കാലില്‍ ഞരമ്പുകള്‍ കെട്ടുപിണഞ്ഞ് കിടക്കാറുണ്ടോ.., അതങ്ങ് മാറിക്കോളും എന്ന കരുതി നിസാര...

കാലില്‍ ഞരമ്പുകള്‍ കെട്ടുപിണഞ്ഞ് കിടക്കാറുണ്ടോ.., അതങ്ങ് മാറിക്കോളും എന്ന കരുതി നിസാരമാക്കല്ലേ..., ജീവന്‍ നഷ്ടപ്പെടാനും ഇതു മതി, കാരണം!

08 NOVEMBER 2021 02:47 PM IST

മലയാളി വാര്‍ത്ത

മസ്‌തിഷ്ക മരണത്തെ തുടർന്ന് അവയവദാനം ... ആറുപേർക്ക് പുതുജീവിതമേകി റിട്ട. റവന്യൂ ഉദ്യോഗസ്ഥൻ രാധാകൃഷ്ണൻ പോറ്റി.....

രോഗികൾ മണിക്കൂറുകളോളം കാത്തുനിൽക്കേണ്ട സ്ഥിതി ആശുപത്രികളിൽ ഡോക്ടർമാരുടെ വിവരവും പരിശോധനാസമയവും പരസ്യപ്പെടുത്തണം

ആസ്റ്റർ ഗാർഡിയൻസ് ഗ്ലോബൽ നഴ്‌സിംഗ് അവാർഡ് 2026 വിജയിയായി മലയാളി നഴ്‌സ്‌ അജിമോൾ പ്രദീപ്; ലഭിക്കുക 250,000 യു.എസ് ഡോളർ സമ്മാനത്തുക...

ആസ്റ്റർ ഗാർഡിയൻസ് ഗ്ലോബൽ നഴ്‌സിംഗ് അവാർഡ് 2026 കൊച്ചിയിൽ

നിത്യജീവിതത്തില്‍ പലപ്പോഴും ചില കാര്യങ്ങള്‍ നമ്മള്‍ അവഗണിക്കാറുണ്ട്. എന്നാല്‍ അത് പിന്നീട് സങ്കീര്‍ണമായ പല രോഗങ്ങളിലേയ്ക്കും ആയിരിക്കും നമ്മളെ നയിക്കുന്നത്. അതൊന്നും പ്രശ്‌നമുള്ളതല്ല, അങ്ങ് മാറിക്കോളും എന്നെല്ലാമുള്ള ചിന്താഗതികള്‍ ഇനി മുതല്‍ ഉണ്ടാകരുത്. നമ്മുടെ ആരോഗ്യം നമ്മള്‍ തന്നെ സൂക്ഷിക്കേണ്ടതാണ്. ഇത്തരത്തില്‍ നമ്മള്‍ പലപ്പോഴും അവഗണിക്കുകയും എന്നാല്‍ പിന്നീട് സങ്കീര്‍ണമാകുകയും ചെയ്യുന്ന അസുഖമാണ് 'ഡീപ് വെയിന്‍ ത്രോംബോസിസ്' അഥവാ ഡിവിടി. ചില ആളുകളുടെ കാലില്‍ ചര്‍മ്മത്തിന് പുറത്തേക്കായി ഞരമ്പുകള്‍ കെട്ടുപിണഞ്ഞ് കിടക്കുന്നത് കാണാറില്ലേ? ഇതൊരുപക്ഷേ ഡിവിടിയുടെ ലക്ഷണമായി വരാം. ഇത്തരം പ്രശ്നങ്ങള്‍ തുടക്കത്തിലേ ശ്രദ്ധിക്കുകയും വേണ്ട ചികിത്സ തേടുകയും ചെയ്തില്ലെങ്കില്‍ ഒരുപക്ഷേ ജീവന്‍ തന്നെ നഷ്ടമായേക്കാം. രക്തം കട്ട പിടിച്ചുകിടക്കുന്നതാണ് ഇത്തരത്തില്‍ പുറത്തേക്ക് കാണുന്നത്. പരിക്കുകളോ മറ്റോ സംഭവിക്കുന്ന സാഹചര്യത്തില്‍ രക്തം കട്ട പിടിക്കുന്നത് നല്ലതാണ്. അതുപോലെ ചലനമില്ലാത്ത അവസ്ഥയില്‍ രക്തം കട്ട പിടിച്ച് ശരീരത്തിലെവിടെയെങ്കിലും കിടപ്പുണ്ടെങ്കില്‍ അതും അപകടകരമല്ല. അതേസമയം രക്തം കട്ട പിടിച്ചുകിടക്കുന്നത് ചലിച്ച് അത് തലച്ചോറിലോ ശ്വാസകോശത്തിലോ എല്ലാം എത്തുന്നപക്ഷം വളരെയേറെ അപകടകരമാണ്. മരണം വരെ സംഭവിക്കാം. അതുകൊണ്ട് ഇത്തരം കാര്യങ്ങള്‍ നിസാരവല്‍ക്കരിക്കരുത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha