മുന് വിജിലന്സ് ഡയറക്ടര് ജേക്കബ് തോമസ് ഇറക്കിയ 33 സര്ക്കുലറുകള് വിജിലന്സ് ഡയറക്ടര് അസ്താന റദ്ദാക്കി, വിവാദ സര്ക്കുലറുകള് ഇറക്കുന്നതില് മിടുക്കനായ അസ്താന അടുത്തമാസം കേന്ദ്രസര്വ്വീസിലേക്ക് പോകും
ചട്ടത്തിന് വിരുദ്ധമായതിനെ തുടര്ന്ന് മുന് വിജിലന്സ് ഡയറക്ടര് ജേക്കബ് തോമസ് ഇറക്കിയ 33 സര്ക്കുലറുകള് വിജിലന്സ് ഡയറക്ടര് അസ്താന റദ്ദാക്കി. 36 സര്ക്കുലറുകളാണ് ജേക്കബ് തോമസ് ഡയറക്ടറായിരിക്കുമ്പോള് ഇറക്കിയിരുന്നത്. ആദ്യമായാണ് മുന് ഡയറക്ടറുടെ സര്ക്കുലര് കൂട്ടത്തോടെ റദ്ദാക്കുന്നത്. കേസന്വേഷണം, സോഷ്യല് ഓഡിറ്റ്, കുറ്റപത്രം സമര്പ്പിക്കല് തുടങ്ങിയവയെ കുറിച്ചുള്ള സര്ക്കുലറുകളാണ് റദ്ദാക്കിയത്. സര്ക്കുലര് വിജിലന്സ് ചട്ടത്തിന് വിരുദ്ധമാണെന്ന് മൂന്നംഗ സമിതി വിലയിരുത്തിയതിനെ തുടര്ന്നാണ് തീരുമാനം. രണ്ട് എസ്.പിമാരും ഒരു ഡിവൈ.എസ്.പിയുമായിരുന്നു സമിതിയിലുണ്ടായിരുന്നത്. ഈ മാസം 30ന് അസ്താന കേന്ദ്രസര്വ്വീസിലേക്ക് പോകാനിരിക്കെയാണ് പുതിയ ഉത്തരവിട്ടത്.
ഡി.ജി.പി ലോക്നാഥ് ബഹ്റയെ വിജിലന്സ് ഡയറക്ടര് സ്ഥാനത്ത് നിന്ന് നീക്കിയ ശേഷമാണ് അസ്താന ചുമതലയേറ്റത്. അതിന് ശേഷം വിവാദമായ പല ഉത്തരവുകളും അദ്ദേഹം പുറപ്പെടുവിച്ചിരുന്നു. കുറ്റപത്രത്തില് പ്രതികള്ക്ക് അനുകൂലമായി, അന്വേഷണത്തില് ലഭിക്കുന്ന വസ്തുതകളും തെളിവും ഉള്പ്പെടുത്തണമെന്ന സര്ക്കുലര് വിവാദമായിരുന്നു. സര്ക്കുലര് പ്രാവര്ത്തികമാക്കിയാല് പല കേസുകളിലും പ്രോസിക്യൂഷനു തിരിച്ചടി ഉണ്ടാകുമെന്ന് വിജിലന്സ് ഉദ്യോഗസ്ഥര് പറയുന്നു. എന്നാല് ഇക്കാര്യം ഡയറക്ടറോട് പറയാന് അവര്ക്ക് ധൈര്യവുമില്ല.
കോടതിയില് സമര്പ്പിക്കുന്ന പല അന്തിമ റിപ്പോര്ട്ടുകളും പഴുതടച്ചതല്ലെന്ന് ആക്ഷേപമുണ്ട്. അന്വേഷണ ഉദ്യോഗസഥര് തീരെ ഉത്തരവാദിത്തമില്ലാതെയാണ് റിപ്പോര്ട്ട് തയാറാക്കുന്നത്. ശേഖരിച്ച തെളിവുകളില് പലതും കോടതിയിലെത്തുമ്പോള് കാണാനില്ലെന്ന് ആക്ഷേപമുണ്ട്. പല അന്തിമ റിപ്പോര്ട്ടിലും അന്വേഷണ ഉദ്യോഗസ്ഥന്റെ പേര്, മേലുദ്യോഗസ്ഥര്ക്ക് നല്കിയ വസ്തുതാവിവര റിപ്പോര്ട്ടിന്റെ പകര്പ്പ്, അന്വേഷണം അവസാനിപ്പിക്കാന് ഡയറക്ടര് അനുമതി നല്കി, തുടങ്ങിയ കാര്യങ്ങളാണ് ഉള്ളത്. അന്വേഷണ ഉദ്യോഗസ്ഥര് കൈമാറുന്ന വസ്തുതാ റിപ്പോര്ട്ട് മേലുദ്യോഗസ്ഥര്ക്ക് ഉചിത തീരുമാനം എടുക്കാന് വേണ്ടിയുള്ളതു മാത്രമാണ്. ഇതു കോടതിയില് സമര്പ്പിക്കാനുള്ളതല്ലെന്നും അസ്താന ഇറക്കിയ ഉത്തരവില് പറയുന്നു.
സ്ഥാനമേറ്റെടുത്തുടനെ മാധ്യമ പ്രവര്ത്തകരോടു വിജിലന്സ് ഉദ്യോഗസ്ഥര് സംസാരിക്കരുതെന്ന സര്ക്കുലറാണ് അസ്താന ആദ്യം ഇറക്കിയത്. പിന്നീട് വിജിലന്സ് നിയമോപദേശകര് ഉപദേശം നല്കിയാ മതിയെന്നും അന്വേഷണ ഉദ്യോഗസ്ഥര്ക്ക് ഉത്തരവു നല്കണ്ടെന്നും ഉടുത്ത സര്ക്കുലറിറക്കി. വിജിലന്സ് കോടതികള്ക്കെതിരെ ഹൈക്കോടതി റജിസ്ട്രാറിനു കത്തു നല്കാനും അസ്താന മടിച്ചില്ല. അഡ്വക്കറ്റ് ജനറലിനെയും പ്രോസിക്യൂഷന് ഡയറക്ടര് ജനറലിനെയും മറികടന്നാണ് ഹൈക്കോടതിക്കു നേരിട്ടാണു കത്തയച്ചത്. തെളിവില്ലെന്ന കാരണത്താല് വിജിലന്സ് അന്തിമ റിപ്പോര്ട്ട് നല്കിയ കേസുകള് വിജിലന്സ് കോടതികള് സമയബന്ധിതമായി തീര്പ്പാക്കുന്നില്ലെന്നായിരുന്നു അസ്താനയുടെ പരാതി.
https://www.facebook.com/Malayalivartha
