എന്തിലും ഇതിലും ആഡംബര ഭ്രമമുള്ളവരാണല്ലോ ഇന്നത്തെ തലമുറ. ഒരു വീട് വെക്കുമ്പോൾ പഴമയുടെ പ്രൊഡിയോടൊപ്പം പുതുമയുടെ ആഡംബരങ്ങൾക്കും നമ്മൾ പ്രാധാന്യം നൽകാറുണ്ട്. അമേരിക്കയിലെ ഏറ്റവും വലിയ ആഡംബര സൗധമെന്ന് വിശേഷണമുള്ള വീട് സ്വന്തമാക്കാൻ ഇതാ ഇപ്പോൾ അവസരം വന്നിരിക്കുന്നു. അമേരിക്കയിലെ അറിയപ്പെടുന്ന റിയല്‍ എസ്റ്റേറ്റ് വിദഗ്ദ്ധനായ ബ്രൂസ് മക്കോസ്‌കിയുടെ വീടാണ് ഈ പറഞ്ഞ ആഡംബര സൗധം. ഈ സൗധം ലോസ് ആഞ്ചല്‍സിലാണ് സ്ഥിതി ചെയ്യുന്നത്. വീട് വിലക്കുറവിലാണ് വില്‍പ്പനയ്ക്ക് വെച്ചിരിക്കുന്നത്. 626 കോടി രൂപയാണ് ഈ വീടിന്റെ മതിപ്പുവില. കൂടുതൽ അറിയുമ്പോൾ നിങ്ങൾക് മനസ്സ്സിലാകും വില തുച്ഛം ഗുണം മെച്ചമാണെന്നു.

അത്യാധുനിക സിനിമാ തിയറ്റര്‍ മുതൽ ഹെലിപാഡ് വരെയുള്ള എല്ലാ അത്യാഡംബര സൗകര്യങ്ങളും ഈ വീട്ടില്‍ ക്രമീകരിച്ചിരിക്കുന്നു. 38,000 സ്‌ക്വയര്‍ ഫീറ്റിലുള്ള ഈ വീട്ടില്‍ 12 കിടപ്പുമുറികളും 21 ബാത്ത്റൂമുകളുമാണ് ഉള്ളത്.

ഈ വീട്ടില്‍ മാത്രം 56 ടിവി സ്ക്രീനുകളാണ് ഉള്ളത്. തീരുന്നില്ല അഞ്ച് ബാറുകളും ഒരു മസാജ് സ്റ്റുഡിയോയും ഇതിനുള്ളിൽ ഉൾപ്പെടുന്നു.
പാർക്കിങ്ങിനായും അടിപൊളി സെറ്റപ്പാണ് ഒരുക്കിയിരിക്കുന്നത്. ലക്ഷ്വറി കാറുകളും ബൈക്കുകളും നിര്‍ത്തിയിടാന്‍ മാത്രം ഒരു ഫ്ലോര്‍ മാത്രം മാറ്റിവെച്ചിരിക്കുന്നു. കൂടാതെ ഇറ്റാലിയന്‍ ഗ്ലാസില്‍ നിര്‍മിച്ച പടുകൂറ്റന്‍ സ്വിമ്മിങ്ങ് പൂളും ഈ വീടിന്റെ പ്രത്യേകതയാണ്. ഇപ്പോൾ മനസിലായില്ലേ ഈ വീട് ആഡംബരത്തിന്റെ അവസാനവാക്കാണെന്നു.