മനസിനിഷ്ടപെട്ട, താമസിക്കാന്‍ അനുയോജ്യമായ ഒരു വീട് എന്നത് നമ്മുടെ ജീവിതത്തിലെ ഏറ്റവും വലിയ സങ്കല്പം ആണെന്നതിൽ തർക്കമില്ല. വീടുപണിയുമായി ബന്ധപ്പെട്ട ഏറെ സ്വപ്‌നങ്ങൾ നെയ്തുകൂട്ടുന്നവരാന് മിക്കവാറും എല്ലാവരും. അവസാനം സ്വപ്ന സൗധം മുന്നിൽ തല ഉയർത്തുമ്പോഴാണ് അവിടെ ജീവിക്കാനാവശ്യമായ പണത്തിനു വേണ്ടി നെട്ടോട്ടമോടേണ്ടി വരുന്ന അവസ്ഥ ഉണ്ടാകുന്നത്.
തന്‍റെ ആയുഷ്ക്കാലത്തെ വരുമാനമെല്ലാം വീട് നിര്‍മ്മാണത്തിനായി ചെലവഴിച്ചു തീർത്തിട്ടുണ്ടാകും. വീടുണ്ടാക്കുവാന്‍ അമിതമായ ചെലവ് വരുത്തിവേയ്ക്കേണ്ട ആവശ്യമുണ്ടോ. ചെലവ് കുറഞ്ഞ രീതിയില്‍ എങ്ങിനെ ഒരു വീട് നിര്‍മ്മിക്കാം ഇതേ കുറിച്ച് ചിന്തിക്കേണ്ട സമയം കഴിഞ്ഞിരിക്കുന്നു.
വീടിന്റെ പ്ലാനിങ്ങിൽ തന്നെ ഇതിനായുള്ള ശ്രമങ്ങൾ തുടങ്ങാം. അനാവശ്യമായുള്ള എരിയകള്‍ എല്ലാം ഒഴിവാക്കി നടവഴികള്‍, ഇടനാഴികള്‍ എന്നിവ ഇല്ലാതെ വീടിന്റെ ഏരിയ കുറയ്ക്കുക എന്നതാണ് ഏറ്റവും പ്രധാന കാര്യം. ആവശ്യങ്ങൾ അറിഞ്ഞുള്ള വീടാണ് നല്ലത്. .വീടിന്റെ വലിപ്പമാണ് ചെലവ് കൂട്ടുന്ന മറ്റൊരു പ്രധാന സംഗതി. ഒരു കൊച്ചു കുടുംബത്തിന് 2000 square ഫീറ്റ് വീടുതന്നെ ധാരാളം. വീടിന്റെ വലിപ്പം കൂടുന്നതുകൊണ്ട് നിര്‍മാണ സാമഗ്രികളുടെ ചെലവ് മാത്ര മല്ല കൂടുന്നത്, വീട്ടുകരവും കൂടും. 3,000 ചതുരശ്രഅടിക്ക് മുകളിലുള്ള വീടിന് ആഡംബര നികുതിയും കൊടുക്കേണ്ടിവരും.
ലളിതമായ ഡിസൈൻ
ആവശ്യമില്ലാത്ത കോർണറുകളും വച്ചു പിടിപ്പിക്കലും ഒഴിവാക്കാം. ലളിതമായ ഡിസൈനാണെങ്കിൽ വ‍ൃത്തിയാക്കാനും എളുപ്പം.
ഒാപൻ ഫ്ളോർ പ്ലാൻ
ഭിത്തികൾ കൊണ്ട് നിറഞ്ഞ വീടിനെക്കാൾ നല്ലത് തുറന്ന സ്ഥലം നിറഞ്ഞ ഡിസൈൻ തന്നെ. ഡൈനിങ്-ലിവിങ് സ്ഥലങ്ങൾ തുറന്നിരിക്കട്ടെ. വീടിനുള്ളിൽ ഉള്ളതിൽ കൂടുതൽ സ്ഥലം തോന്നിക്കുകയും ചെയ്യും.
ലളിതമായ അലങ്കാരങ്ങൾ
വീടിന് പുറം ഭാഗം കൊത്തുപണികളും വിലകൂടിയ അലങ്കാര പണികളും ചെയ്യേണ്ട കാര്യമുണ്ടോ? പുറം മോദിക്ക് വേണ്ടി അനാവശ്യമായ അലങ്കാരങ്ങളും കൊത്തുപണികളും നടത്തി പിന്നീട് വൃത്തിയാക്കാൻ പോലുമാകാതെ കഷ്ട്ടപ്പെടുന്നതിലും നല്ലത് അവ ആദ്യമേ ഉപേക്ഷിക്കുന്നത് അല്ലെ? സമയവും പണവും ലാഭം.
നിർമ്മാണ സാമഗ്രികൾ
നിർമ്മാണ സാമഗ്രികൾ തിരഞ്ഞെടുക്കുമ്പോൾ നല്ല ശ്രദ്ധ ആവശ്യമാണ്. ഇവിടെയും കൃത്യമായ പ്ലാനിങ്ങോടെ കീശയിലൊതുങ്ങുന്ന തരത്തിൽ വീടിനു ചേർന്ന നിറത്തിലും ആവശ്യങ്ങൾ മനസിലാക്കിയും തിരഞ്ഞെടുക്കണമെന്നു മാത്രം.
ചെറിയ സ്ഥലത്ത് വീട് പണിയുമ്പോൾ ഇരുനില വീടുകൾ തന്നെയാണ് നല്ലത്. കൂടുതൽ സ്ഥലം ഉണ്ടെങ്കിൽ വിശാലമായ ഒറ്റനില വീടുകൾ സ്വപ്നം കാണാം. ഭിത്തികൾ Interlock ബ്രിക്ക്സ് ഉപയോഗിച്ച് പണിതാൽ പണിയും ചിലവും ഒരു പോലെ കുറയും. ഇത് വീടിനുളളിൽ തണുപ്പ് നിറയ്ക്കും. പൊളിയില്ല, വിള്ളലും ഉണ്ടാവില്ല. അത് പോലെ അകത്തെ ഭിത്തികൾക്ക് ജിപ്സം plastering ചെയ്താൽ ചിലവ് കുറഞ്ഞു കിട്ടും.
അടുക്കളയോട് ചേര്‍ന്ന് വര്‍ക് ഏരിയ, സ്റ്റോര്‍ റൂം എന്നിവ വേറെ പണിയേണ്ട ആവശ്യമില്ല. അടുക്കളയില്‍തന്നെ ഇതിനുള്ള സ്ഥലം കണ്ടെത്തുകയാണ് നല്ലത്.
ലൈറ്റിങ്ങിനും ഇന്റീരിയർ ഡെക്കറേഷനും വേണ്ടി ആവശ്യത്തിലധികം പണം ചെലവാക്കേണ്ടതില്ല .ഏതെങ്കിലും ഷോറുമിൽ നിന്ന് തീവിലകൊടുത്ത് കണ്ണടച്ചു വാങ്ങാതെ ഈ കാര്യത്തിൽ കുറച്ച് അന്വേഷ ണങ്ങൾ നടത്തിയാൽ വലിയ തോതിൽ പണം ലാഭിക്കാം.
വീട് എന്നത് നമുക്ക് സ്വസ്ഥമായും സുഖമായും കഴിയാനുള്ള ഒരിടമാണ്, പൊങ്ങച്ചത്തിനും ആർഭാടത്തിനും ഉള്ളതല്ല എന്ന് മനസ്സിലുറപ്പിച്ചു വേണം വീട് പണിക്കിറങ്ങാൻ. എന്നാൽ ചെലവുകുറഞ്ഞ സ്വന്തം പോക്കറ്റിനു ഇണങ്ങുന്ന ഒരു നല്ല വീട് വെക്കാൻ കഴിയും