കണ്ടെയ്നര് വീടുകളെ അടുത്തറിയാം
യാത്രകള് ചെയ്യേണ്ടി വരുന്നവരാണ് നമ്മളില് ഏറിയ പങ്കും. ഒരിടത്തു നിന്നും മറ്റൊരിടത്തേക്കു പോകുമ്പോള് താമസസൗകര്യം കണ്ടെത്തുക എന്നത് ഒരു വലിയ പ്രശ്നം തന്നെയാണ്. എന്നാല് നമുക്കൊപ്പം സഞ്ചരിക്കാന് ഒരു വീടുകൂടി ഉണ്ടായാലോ. കൗതുകം തോന്നണ്ട. കണ്ടെയ്നര് വീടുകളെ നമുക്ക് ഇങ്ങനെയും വിശേഷിപ്പിക്കാം. ഇന്നത്തെ ജീവിത സാഹചര്യത്തില് ഇത്തരം പോര്ട്ടബിള് വീടുകള്ക്ക് ആവശ്യക്കാരേറെയാണ്. എന്തിനും ഏതിനും ഓണ്ലൈനിനെ ആശ്രയിക്കുന്ന നമുക്കിനി വീടും ഓണ്ലൈനില് കിട്ടും. ഓണ്ലൈന് ഷോപ്പിംഗ് സൈറ്റുകളിലൂടെ ഒന്നുപരതിയാല് കണ്ടെയ്നര് വീടുകളൂടെ ഒരു നിരതന്നെ ദൃശ്യമാകും.
എണ്പതുകളുടെ അവസാനത്തില് തന്നെ കണ്ടെയ്നര് ഉപയോഗിച്ചുള്ള നിര്മിതികള് ലോകരാജ്യങ്ങളില് പ്രചാരത്തിലുണ്ടായിരുന്നു. ഇപ്പോള് നമ്മുടെ നാട്ടിലും. തൊഴിലിടങ്ങള് മാറി മാറി പോകുന്നവരാണ് കണ്ടെയ്നര് വീടുകളെ ഏറെയും ആശ്രയിക്കുന്നത്.
2014 - ല് കൊച്ചിയിലാണ് കേരളത്തിലെ ആദ്യത്തെ കണ്ടെയ്നര് റസ്റ്റോറന്റ് പ്രവര്ത്തിക്കാന് തുടങ്ങിയത്. ആവിഷ്കാര് ആര്കിടെക്റ്റ്സ് ആണ് കൊച്ചിയിലെ കണ്ടെയ്നര് റസ്റ്റോറന്റ് ഡിസൈന് ചെയ്തത്. ഫുഡ്ബാരല് എന്നറിയപ്പെടുന്ന ഈ റെസ്റ്റേറന്റ് ഏറെ പ്രതേ്യകതകളുള്ളതും മനോഹരമായതുമായ ഒരു ഇരുനില കണ്ടെയ്നര് നിര്മ്മിതിയാണ്.
കണ്ടെയ്നര് നിര്മ്മിതികള് പ്രകൃതി സൗഹൃദപരമായ മാതൃകയാണ് എന്നതും ഇതിന്റെ മാറ്റ് കൂട്ടുന്നു. പുതുമയെ സ്നേഹിക്കുന്നവര്ക്ക് ഏറെ ഹൃദ്യമായതായിരിക്കും ഈ കണ്ടെയ്നര് നിര്മ്മിതികള്. കണ്ടെയ്നറുകളെ നേരിട്ട് നിര്മ്മാണ പ്രവര്ത്തനങ്ങള്ക്ക് ഉപയോഗിക്കുകയല്ല ചെയ്യുന്നത്. ഉപഭോക്താക്കളുടെ താല്പര്യങ്ങള്ക്കനുസരിച്ച് ഡിസൈന്ചെയ്യുകയാണ് പതിവ്. ഷിപ്പിങ് കണ്ടെയ്നറുകളാണ് സാധാരണ ഗതിയില് നിര്മ്മിതികള്ക്ക് ഉപയോഗിക്കുന്നത്.
_3.jpg)
40 അടിയുടെ കണ്ടെയ്നര് ബോക്സില് ഏകദേശം 320 സ്ക്വയര്ഫീറ്റിന്റെ സ്ഥല സൗകര്യമുണ്ടാകും. വീടിന്റെ സൗകര്യവും ആകര്ഷണീയതയും സ്ഥലലഭ്യതയും കൂടുന്നതിനനുസരിച്ച് കണ്ടെയ്നറുകളുടെ എണ്ണവും കൂട്ടേണ്ടി വരുമെന്നു മാത്രം. കണ്ടെയ്നര് വീടുകളില് താപക്രമീകരണത്തിന് റോക്ക് വൂള്, തെര്മോകോള് പോലെയുള്ള വിവിധ മാര്ഗ്ഗങ്ങള് ഉപേയാഗിച്ച് ഇന്സൊലേറ്റ് ചെയ്യുന്നതാണ് ഉത്തമം. അല്ലായെങ്കില് ചൂട് അധികമായേക്കാം. ഇങ്ങനെ ഇന്സുലേറ്റ് ചെയ്യുന്ന കണ്ടെയ്നറുകള് 'പാനല് വര്ക്ക്' ചെയ്താണ് പുനര്നിര്മ്മാണം നടത്താറുള്ളത്. മരവും അലൂമിനിയവുമെല്ലാം പാനലിങ് മെറ്റീരിയലുകളാണ്. ഇത്തരം പാനലിങ് സംവിധാനം ഉണ്ടെങ്കില് നമുക്ക് എ.സി. യുടെ ആവശ്യം വരില്ല എന്നുതന്നെ പറയാം.
സാധാരണ വീടുകളിലെ പോലെ റൂഫിംഗ്, ഫ്ളോറിംഗ്, പ്ലംബിങ് തുടങ്ങിയ വര്ക്കുകള് എല്ലാം തന്നെ കണ്ടെയ്നര് വീടുകളിലും ചെയ്യാവുന്നതാണ്. വാതിലുകളും ജനാലകളും ടോയ്ലറ്റ് സംവിധാനവുമെല്ലാം സാധ്യമാകും.
ഇത്തരം നിര്മ്മിതികള്ക്ക് അടിത്തറ നിര്മ്മാണത്തിന് ഭഗീരഥ പ്രയത്നമൊന്നും ആവശ്യമില്ല. കോണ്ക്രീറ്റ് പ്ലാറ്റ്ഫോം നിര്മ്മിക്കുകയോ കണ്ടെയ്നറിന്റെ മൂലകളില് പില്ലറുകള് നിര്മ്മിച്ചോ ഭാരം താങ്ങാവുന്ന രീതിയില് ഉറപ്പിച്ചാല് മതിയാകും. ഷിപ്പിങ് കണ്ടെയ്നറുകള് ആയതിനാല് തന്നെ ഉറപ്പിന്റെ കാര്യത്തില് ആശങ്കവേണ്ട. ഇതില് ഉപയോഗിക്കുന്ന മറൈന് പെയിന്റിങ്ങും പ്രതേ്യകതയുള്ളതാണ്.
സാമ്പത്തിക ലാഭം കണ്ടെയ്നര് വീടുകള് തിരഞ്ഞെടുക്കാന് നമ്മെ പ്രേരിപ്പിക്കുന്ന ഒരു ഘടകമാണ്. പാരമ്പരാഗത വീടു നിര്മ്മാണവുമായി തട്ടിച്ചു നോട്ടുമ്പോള് നിര്മ്മാണ ചെലവില് 40 ശതമാനത്തോളം കുറവു വരുന്നുണ്ട്. അതുകൊണ്ട് തന്നെ സാധാരണക്കാര്ക്കുപോലും പ്രാപ്യമായ ഒരു നിര്മ്മിതിയാണ് ഇത് എന്ന കാര്യത്തില് സംശയം വേണ്ട. ചരക്കു നീക്കത്തിനായി ഉപയോഗിക്കുന്ന കണ്ടെയ്നറുകള് ധാരാളം ഷിപ്പിങ് യാര്ഡുകളില് കെട്ടിക്കിടക്കുന്നുണ്ട്. അതില് ഗുണമേ•യുള്ളവ കണ്ടെത്തി ഡിസൈന് ചെയ്തു മനോഹരമായി നിര്മ്മിതികളാക്കുകയാണ് പതിവ്.
https://www.facebook.com/Malayalivartha
