ദുബായ്: യു.എ.ഇ.യിൽ ഫെഡറൽ-സർക്കാർ സ്ഥാപനങ്ങൾക്ക് ഹിജ്‌റ പുതുവർഷ അവധി പ്രഖ്യാപിച്ചു. ഹിജ്‌റ പുതുവർഷം സെപ്റ്റംബര്‍ 13 വ്യാഴാഴ്ച്ച ആയിരിക്കുമെന്നും ഫെഡറൽ-സർക്കാർ സ്ഥാപനങ്ങൾക്ക് സെപ്റ്റംബർ 13 മുതൽ 16 വരെ അവധിയായിരിക്കുമെന്ന് യു.എ.ഇ മനുഷ്യ വിഭവശേഷി എമിറാത്തി വത്കരണ മന്ത്രാലയം അറിയിച്ചു.

അതേസമയം ഇസ്‌ലാമിക് വർഷാരംഭമായ മുഹറം ഒന്നിന് ഒമാനിൽ പൊതു അവധിയായിരിക്കുമെന്ന് അധികൃതർ അറിയിച്ചു. മന്ത്രിമാരുടെ കൗണ്‍സിലിന്റെ നിര്‍ദ്ദേശ പ്രകാരമാണ് തീരുമാനം. നേരത്തെ യു.എ.ഇ ക്യാബിനറ്റ് സെപ്റ്റംബര്‍ 13 ന് മന്ത്രാലയങ്ങള്‍ക്കും ഫെഡറല്‍ അതോറിറ്റികള്‍ക്കും അവധി പ്രഖ്യാപിച്ചിരുന്നു.

പൊതു, സ്വകാര്യ മേഖലകൾക്ക് ഇത് ബാധകമാകുമെന്ന് മാനവവിഭവശേഷി വകുപ്പ് മന്ത്രി ശൈഖ് അബ്ദുല്ല അൽ ബക്‌രി വ്യക്തമാക്കി. മാസപ്പിറവി കാണുന്ന മുറയ്ക്ക് ഔഖാഫ്, മതകാര്യ മന്ത്രാലയമാണ് ഹിജ്‌റ വർഷാരംഭം പ്രഖ്യാപിക്കുക.