അള്സര് രോഗത്തെ പ്രതിരോധിക്കാന്
ഉദരരോഗങ്ങളില് ആളുകള് ഏറ്റവും അധികം പേടിക്കുന്ന രോഗമാണ് അള്സര്. ഭക്ഷണം ദഹിപ്പിക്കുന്നതിന് ശരീരം സൃഷ്ടിക്കുന്ന ആസിഡ് പിന്നീട് കുടല്ഭിത്തികളില് വ്രണത്തിന് കാരണമായി തീരുന്നതാണ് അള്സര് എന്ന അവസ്ഥ. അള്സര് തന്നെ പെപ്ടിക്, ഗ്യാസ്ട്രിക്, ഡുവഡൈനല് അള്സര് എന്നീ വിധങ്ങളിലുണ്ട്. മാനസിക പിരിമുറക്കവും അള്സറിന് കാരണമാകാറുണ്ട്. ജങ്ക് ഫുഡ്സ്, ഫാസ്റ്റ് ഫുഡ് തുടങ്ങി ഭക്ഷണ രീതികളിലെ മാറ്റമാണ് അള്സറിന്റെ പ്രധാന കാരണം.
ഹെലികോബാക്റ്റര് പൈലേറി, എച് പൈലേറി എന്ന് അറിയപ്പെടുന്ന ബാക്ടീരിയകളാണ് അള്സറിന് കാരണമാകുന്നത്. അതീവ കഠിനമായ വയറു വേദനയ്ക്ക് കാരണമാകുന്ന അള്സര് കൃത്യസമയത്ത് ചികല്സ ലഭിക്കാതിരുന്നാല് മരണത്തിന് വരെ കാരണമാകാവുന്നതാണ്.
അള്സര് തടയുന്നതിനും ഭേദമാക്കാനും ചില പ്രകൃതി ചികല്സയ്ക്ക് കഴിയും. ചില പരമ്പരാഗത ഭക്ഷണ വസ്തുക്കള് ഭക്ഷണ രീതിയില് ഉള്പ്പെടുത്തിയാല് മതിയാകും. അള്സറിനെ പ്രതിരോധിക്കാന് ഈ ഭക്ഷണ ശീലങ്ങള് പാലിക്കാന് ശ്രമിക്കുക
വാഴപ്പിണ്ടി നീര് തേനുമായി ചേര്ത്ത് രാവിലെ കഴിക്കുക
വാഴപ്പിണ്ടി നാര് കളഞ്ഞ് കുരുമുളക് പൊടിയും ഉപ്പും ചേര്ത്ത് ഭരണിയില് വെയ്ക്കുക. നാലഞ്ച് ദിവസത്തിന് ശേഷം പുറത്തെടുത്ത് തോരനോ മറ്റ് കറിയോ ആയി ഉപയോഗിക്കുക
വാഴക്കൂമ്പ് അഥവാ വാഴചുണ്ട്(കുടപ്പന്) അരിഞ്ഞ്, അത്ര തന്നെ മുരിങ്ങയിലയും ചേര്ത്ത് തോരന് വെച്ച് ആഴ്ചയില് മൂന്ന് ദിവസം കഴിക്കുക.
കറിവേപ്പില മോരില് അരച്ച് ചേര്ത്ത് ഇന്ദുപ്പും കൂടി ചേര്ത്ത് കഴിക്കുക
60 മില്ലി പാലില് 20 തുള്ള ഇരട്ടിമധുരവും ചേര്ത്ത് രാവിലേയും വൈകിട്ടും കഴിക്കുക, ഒരു ഗ്ലാസ് മാതളനാരങ്ങ ജ്യൂസ് ദിവസേനെ കുടിക്കുക, നേന്ത്രപ്പഴം ദിവസേനെ ഓരോന്ന് കഴിക്കുക, കറിവേപ്പിലയിട്ട് തിളപ്പിച്ച വെള്ളം കുടിക്കുക, ബദാം പാലില് ചേര്ത്ത് കുടിക്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
