യോനിയില് ചൊറിച്ചിലും ദുര്ഗന്ധത്തോടുകൂടി വെളുത്ത സ്രവവും...യീസ്റ്റ് ഇന്ഫക്ഷന്റെ ലക്ഷണം !
പല സ്ത്രീകളെയും അലട്ടുന്ന പ്രശ്നമാണ് യോനിയിലെ ചൊറിച്ചിലും, ദുര്ഗന്ധത്തോടുകൂടിയുള്ള വെളുത്ത സ്രവവും. യോനിയിലെ ചൊറിച്ചിൽമൂലം പൊതുയിടങ്ങളിൽ വളരെയേറെ ബുദ്ധിമുട്ടേണ്ടിവരും. അതുപോലെതന്നെയാണ് ദുര്ഗന്ധത്തോടുകൂടിയുള്ള വെളുത്ത സ്രവം പലപ്പോഴും നമ്മളെ അപമാനിതരാക്കാറുണ്ട്. യോനിയില് നിന്നും ദുര്ഗന്ധത്തോടു കൂടി വെളുത്ത സ്രവം വരികയും ചൊറിച്ചിലും അനുഭവപ്പെടുകയാണെങ്കിൽ അത് യീസ്റ്റ് ഇന്ഫക്ഷന്റെ ലക്ഷണമാണ്.
ഒരു വെളുത്തുള്ളി അല്ലി ഉണ്ടെങ്കില് യീസ്റ്റ് ഇന്ഫക്ഷന് പരിഹാരം കാണാന് കഴിയും. ഈ അവസ്ഥയ്ക്ക് വെളുത്തുള്ളി വളരെ മികച്ചതാണ്. വെളുത്തുള്ളി ഏറ്റവും മികച്ച പ്രകൃതിദത്ത ആന്റിബയോട്ടിക്കുകളില് ഒന്നാണ്. വെളുത്തുള്ളിയുടെ കൂടുതല് ഔഷധ ഗുണങ്ങള് കണ്ടെത്തുന്നതിന് വേണ്ടി നിരന്തരമായി പഠനങ്ങള് നടത്തുന്നുണ്ട്. ഇതിലടങ്ങിയിട്ടുള്ള അല്ലിസിന് എന്ന സംയുക്തമാണ് ഈ ഗുണങ്ങള്ക്കെല്ലാം കാരണം. ഭക്ഷണങ്ങള്ക്ക് നല്ല ഗന്ധം നല്കുക മാത്രമല്ല ബാക്ടീരിയ, വൈറസ്, ഫംഗസ് എന്നിവയെ ചെറുക്കാനും എല്ലിസിന്റെ ഗുണങ്ങള് സഹായിക്കും. അണുക്കളെ പ്രതിരോധിക്കാനുള്ള വെളുത്തുള്ളിയുടെ ശേഷി യീസ്ററ് ഇന്ഫക്ഷന് ചികിത്സിക്കുന്നതിന് ഫലപ്രദമാണ്. എന്നാൽ വെളുത്തുള്ളിയോട് അലര്ജി,രക്തസ്രാവത്തിന്റെ പ്രശ്നങ്ങള് എന്നിവ ഉണ്ടെങ്കിലും രക്തം കട്ടപിടിക്കാതിരിക്കാനുള്ള മരുന്ന് കഴിക്കുന്നുണ്ടെങ്കിലും എച്ച് ഐവി/എയ്ഡ്സ് ചികിത്സയിലാണെങ്കിലും താഴെപ്പറയുന്ന ചികിത്സാ മാര്ഗം ഉപേക്ഷിക്കണം. വെളുത്തുള്ളി ഉപയോഗിക്കുന്നതിലൂടെ പല സ്ത്രീകള്ക്കും യോനിയിലെ യീസ്റ്റ് ഇന്ഫക്ഷന് ആശ്വാസം ലഭിക്കുന്നതായാണ് കാണുന്നത്. ആവശ്യമെങ്കില് ഈ രീതി പരീക്ഷിച്ച് നോക്കാവുന്നതാണ്.
ഏറ്റവും ഫലപ്രദം യീസ്റ്റ് ഇന്ഫക്ഷന് ഭേദമാക്കുന്നതിന് യോനിയില് തിരുകി വയ്ക്കുന്ന മരുന്നായി വെളുത്തുള്ളി ഉപയോഗിക്കുന്നതാണ്. ഇതിനായി ഒരു അല്ലി വെളുത്തുള്ളി, ഒരു നൂല് എന്നിവയാണ് ആവശ്യം. വെളുത്തുള്ളി എടുത്ത് അതിന്റെ തൊലി കളഞ്ഞശേഷം ഒരു വെളുത്തുള്ളി അല്ലി എടുത്ത് രണ്ടായി മുറിച്ച് ഒരു പകുതിയിലൂടെ ഒരു നൂല് കോര്ക്കുക. ഉപയോഗത്തിന് ശേഷം യോനിയില് നിന്നും വെളുത്തുള്ളി എളുപ്പം നീക്കം ചെയ്യാന് ഇത് സഹായിക്കും. ഉറങ്ങാന് പോകുന്നതിന് മുമ്പ് ഈ വെളുത്തുള്ളി അല്ലി യോനിയില് തിരുകി വയ്ക്കുക. അടുത്ത ദിവസം രാവിലെ ഇത് സ്വയം പുറത്ത് വരാന് കാത്തിരിക്കുക. അഥവാ പുറത്തുവന്നില്ലെങ്കിൽ വെളുത്തുള്ളിയില് കോര്ത്തിരുന്ന നൂലില് പതുക്കെ വലിക്കുക. പോറലോ, മുറിവോ ഉണ്ടാകാതെ നോക്കണം. ചികിത്സ കൂടുതല് ഫലപ്രദമാക്കാൻ കുറച്ച് വെളുത്തുള്ളി ചവച്ച് കഴിക്കുകയോ ആഹാരത്തില് ചേര്ത്ത് കഴിക്കുകയോ ചെയ്യാം. ഒന്ന് അല്ലെങ്കില് രണ്ട് രാത്രികളില് ഇങ്ങനെ ചെയ്യുക.
ഒറ്റ രാത്രി കൊണ്ട് തന്നെ ഈ ചികിത്സയ്ക്ക് ഫലം ലഭിക്കും. എന്നാല് പ്രതീക്ഷിച്ച ഫലം ലഭിച്ചില്ല എങ്കില് ഒരു രാത്രി കൂടി ഇത് തുടരാം. ഇങ്ങനെ ചെയ്യുന്നതിന് മുമ്പ് ഡോക്ടറുടെ നിര്ദ്ദേശം തേടുക. ഈ മാര്ഗ്ഗം യീസ്റ്റ് ഇന്ഫക്ഷന് പരിഹാരം കാണാന് വളരെ ഫലപ്രദമാണെങ്കിലും യോനിക്കുള്ളില് പുകച്ചില്, വേദനയും മറ്റ് അസ്വസ്ഥതകളും, ചൊറിച്ചില് തുടങ്ങീ ഏതെങ്കിലും പാര്ശ്വഫലങ്ങള് അനുഭവപ്പെടുകയാണെങ്കില് ഉടന് തന്നെ ഡോക്ടറുടെ നിര്ദ്ദേശം തേടുക.
https://www.facebook.com/Malayalivartha
