നമ്മളില്‍ പലരും നേരിടുന്ന വലിയ പ്രശ്‌നമാണ് അമിത വണ്ണം. ചില സ്ത്രീകള്‍ക്ക് പലപ്പോഴും അവരുടെ ആത്മവിശ്വാസം തന്നെ ഇക്കാരണത്താല്‍ നഷ്ടപ്പെടാറുണ്ട്. അമിതവണ്ണം നിങ്ങള്‍ക്ക് സമ്മാനിക്കുന്നത് തടി മാത്രമല്ല വിവിധ തരത്തിലുള്ള രോഗങ്ങള്‍ കൂടിയാണ്. തടികുറയ്ക്കുന്നതിനു വേണ്ടി പറ്റുന്ന പണികളെല്ലാം പയറ്റിയിട്ടും കാര്യമായ മാറ്റങ്ങളൊന്നും തന്നെ പ്രകടമാകാതെ വരുമ്പോള്‍ അത് വളരെ വലിയ നിരാശയിലേയ്ക്കാണ് കൊണ്ടെത്തിക്കുന്നത്. മെലിഞ്ഞിരിക്കുക എന്നതിനേക്കാള്‍ ആരോഗ്യത്തോടെ ഇരിക്കുക എന്നുള്ളതാണ് എല്ലാവരുടേയും ലക്ഷ്യം.

ആരോഗ്യ സംരക്ഷണത്തിന് വേണ്ടി ശ്രദ്ധിക്കുന്നവര്‍ 'ആരോഗ്യമുള്ള' ആഹാരം തന്നെ തിരഞ്ഞെടുക്കണം. തടിയെ കുറിച്ചു പറയുമ്പോള്‍ എല്ലാവരുടെയും ശ്രദ്ധ എത്തുന്ന ജാപ്പനീസ് സ്ത്രീകളില്‍ ആണ്. 30 വയസില്‍ അവര്‍ 18 വയസ്സ്, 40 വയസ്സില്‍ 25 എന്നിങ്ങനെയാണ് അവരുടെ ശരീരഭംഗി കാണപ്പെടുന്നത്. ഇത് കൂടാതെ ആയുര്‍ദൈര്‍ഘ്യത്തിന്റെ കാര്യത്തിലും ഇവര്‍ മുന്നില്‍ തന്നെയാണ്. ആരോഗ്യത്തിന്റെ കാര്യത്തില്‍ അവര്‍ പിന്തുടരുന്ന ഭക്ഷണക്രമം എന്താണെന്ന് പലര്‍ക്കും അറിയില്ല.

സമ്പന്നവും സമതുലിതമായതുമായ ഭക്ഷണക്രമമാണ് ജാപ്പനീസുകാരുടെ രീതി. അവരുടെ ഭക്ഷണക്രമം വാസ്തവത്തില്‍ വൈവിധ്യപൂര്‍ണ്ണമാണ്. മത്സ്യം, കടല്‍പ്പായല്‍, പച്ചക്കറികള്‍, സോയ, അരി, പഴം, ഗ്രീന്‍ ടീ എന്നിവയാണ് അവര്‍ ഇഷ്ടപ്പെടുന്നത്. ജാപ്പനീസ് ഭക്ഷണക്രമം വൈവിധ്യമാര്‍ന്നതും സമതുലിതവുമാണ്, മാത്രമല്ല ഇത് ഉയര്‍ന്ന കലോറിയും ജങ്ക് ഫുഡുകളും ഇല്ലാത്തതാണ്. അതുകൊണ്ട് തന്നെ അമിതവണ്ണത്തെ ഇവര്‍ക്ക് പേടിക്കേണ്ടതില്ല. ഇത്തരം അവസ്ഥയില്‍ നമുക്കും അവരുടെ ഭക്ഷണക്രമം പിന്തുടര്‍ന്നാല്‍ അത് ഒരു പരിധി വരെ നിങ്ങളുടെ അമിതവണ്ണത്തേയും കുടവയറിനേയും ഇല്ലാതാക്കാന്‍ കഴിയും.

സീസണിലെ പുതുമയും പ്രസക്തിയും വളരെ പ്രാധാന്യമര്‍ഹിക്കുന്നവ തന്നെയാണ്. ഓരോ സീസണല്‍ മത്സ്യവും വളരെ നല്ലതാണ്. കാലാവസ്ഥ മറ്റൊരു നിര്‍ണായക ഘടകമാണ് എന്നുള്ളതാണ് സത്യം. ശൈത്യകാലത്ത് ജാപ്പനീസുകാര്‍ പരമ്പരാഗതമായി മാംസം, മത്സ്യം, ചൂടുള്ള പാനീയങ്ങള്‍, സൂപ്പുകള്‍ എന്നിവ കഴിക്കുന്നു. വേനല്‍ക്കാലത്തെ ചൂടില്‍ അവര്‍ തണുത്ത സൂപ്പ്, സീഫുഡ്, സലാഡുകള്‍ എന്നിവയാണ് ഇഷ്ടപ്പെടുന്നത്. ഇതെല്ലാം ഇവരുടെ ശരീരത്തിലെ അടിഞ്ഞ് കൂടിയ കൊഴുപ്പിനെ ഇല്ലാതാക്കി ആരോഗ്യത്തിന് സഹായിക്കുന്നുണ്ട്.

ജാപ്പനീസുകാര്‍ കുറഞ്ഞ എണ്ണ ഉപയോഗിച്ചാണ് പാകം ചെയ്യുന്നത്. അതും മണ്‍ചട്ടിയില്‍ ആണ് ഇവര്‍ പാകം ചെയ്യുന്നത്. ഗ്രില്ലിംഗ്, സ്റ്റീമിംഗ് എന്നീ പാചക രീതികളാണ് ഇവര്‍ തിരഞ്ഞെടുക്കുന്നത്. പച്ചക്കറികള്‍ അരിഞ്ഞ് സൂക്ഷിക്കാതെ അരിഞ്ഞ് കഴിഞ്ഞ ഉടനേ തന്നെ അവ വേഗത്തില്‍ വേവിക്കുകയും കഴിക്കുകയും ചെയ്യും. അത്തരം രീതികളുടെ പ്രയോജനം ഭക്ഷണപദാര്‍ത്ഥങ്ങളുടെ പോഷകഗുണത്തിന്റെ ഭൂരിഭാഗവും നിലനിര്‍ത്തുന്നു എന്നതാണ്. അതെല്ലാം ആരോഗ്യത്തിന് സഹായിക്കുന്നു.

മാത്രമല്ല, ഭക്ഷണത്തില്‍ ധാരാളം സുഗന്ധവ്യഞ്ജനങ്ങളും ഇവര്‍ ചേര്‍ക്കാറുണ്ട്. അതെല്ലാം ആരോഗ്യത്തിന്റെ കാര്യത്തില്‍ കൂടുതല്‍ ഗുണങ്ങള്‍ നല്‍കുന്നു. ജാപ്പനീസ് സ്ത്രീകള്‍ സുഗന്ധവ്യഞ്ജനങ്ങള്‍ ഭക്ഷണത്തില്‍ ചേര്‍ക്കുന്ന കാര്യത്തില്‍ വളരെ ശ്രദ്ധാലുക്കളാണ്, ആമാശയം, കരള്‍, വൃക്ക എന്നിവക്കെല്ലാം ആരോഗ്യം വര്‍ദ്ധിപ്പിക്കുന്ന തരത്തിലുള്ള പാചക രീതികളും പാചക ചേരുവകളുമാണ് ഇവര്‍ ചേര്‍ക്കുന്നത്. കൂടാതെ ഭക്ഷണം ലഘുവായി സൂക്ഷിക്കാന്‍ കഠിനമായി ശ്രമിക്കുന്നു. ജാപ്പനീസ് പാചകരീതിയുടെ സംഗ്രഹം പ്രകൃതി സൗന്ദര്യം, നിറം, രസം എന്നിവ ചോര്‍ന്ന് പോവാതെ അതുപോലെ സൂക്ഷിക്കാന്‍ ഇവര്‍ ശ്രമിക്കുന്നു.

ജപ്പാനിലും ഭക്ഷണം കഴിക്കുന്നത് ഒരു ആചാരമാണ്. അവര്‍ ചെറിയ കഷണങ്ങളോടെ നല്ലതുപോലെ ചവച്ചരച്ച് പതുക്കെ കഴിക്കുന്നു, വളരെ ചെറിയ പ്ലേറ്റുകളാണ് അവര്‍ ഭക്ഷണം കഴിക്കുന്നതിന് വേണ്ടി ഉപയോഗിക്കുന്നത്. ഭക്ഷണത്തിന്റെ സ്വാഭാവിക രുചിയും രൂപവും നിലനിര്‍ത്താന്‍ അവര്‍ പരിശ്രമിക്കുന്നു. ഓരോ ഭക്ഷണത്തിനും അതിന്റേതായ സ്ഥാനം ഉണ്ടായിരിക്കണം എന്നത് ഇവര്‍ക്ക് നിര്‍ബന്ധമാണ്. പ്ലേറ്റ് ഒരിക്കലും ധാരാളം നിറയ്ക്കാറില്ല. ഈ രീതിയില്‍ കഴിയക്കുമ്പോള്‍ അമിതമായി ഭക്ഷണം കഴിക്കുന്നത് ഒഴിവാക്കാം.

ഓരോ ഭക്ഷണത്തിനോടൊപ്പവും അവര്‍ക്ക് അരി ഒരു പ്രധാന ഭാഗമാണ്, ഇത് ഉപ്പും വെണ്ണയും ഇല്ലാതെ വേവിച്ചതായിരിക്കും. അതിനാല്‍, തന്നെ അമിതവണ്ണത്തെ ഇവര്‍ക്ക് ഭയക്കേണ്ടതില്ല. ഇവര്‍ക്ക് പ്രഭാതഭക്ഷണമാണ് അന്നത്തെ പ്രധാന ഭക്ഷണം. ജപ്പാനിലെ ഇന്നത്തെ ഏറ്റവും പ്രധാനപ്പെട്ട ഭക്ഷണമാണ് പ്രഭാതഭക്ഷണം. മത്സ്യം, അരി, ഓംലെറ്റ്, മിസോ സൂപ്പ്, പച്ചിലകള്‍, കടല്‍പ്പായലുകള്‍, ചായ എന്നിവയുള്ള ഒരു സോയ വിഭവം ആണ്. ഇവയില്‍ പല വിഭവങ്ങളും ഉള്‍പ്പെടുന്നു.

ഡെസേര്‍ട്ട് വളരെ അപൂര്‍വ്വമായാണ് ജപ്പാന്‍കാര്‍ ഉപയോഗിക്കുന്നത്. ജപ്പാനീസ് മധുരപലഹാരങ്ങള്‍ വളരെ വ്യത്യസ്തമായിരിക്കും. ഇവര്‍ക്ക് കേക്കുകളോ ബട്ടര്‍ക്രീമോ ഇല്ല. അരി കൊണ്ട് നിര്‍മ്മിച്ച ഐസ്‌ക്രീം ആണ് ഇവരുടെ പ്രധാന വിഭവം. ജാപ്പനീസ് മധുരപലഹാരങ്ങള്‍ പൊതുവെ കൊഴുപ്പ് കുറഞ്ഞതും പഞ്ചസാര കുറഞ്ഞതുമാണ്. ഇത് തന്നെയാണ് ഇവരുടെ ആരോഗ്യത്തിന് മികച്ച് നില്‍ക്കുന്നത്.