നാടിനെ ഞെട്ടിച്ച് കാസര്‍ഗോഡ് കാനത്തൂരില്‍ കൊലപാതകവും ആത്മഹത്യയും. ഭാര്യയെ വെടിവച്ചു കൊന്ന ശേഷം ഭര്‍ത്താവ് തുങ്ങി മരിച്ചു. കാസര്‍ഗോഡ് കാനത്തൂരിലാണ് സംഭവം. കുടുംബവഴക്കിനെ തുടര്‍ന്നാണ് ദാരുണ സംഭവം അരങ്ങേറിയതെന്നാണ് സൂചന. മുപ്പത്തിയാറുകാരിയായ ബേബിയാണു ഭര്‍ത്താവിന്റെ വെടിയേറ്റ് മരിച്ചത്. തലയ്ക്കു വെടിയേറ്റ ബേബി വീടിന്റെ സ്വീകരണമുറിയില്‍തന്നെ മരിച്ചുവീണു. ഭര്‍ത്താവ് വിജയനെ പിന്നീട് തൂങ്ങിമരിച്ച നിലയില്‍ കണ്ടെത്തുകയായിരുന്നു. നാടല്‍ തോക്ക് ഉപയോഗിച്ചാണ് വിജയന്‍ കൊലപാതകം നടത്തിയത്. വഴക്കിനെ തുടര്‍ന്നു വെടിയൊച്ച കേട്ടതോടെ അയല്‍വാസികള്‍ പോലീസില്‍ അറിയിക്കുകയായിരുന്നു.

ഭര്‍ത്താവ് വിജയനെ വീടില്‍ നിന്നും 200 മീറ്റര്‍ അകലെ സ്വകര്യ വ്യക്തിയുടെ റബര്‍ തോട്ടത്തില്‍ തൂങ്ങിമരിച്ച നിലയില്‍ കണ്ടെത്തിയത്. നേരത്തെ ഇവര്‍ ബേബിയുടെ വീടായ കുണ്ടംകുഴിയിലാണ് താമസിച്ചിരുന്നത്. പിന്നീട് വിജയന്‍ സ്വന്തം നാടായ കാനത്തൂര്‍ വടക്കേ കരയില്‍ വീടും സ്ഥലവും വാങ്ങി താമസമാരംഭിക്കുകയായിരുന്നു. ആദൂര്‍ പോലീസ് സ്റ്റേഷന്‍ പരിധിയില്‍പെട്ട കാനത്തൂര്‍ വടക്കേകരയിലാണ് സംഭവം.

വിജയന്‍ മദ്യ ലഹരിയിലായിരുന്നവെന്നാണ് പോലീസ് നല്‍കുന്ന വിവരം. മദ്യപിച്ച് വീട്ടിലെത്തിയ വിജയന്‍ ഭാര്യ ബേബിയുമായി വഴക്കിട്ടു. ഇതിനിടെ വിജയന്‍ വീട്ടില്‍ സുക്ഷിച്ചിരുന്ന തോക്ക് എടുത്ത് ബേബിയെ വെടി വയക്കുകയായിരുന്നുവെന്നാണ് പോലീസ് നിഗമനം. ഇവര്‍ക്ക് ഒരു ചെറിയ കുട്ടിയുണ്ടെന്ന് ആദൂര്‍ പോലീസ് പറഞ്ഞു. സംഭവത്തെകുറിച്ച് ആദൂര്‍ സി.ഐയുടെ നേതത്വത്തില്‍ പ്രത്യേക സംഘത്തെ രൂപീകരിച്ചിട്ടുണ്്. കൂടുതല്‍ വിവരങ്ങള്‍ ലഭ്യമായിട്ടില്ല.

സംസ്ഥാനത്ത് ഇത്തരം കൊലപാതകങ്ങള്‍ സജീവമാകുകയാണ്. കുടുംബവഴക്കിനെ തുടര്‍ന്ന് തിരുവനന്തപുരത്ത് യുവാവ് രണ്ടു കുഞ്ഞുങ്ങളെ കൊലപ്പെടുത്തി സ്വയം ആത്മഹത്യ ചെയ്ത വാര്‍ത്ത നാടിനെ ഞെട്ടിച്ചിരുന്നു. ഹരിപ്പാട് ഭാര്യയെ ചവിട്ടകൊന്ന ഭര്‍ത്താവിന്റെ വാര്‍ത്ത പുറത്ത് വന്നത് നാലു ദിവസം മുമ്പാണ്. തിരുവനന്തപുരം കാരക്കോണത്ത് സ്വത്തിന് വേണ്ടി 28 കാരനായ യുവാവ് 51 വയസുക്കാരി ഭാര്യയെ കൊന്ന വാര്‍ത്തയും ഞെട്ടലോടെയാണ് കേരളം കേട്ടത്.