ഇപ്പോൾ ഏറെക്കുറെ സർവ്വ സാധാരണമായി തീർന്നിട്ടുണ്ട് വെരിക്കോസ് വെയ്ൻ എന്ന രോഗം. ദീര്‍ഘനേരം ഇരുന്ന് ജോലി ചെയ്യുന്നവരിലും നിന്നു ജോലി ചെയ്യുന്നവരിലും ഇത്തരം പ്രശ്‌നങ്ങള്‍ കാണാറുണ്ട്.

ചര്‍മ്മത്തിന് തൊട്ടുതാഴെയുള്ള സിരകള്‍ തടിച്ച് പിണഞ്ഞുകിടക്കുന്ന അവസ്ഥയാണ് ഇത്. പൊതുവെ ജീവഹാനി വരുത്തുന്ന 'കേമൻ' അസുഖങ്ങളുടെ പട്ടികയിൽ പെടാത്തതു കൊണ്ടാകണം ആരംഭത്തിൽ ആരും ഇതത്ര ഗൗരവമായി എടുക്കാറില്ല. ഏറെ വേദനയും മറ്റ് ആസ്വാസ്ഥ്യങ്ങളുമുണ്ടാക്കുന്ന ഒരു രോഗമാണ് ഇത്. പലപ്പോഴും രോഗിയെ മാത്രമല്ല കുടുംബാംഗങ്ങളെക്കൂടി വിഷമത്തിലാക്കുന്ന ഒരസുഖമാണ് ഇത് .

ശരീരത്തിന്റെ വിവിധ ഭാഗങ്ങളിൽ നിന്ന്‌ അശുദ്ധ രക്തത്തെ ഹൃദയത്തിൽ എത്തിക്കുന്ന രക്തക്കുഴലുകളാണ്‌ ധമനികൾ. ഇതിൽ വീർത്ത്‌, തടിച്ച്‌ ചുരുണ്ട്‌ കാണപ്പെടുന്നതാണ്‌വെരിക്കോസ്‌ വെയിനുകൾ . 

കാലുകളിലും പാദങ്ങളിലുമാണ് കൂടുതലും ഉണ്ടാകുന്നത്. ദീര്‍ഘനേരം നില്‍ക്കുന്നതും നടക്കുന്നതും മൂലം കാലുകള്‍ക്ക് സമ്മര്‍ദ്ധമുണ്ടാകുന്നത് വെരിക്കോസ് വെയിനിന്നു കാരണമാകുന്നു

ഇത് പലപ്പോഴും അങ്ങേയറ്റം എത്തിയതിനു ശേഷമാണ് പലരും ചികിത്സിക്കുന്നതിനായി എത്തുന്നത്. എന്നാല്‍ അപ്പോഴേക്കും പല ചികിത്സകളും ഫലപ്രദമാകാതെ പോകുന്ന അവസ്ഥയാണ് കാണാറുള്ളത്. വെരിക്കോസ് വെയ്ൻ പൂർണമായി ചികിൽസിച്ചു മാറ്റാം എന്ന അവകാശ വാദങ്ങൾ ഏറെ പഴകിയ അവസ്ഥയിൽ ഫലപ്രദമല്ലെങ്കിലും രോഗികള്‍ക്ക് ആശ്വാസം നല്‍കി സാധാരണ രീതിയിലേക്ക് മടങ്ങിവരാന്‍ ഉതകുന്നചികിത്സാ രീതികൾ ഇപ്പോള്‍ ലഭ്യമാണ്

ജീവിതശൈലീ മാറ്റങ്ങളിലൂടെ കുറെയൊക്കെ വെരിക്കോസ് വെയ്ൻ നിയന്ത്രിക്കാം .വെരിക്കോസ് വെയിനിന് പരിഹാരം കാണാന്‍ പല വിധത്തിലുള്ള വീട്ടു വൈദ്യങ്ങളും ഉണ്ട്. ഉദാഹരണത്തിന് പച്ചത്തക്കാളി കഴിക്കുന്നത് വെരിക്കോസ് വെയിനിന് പരിഹാരം ആയി പറയുന്നുണ്ട്.

ആപ്പിള്‍ സിഡാര്‍ വിനീഗര്‍, ഒലീവ് ഓയില്‍ എന്നിവയും വെരിക്കോസ് വെയിനിന് പരിഹാരമായി ഉപയോഗിക്കുന്ന വീട്ടു മരുന്നുകൾ ആണ്. ദിവസവും വെളുത്തുള്ളി ഉപയോഗിക്കുന്നത് ശീലമാക്കുന്നതും നല്ലതാണ്.
ദിവസവും വ്യായാമം ചെയ്യുന്നത് മസിലിന് ഉറപ്പ് നല്‍കുകയും രക്തയോട്ടം വര്‍ദ്ധിപ്പിക്കുകായും ചെയ്യും. വെരിക്കോസ് വെയിന്‍ ഉണ്ടെങ്കിലും കാലിന് നന്നായി വ്യായാമം നല്‍കണം. ഇല്ലെങ്കില്‍ ഇതിന്റെ സാധ്യത ഇല്ലാതാക്കാനും കാലിന് വ്യായാമം നല്‍കാം.

വിറ്റാമിന്‍ സി അടങ്ങിയ ഭക്ഷണം കൂടുതലായി കഴിക്കണം.ശരീരത്തിന്റെ അമിതഭാരം കുറക്കണം.അമിതഭാരം ഉള്ളവരുടെ കാലിലെ ഞരമ്പുകള്‍ക്ക് ഹൃദയത്തിലേക്ക് രക്തം പമ്പ് ചെയ്യാന്‍ കഴിയാതെ വരുന്നു. കുടുംബത്തില്‍ ഇത്തരം പ്രശ്‌നങ്ങള്‍ ഉള്ളവരാണെങ്കില്‍ ഇടയ്ക്ക് പരിശോധന നടത്തുന്നത് നല്ലതാണ്.

ശസ്ത്രക്രിയയും ഈ അസുഖത്തിന് ഫലപ്രദമാണ്. പ്രശ്നം സൃഷ്ടിക്കുന്ന ഞരമ്പുകള്‍ നീക്കം ചെയ്യുകയാണ് ശസ്ത്രക്രിയയിലൂടെ ചെയ്യുന്നത്. ഞരമ്പുകള്‍ നീക്കം ചെയ്യുന്നത് രക്ത ചംക്രമണത്തെ ബാധിക്കില്ല. കാലുകളിലെ മറ്റ് ഞരമ്പുകള്‍ ഫലപ്രദമായി പ്രവര്‍ത്തിക്കുന്നത് മൂലമാണിത്. ലേസർ തെറാപ്പിയും വെരിക്കോസ്‌ വെയിൻ നശിപ്പിക്കുന്നതിനുളള ഫലപ്രദമായ ഒരു ചികിത്സാരീതിയാണ്‌.