ജപ്പാൻ ജ്വരം ഇനി എളുപ്പത്തിൽ കണ്ടുപിടിക്കാം
മസ്തിഷ്കം ഉള്പ്പെടെയുള്ള കേന്ദ്ര നാഡീവ്യൂഹത്തെ ബാധിക്കുന്ന മാരകമായ കൊതുകുജന്യ വൈറസ് രോഗമാണ് ജപ്പാന് ജ്വരം. 15 വയസിനു താഴെയുള്ള കുട്ടികളെയാണ് രോഗം കൂടുതലായി ബാധിക്കുന്നതെങ്കിലും മുതിര്ന്നവരിലും രോഗം റിപ്പോര്ട്ട് ചെ യ്യുന്നുണ്ട്.
ക്യൂലക്സ് വിഭാഗത്തില്പ്പെട്ട കൊതുകുകളാണ് രോഗം പരത്തുന്നത്. ആര്ബോ വൈറസ് വിഭാഗത്തില്പ്പെട്ട ജപ്പാന് ജ്വരരോഗാണു പ്രാഥമികമായി പന്നി, കന്നുകാലികള്, കൊക്ക്, ഇരണ്ട, ദേശാടനപക്ഷികള് എന്നിവയില് കാണുന്നു. ഈജീവികളെ മേല്പ്പറഞ്ഞ വിഭാഗത്തില്പ്പെട്ട കൊതുക്കടിക്കുമ്ബോള് ഈ രോഗാണു കൊതുകില് പ്രവേശിക്കുകയും പെരുകുകയും ചെയ്യുന്നു.
ഈ കൊതുകുകള് മനുഷ്യരെ കടിക്കുമ്ബോള് രോഗാണു മനുഷ്യരില് പ്രവേശിക്കുകയും രോഗലക്ഷണങ്ങള് പ്രകടിപ്പിക്കുകയും ചെയ്യുന്നു. ജപ്പാന്ജ്വരം ബാധിച്ച വ്യക്തിയില് വൈറസുകളുടെ സാന്നിധ്യം വളരെക്കുറച്ചു സമയം മാത്രമേ നിലനില്ക്കുകയുള്ളൂ എന്നതിനാല് രോഗബാധിതരെ കൊതുകുകടിക്കുന്നതിലൂടെ മറ്റൊരാള്ക്കു രോഗംപകരാനുള്ള സാധ്യത കുറവാണ്. രോഗലക്ഷണങ്ങള് ആദ്യഘട്ടത്തില് മിക്കവരിലും പ്രകടമായ രോഗലക്ഷണങ്ങള് ഒന്നും കാണാറില്ല. എന്നാല് ചിലരില് രോഗാണു ശരീരത്തില് പ്രവേശിച്ച് അഞ്ചു മുതല് 15 ദിവസങ്ങള്ക്കുള്ളില് രോഗലക്ഷണങ്ങള് പ്രകടമാകാറുണ്ട്.
കടുത്ത പനി, കഠിനമായ തലവേദന, ഛര്ദി അതോടൊപ്പമുണ്ടാകുന്ന സ്വഭാവവ്യത്യാസങ്ങള്, അപസ്മാരലക്ഷണങ്ങള്, കഴുത്തു തിരിക്കാനുള്ള പ്രയാസം, അവയവങ്ങള്ക്കു തളര്ച്ച, അബോധാവസ്ഥ തുടങ്ങിയവയാണ് പ്രധാനരോഗലക്ഷണങ്ങള് തലച്ചോറിനുണ്ടാകുന്ന രോഗബാധയെത്തുടര്ന്നു ചിലരോഗികളില് എന്സഫലൈറ്റിസ് എന്ന ഗുരുതര പ്രശ്നമുണ്ടാകുന്നതിനും മരണംവരെ സംഭവിക്കുന്നതിനും കാരണമാകാറുണ്ട്. എന്നാല് എല്ലാ എന്സെഫാലിറ്റിസും ജപ്പാന് ജ്വരം ആകണമെന്നില്ല.
ചികിത്സ : ജപ്പാന്ജ്വരത്തിനെതിരേ രോഗലക്ഷണങ്ങള്ക്ക് അനുസൃതമായ ചികിത്സ നല്കുകയാണ്ചെയ്യുന്നത്.
ജപ്പാന്ജ്വരത്തിനെതിരേ ഫലപ്രദമായ വാക്സിന് ലഭ്യമാണ്. കുട്ടികള്ക്ക് മൂന്നു ഡോസ് വാക്സിന് നല്കുന്നതുവഴി ഈരോഗത്തില്നിന്ന് ദീര്ഘകാല സംരക്ഷണം ഉറപ്പാക്കാന് കഴിയും.
രോഗപ്രതിരോധം : കൊതുകു നശീകരണം മാത്രമാണ് ഈ രോഗത്തെപ്രതിരോധിക്കുന്നതിനുള്ള ഏക പോംവഴി. കന്നുകാലിത്തൊഴുത്ത്, പന്നിവളര്ത്തല്കേന്ദ്രങ്ങള്, വെള്ളക്കെട്ടുകള്, പാടങ്ങള് എന്നിവിടങ്ങളില് കൊതുക് മുട്ടയിട്ടു വിരിയാനുള്ള സാഹചര്യം ഇല്ലായ്മ ചെയ്യുക.
കുളവാഴ, മുട്ടപ്പായല് തുടങ്ങിയ ജലസസ്യങ്ങളെ നീക്കം ചെയ്യുക. വീട്ടിനടുത്ത് കൊക്കുകള് പോലുള്ള ദേശാടനപക്ഷികളുടെ വാസസ്ഥലങ്ങള് ഉണ്ടെങ്കില് പ്രത്യേകം മുന്കരുതലുകള് സ്വീകരിക്കുക. കൊതുകുകളുടെ ഉറവിടങ്ങള് കണ്ടെത്തി നശിപ്പിക്കുക. രോഗം പൊട്ടിപ്പുറപ്പെട്ട സ്ഥലങ്ങളില് കൊതുകുകടി ഏല്ക്കാതിരിക്കുന്നതിനുള്ള വ്യക്തിഗതസുരക്ഷാ മാര്ഗങ്ങള് അവലംബിക്കുക.
https://www.facebook.com/Malayalivartha
