മുലക്കണ്ണില്‍ നിന്നുള്ള സ്രവം നിസ്സാരമായി കാണരുത് ; കാൻസർ ലക്ഷണവുമാകാം
ഗർഭിണിയായിരിക്കുമ്പോഴും പാലൂട്ടുന്ന സമയത്തും മുലക്കണ്ണില്‍ നിന്നുള്ള സ്രവം സാധാരണമാണ്. ചില സ്ത്രീകളില്‍ ഗര്‍ഭത്തിന്റെ രണ്ടാമത്തെ ട്രൈമസ്റ്ററില്‍ തന്നെ പാല്‍ ഉത്പാദനം നടക്കുകയും മുലയൂട്ടല്‍ നിര്‍ത്തിക്കഴിഞ്ഞ് രണ്ട് വര്‍ഷം വരെ ഇത് തുടരുകയും ചെയ്തേക്കാം. ഒരു മുലക്കണ്ണില്‍ നിന്നോ രണ്ടെണ്ണത്തില്‍ നിന്നുമോ മര്‍ദം ചെലുത്തുമ്പോഴോ സ്വാഭാവികമായോ സ്രവങ്ങള്‍ ഉണ്ടാകാം . ഇതിൽ അസ്വാഭാവികമായി ഒന്നുമില്ല. എന്നാൽ ഈ സ്രവത്തിൽ രക്ത നിറം കാണുകയാണെങ്കിൽ ശ്രദ്ധിയ്ക്കേണ്ടതുണ്ട്. അത് പോലെ തന്നെ ഗര്‍ഭവുമായി ബന്ധമില്ലാത്ത അവസരത്തിൽ ഇത്തരത്തിൽ സ്രവം വരുന്നുണ്ടെങ്കിൽ അതും ശ്രദ്ധിക്കണം.
താഴെ പറയുന്ന കാരണങ്ങൾ കൊണ്ട് മുലഞെട്ടുകളിൽ നിന്ന് സ്രവം വരാറുണ്ട്.
ഡക്റ്റ് പാപില്ലോമ - സ്തനങ്ങളിലെ നാളികളില്‍ ഉണ്ടാകുന്ന ചെറുതും മിക്കപ്പോഴും അപകടകരമല്ലാത്തതുമായ വളര്‍ച്ച. പാല്‍ ഗ്രന്ഥികളില്‍ നിന്ന് മുലക്കണ്ണുകളിലേക്ക് പാല്‍ വഹിച്ചുകൊണ്ടുവരുന്ന നാളികളാണ് 'ബ്രസ്റ്റ് ഡക്റ്റുകള്‍'. സാധാരണയായി, ഇത്തരം സ്രവങ്ങളില്‍ രക്തമയം കാണും.
ഡക്റ്റ് എക്റ്റേഷ്യ - സ്തനങ്ങളില്‍ വരുന്ന അപകടകരമല്ലാത്ത മാറ്റങ്ങളുടെ ഫലമായി ഉണ്ടാകുന്ന നിറമില്ലാത്തതോ പാല്‍ക്കട്ടിയെ പോലെയുള്ളതോ ആയ സ്രവങ്ങള്‍.
സ്തനങ്ങളിലോ മുലക്കണ്ണിലോ ഉണ്ടാകുന്ന കുരുക്കള്‍ - സ്തനങ്ങളിലെ കോശകലകളിലോ മുലക്കണ്ണിനു ചുറ്റുമോ പഴുപ്പും വേദനയും ഉണ്ടാകുന്ന അവസ്ഥ. മിക്കവാറും അണുബാധയായിരിക്കും കാരണം.
ഗര്‍ഭനിരോധന ഗുളികകള്‍ കഴിക്കുന്നവർ ,പ്രായപൂര്‍ത്തിയാകുന്ന അവസരത്തിലും ആര്‍ത്തവ സമയത്തുമുള്ള ഹോര്‍മോണ്‍ വ്യതിയാനങ്ങള്‍, മുലക്കണ്ണുകള്‍ ഉത്തേജിപ്പിക്കുന്നത്, ചില മരുന്നുകള്‍ ഉപയോഗിക്കുന്നതു മൂലം പാല്‍ സ്രവിപ്പിക്കുന്നതിന് സഹായകമാവുന്ന പ്രോലാക്റ്റിന്‍ ഹോര്‍മോണിന്റെ നില ഉയരുന്നത്,തൈറോയിഡ് ഗ്രന്ഥി പ്രവര്‍ത്തിക്കാത്തത്,സ്തനങ്ങളെ ബാധിക്കുന്ന പാജറ്റ്സ് രോഗം (Paget's disease),ഗലാക്റ്റസീല്‍ - പാല്‍ നാളി തടസ്സപ്പെടുന്നത് ,കാര്‍സിനോമ ഇന്‍ സൈറ്റു - സ്തനാര്‍ബുദത്തിന്റെ പ്രാരംഭ രൂപം,എന്നിവയെല്ലാം ഇങ്ങനെ സ്രവം വരുന്നതിനു കാരണമായേക്കാം.
കൂടുതല്‍ കേസുകളിലും മുലക്കണ്ണുകളില്‍ നിന്നുള്ള സ്രവം സ്തനങ്ങളിലെ ക്യാന്‍സറിന്റെ (സ്തനാര്‍ബുദം) സൂചനയായിരിക്കില്ല. എന്നിരുന്നാലും,
സ്തനത്തില്‍ മുഴ ഉള്ളതിനൊപ്പം സ്തനത്തിലെ ചര്‍മ്മത്തില്‍ അനുബന്ധ മാറ്റങ്ങള്‍ ഉണ്ടാവുക,ഒരു മുലക്കണ്ണില്‍ നിന്ന് രക്തത്തോടു കൂടിയ സ്രവം ഉണ്ടാവുക,സ്വമേധയാ ഉള്ള സ്രവം, 50 വയസ്സിനു മുകളില്‍ ഉള്ളവരില്‍ മുലക്കണ്ണില്‍ നിന്ന് സ്രവം എന്നിവ ചിലപ്പോൾ ക്യാന്‍സറിന്റെ സൂചനയായിരിക്കും
രണ്ട് മുലക്കണ്ണുകളില്‍ സ്രവം ഉണ്ടാവുകയാണെങ്കില്‍, പ്രത്യേകിച്ച്‌ മര്‍ദ്ദം ചെലുത്തുമ്പോൾ , അത് നിന്നുംസ്വാഭാവികമായിരിക്കാനാണ് കൂടുതല്‍ സാധ്യത.മുലക്കണ്ണില്‍ നിന്നുണ്ടാവുന്നത് സ്വാഭാവിക സ്രവമാണെങ്കില്‍ ചികിത്സ ആവശ്യമില്ല. ചിലപ്പോൾ മറ്റു രോഗങ്ങൾക്കായി കഴിക്കുന്ന മരുന്നുകളുടെ പാർശ്വഫലമായും ഇങ്ങനെ ഉണ്ടാകാറുണ്ട്. ചില ഗർഭ നിരോധന ഗുളികകൾ കഴിക്കുന്നവരിലും ഇത്തരം സ്രവം ഉണ്ടാകാനുള്ള സാധ്യത ഉണ്ട്. അത്തരം സന്ദർഭങ്ങളിൽ ഡോക്റ്റർ അവ മാറ്റാന്‍ നിങ്ങളോട് ആവശ്യപ്പെട്ടേക്കാം.
ഒരു മുലക്കണ്ണില്‍ നിന്ന് മാത്രം സ്വമേധയാ രക്തം കലര്‍ന്ന സ്രവം ഉണ്ടാവുകയാണെങ്കില്‍ അത് അസ്വാഭാവികമായി കണക്കാക്കണം. സ്രവത്തിന്റെ നിറത്തെ മാത്രം അടിസ്ഥാനമാക്കി അത് സ്വാഭാവികമാണോ അല്ലയോ എന്ന് ഉറപ്പിക്കാന്‍ കഴിയില്ല. നിറമില്ലാത്തത്, പാല്‍ നിറത്തിലുള്ളത്, മഞ്ഞ, പച്ച, രക്തം കലര്‍ന്നത്, തവിട്ടു നിറം എന്നിങ്ങനെ മുലക്കണ്ണില്‍ നിന്നുള്ള സ്രവത്തിന്റെ നിറം വ്യത്യാസപ്പെടാം. സ്രവം പരിശോധിക്കാനായി നിങ്ങള്‍ സ്തനങ്ങളില്‍ മര്‍ദം ചെലുത്തുതിരിക്കുന്നതാണ് നല്ലത്. എത്രയും വേഗം ഒരു ഡോക്ടറെ കണ്ട വിദഗ്ധ ഉപദേശം നേടണം.
പ്രോലാക്റ്റിന്‍ നില നിര്‍ണയിക്കാനുള്ള രക്തപരിശോധന,തൈറോയിഡ് പ്രവര്‍ത്തനം അറിയാനുള്ള രക്തപരിശോധന, മറ്റ് ഹോര്‍മോണുകളുടെ നില അറിയാനുള്ള പരിശോധനകള്‍,മാമ്മോഗ്രാഫി,സ്തനങ്ങളില്‍ നടത്തുന്ന അള്‍ട്രാസൗണ്ട് പരിശോധന,ഡക്റ്റോഗ്രഫി അല്ലെങ്കില്‍ ഡക്റ്റോഗ്രാം, പാല്‍ നാളിയില്‍ കോണ്ട്രാസ്റ്റ് ഡൈ കുത്തിവച്ച ശേഷം എടുക്കുന്ന എക്സ്-റേ,എന്തെങ്കിലും പ്രത്യേക അവസ്ഥയാണെന്ന സംശയം തോന്നുകയാണെങ്കില്‍ ചര്‍മ്മത്തിന്റെ ബയോപ്സി ,സ്രവത്തിന്റെ പരിശോധന എന്നിവയിലൂടെ മാത്രമേ ശരിയായ രോഗനിർണയം സാധ്യമാവുകയുള്ളൂ .
കാൻസർ സാധ്യതകളില്ലാതെ ചര്‍മ്മത്തില്‍ വ്യത്യാസം പ്രകടമാണെങ്കില്‍ പുരട്ടാനുള്ള ക്രീമുകള്‍ നിര്‍ദേശിച്ചേക്കാം.കുരുക്കള്‍ മൂലമാണെങ്കില്‍ അവ ഉണക്കുകയും അണുബാധ ഒഴിവാക്കാന്‍ ആന്റിബയോട്ടിക്കുകള്‍ നിര്‍ദേശിക്കുകയും ചെയ്തേക്കാം.ഹൈപ്പോതൈറോയിഡ് പ്രശ്നമുള്ളവര്‍ക്ക് തൈറോക്സിന്‍ ഹോര്‍മോണ്‍ പുന:സ്ഥാപന ചികിത്സ നിര്‍ദേശിച്ചേക്കാം.
പിറ്റ്യൂറ്ററി ക്യാന്‍സര്‍ മൂലം ഉണ്ടാകുന്ന ഹൈപ്പര്‍പ്രോലാക്റ്റിനീമിയയുടെ ചികിത്സിക്കാനായി ഡോപാമിന്‍ അഗണിസ്റ്റുകള്‍ (Dopamine agonists) നിര്‍ദേശിച്ചേക്കാം.
എന്നിരുന്നാലും നിരന്തരമായ നിരീക്ഷണങ്ങള്‍ ആവശ്യമാണ്. കൃത്യമായ ഇടവേളകളിൽ ശാരീരിക പരിശോധന നിര്‍ബന്ധമായും നടത്തണം. അടുത്ത ഒരു വര്‍ഷത്തിനുള്ളില്‍ മാമ്മോഗ്രാം കൂടി നടത്തേണ്ടതും അത്യാവശ്യമാണ്. മാറിടത്തില്‍ മുഴ ഉണ്ടെങ്കിലും മുലക്കണ്ണില്‍ നിന്ന് രക്തം കലര്‍ന്ന സ്രവം വരുന്നുണ്ട് എങ്കിലും ഉടന്‍ ഒരു ഡോക്ടറെ സന്ദര്‍ശിക്കേണ്ടതാണ്
https://www.facebook.com/Malayalivartha
