പ്രമേഹത്തിന്റെ ലക്ഷണങ്ങള് കൈവിരലുകള് നോക്കി മനസിലാക്കാം.., ഒന്ന് പരീക്ഷിച്ചു നോക്കൂ
പലരെയും അലട്ടുന്ന പ്രധാന പ്രശ്നമാണ് പ്രമേഹം. കൂടുതല് ആളുകളിലും ടൈപ്പ് -2 പ്രമേഹമാണ് കാണപ്പെടുന്നത്. ഇന്സുലിന് ഉല്പ്പാദിപ്പിക്കുന്ന കോശങ്ങള് ശരീരത്തില് ആവശ്യത്തിന് ഇന്സുലിന് ഉത്പാദിപ്പിക്കാതെ വരുമ്ബോഴാണ് ടൈപ്പ്-2 പ്രമേഹം ഉണ്ടാകുന്നത്. ഒരു വ്യക്തിയുടെ കൈകള് സൂക്ഷ്മമായി നിരീക്ഷിച്ചാല്, ടൈപ്പ്-2 പ്രമേഹത്തിന്റെ ലക്ഷണങ്ങള് തിരിച്ചറിയാന് സാധിക്കുമെന്നാണ് വിദഗ്ദര് പറയുന്നത്.
പ്രമേഹത്തിന്റെ ചില ലക്ഷണങ്ങള് ഒരാളുടെ കൈയിലെ നഖങ്ങളില് ഒളിഞ്ഞിരിക്കാമെന്ന് ആരോഗ്യവിദഗ്ധര് പറയുന്നു. കൈകളിലെ നഖങ്ങളില് നിന്ന് മാത്രമല്ല, കാലുകളിലെ നഖങ്ങളില് നിന്നും പ്രമേഹം മനസ്സിലാക്കാം.
പ്രമേഹ രോഗികളില് ഒനികോമൈക്കോസിസ് എന്ന ഫംഗസ് അണുബാധയ്ക്ക് കൂടുതല് സാധ്യതയുള്ളതായാണ് കാണപ്പെടുന്നത്. അത്തരക്കാരില്, നഖങ്ങളുടെ നിറം മഞ്ഞയായി മാറിയേക്കാം, നഖങ്ങളുടെ ഉപരിതലത്തിലെ മിനുസം നഷ്ടപ്പെടും.
പ്രമേഹമുള്ളയാള്ക്ക് അമിതമായി മൂത്രം പോകുന്ന സ്വഭാവവും ഉണ്ട്. പെട്ടെന്ന് ശരീരഭാരം കുറയുകയോ വളരെ ദാഹം അനുഭവപ്പെടുകയോ പ്രമേഹത്തിന്റെ ലക്ഷണങ്ങളാകാം. ചര്മ്മത്തില് ചൊറിച്ചില്, ഉണങ്ങാത്ത മുറിവുകള്, കണ്ണുകള് മങ്ങല് എന്നിവയും പ്രമേഹത്തിന്റെ ഗുരുതരമായ ലക്ഷണങ്ങളാണ്.
https://www.facebook.com/Malayalivartha
