്രോൾ, ഉദരപ്രശ്‌നങ്ങൾ, മുടി-ചർമ്മ വ്യതിയാനങ്ങൾ, കഴുത്തിന്റെ അസ്വാസ്‌ഥ്യം, പേശീസന്ധിവേദനകൾ തുടങ്ങിയ ലക്ഷണങ്ങൾ നിസ്സാരമാക്കരുത്.
മിക്ക തൈറോയ്ഡ് രോഗങ്ങളും ഓട്ടോ ഇമ്മ്യൂണിറ്റി മുലമാണ് വരുന്നത്. സ്‌ത്രീകളിൽ ഓട്ടോ ഇമ്മ്യൂണിറ്റി മൂലമുള്ള രോഗങ്ങൾ പൊതുവെ കൂടുതലാണ്. ഇതിന്റെ കാരണം കണ്ടെത്തിയിട്ടില്ല. ഏകദേശം 11-12 വയസ്സാകുമ്പോഴേക്കും പെൺകുട്ടികളിൽ തൈറോയ്ഡ് ഗ്രന്ഥി വലുതാകും. അർത്തവം കൃത്യമായി വരുന്ന സമയത്ത് അത് സാധാരണനിലയിലാകും. കൗമാരത്തിൽ ആർത്തവപ്രശ്‌നങ്ങളോ മറ്റു തൈറോയ്ഡ് പ്രശ്‌നങ്ങളോ കണ്ടാൽ നിസ്സാരമാക്കരുത്. ആർത്തവം വൈകിയാലും ശ്രദ്ധിക്കണം. നിർബന്ധമായും രക്‌തത്തിലെ ഹോർമോണിന്റെ അളവ് പരിശോധിച്ചറിയണം. വർഷത്തിൽ ഒരു തവണ തൈറോയ്ഡ് പരിശേധിപ്പിക്കണം. ഗർഭധാരണത്തിനു മുമ്പേ തൈറോയ്ഡ് പ്രവർത്തനം സാധാരണ നിലയിലാണോ എന്നു പരിശോധിച്ചറിയണം. ഗർഭസ്‌ഥ ശിശുവിന് ആദ്യ മൂന്നുനാലു മാസം, തൈറോയ്ഡ് ഹോർമോൺ ഉത്‌പാദിപ്പിക്കാനുള്ള കഴിവില്ല. ഈ സമയത്ത് അമ്മയിൽ നിന്നു കിട്ടുന്ന തൈറോയ്ഡ് ഹോർമോൺ കുഞ്ഞിന്റെ തലച്ചോറിന്റെ വളർച്ചയ്‌ക്ക് വളരെ അത്യാവശ്യമാണ്. അതിനാൽ ഗർഭാവസ്‌ഥയിൽ അമ്മയുടെ തൈറോയ്‌ഡിന്റെ ശരിയായ പ്രവർത്തനം അത്യാവശ്യമാണ്. ഗർഭകാലത്തുടനീളം തൈറോയ്ഡ് പരിശോധന തുടരണം.
തൈറോയ്ഡ് മരുന്നുകൾ ഗർഭകാലത്തും മുടങ്ങരുത്. ഹൈപ്പർതൈറോയിഡിസമുള്ളവരിൽ മരുന്നു മുടങ്ങിയാൽ ഗർഭമലസാം. ഹൈപ്പോതൈറോയിഡിസത്തിനുള്ള ഹോർമോൺ റീപ്ലേസ്‌മെന്റ് തെറപ്പിയും മറ്റും മുടങ്ങിയാൽ കുട്ടിയുടെ ബൗദ്ധിക വളർച്ച മുരടിച്ചു ക്രെട്ടിനിസംപോലുള്ള രോഗാവസ്‌ഥകളിലേക്കും വഴിതെളിക്കാം. തൈറോയ്ഡ് ഗുളികകള്‍ മുടക്കമില്ലാതെ കഴിയ്ക്കണം. എന്നും ഏകദേശം ഒരേ സമയത്തു കഴിയ്ക്കുന്നതാണ് കൂടുതല്‍ നല്ലത്. ഇതാണു പ്രയോജനം നല്‍കുക.
വെറുംവയറ്റില്‍ രാവിലെ ഇത് വെറുംവയറ്റില്‍ കഴിയ്ക്കുക. വെള്ളം കുടിയ്ക്കാം. ഇതിനുശേഷം അര മണിക്കൂര്‍ കഴിഞ്ഞുമാത്രം എന്തെങ്കിലും കുടിയ്ക്കുകയോ കഴിയ്ക്കുകയോ ആകാം. ഭക്ഷണം സോയ, ആഹാരം, പാല്‍, കാല്‍സ്യം, അയേണ്‍ എന്നിവയടങ്ങിയ മരുന്നുകള്‍, ചിലതരം അസിഡിറ്റി മരുന്നുകള്‍ എന്നിവ ഇതു ശരീരം ആഗിരണം ചെയ്യുന്നതു തടയും. ഇതുകൊണ്ടാണ് ഇതു കഴിച്ച് അര മണിക്കൂര്‍ ശേഷം മാത്രം ഭക്ഷണം കഴിയ്ക്കുകയോ പാല്‍, ചായ പാനീയങ്ങള്‍ കുടിയ്ക്കുകയോ ചെയ്യാവൂയെന്നു പറയുന്നത്. ഡോക്ടറുടെ നിര്‍ദേശപ്രകാരം കൃത്യഡോസില്‍ വേണം മരുന്നു കഴിയ്ക്കാന്‍.
കൂടിയ ഡോസ് കഴിച്ചാല്‍ തൂക്കം കുറയുക, ഹൃദയമിടിപ്പു തെറ്റുക, പ്രമേഹം, എല്ലുതേയ്മാനം തുടങ്ങിയവയുണ്ടാകാന്‍ സാധ്യതയേറെയാണ്. ഗുളികള്‍ നിര്‍ത്തുകയോ ഡോസ് വ്യത്യാസപ്പൈടുത്തുകയോ ചെയ്യരുത്. സാധാരണ ഗതിയില്‍ ഒരിക്കല്‍ മരുന്നുകള്‍ കഴിച്ചു തുടങ്ങിയാല്‍ ആജീവനാന്തം ഈ ഗുളികകള്‍ കഴിയ്ക്കുകയും വേണ്ടി വരും. സാധാരണ 100 ഗുളികകളാണ് ഒരു കുപ്പിയില്‍ ലഭിയ്ക്കുക. ഈ കുപ്പി നല്ലപോലെ അടച്ച് അധികം സൂര്യപ്രകാശവും ചൂടും ഏല്‍ക്കാത്തിടത്തു വയ്ക്കുക. അതുപോലെ ഇത് ഇരുണ്ട കുപ്പികളില്‍തന്നെ സൂക്ഷിയ്ക്കുക. സാധാരണ ഇവ ലഭിയ്ക്കുന്നതും ഇരുണ്ട നിറമുള്ള കുപ്പികളിലാകും.
https://www.facebook.com/Malayalivartha
