വമ്പന്‍ ആക്രണത്തില്‍ പകച്ച് സൗദി. സൗദിയെ ലക്ഷ്യമിട്ട് വീണ്ടും മിസൈല്‍ ആക്രമണമുണ്ടായി. സൗദിയിലെ ജനവാസ കേന്ദ്രത്തെ ലക്ഷ്യമിട്ടാണ് യെമനില്‍ നിന്നും മിസൈല്‍ ആക്രമണം ഉണ്ടായതെന്ന് അറബ് സഖ്യസേന അറിയിച്ചു. ആക്രമണത്തില്‍ 23 പേര്‍ക്ക് പരിക്കേറ്റിറ്റുണ്ട്. യെമനിലെ സആദ ഗവര്‍ണറേറ്റില്‍ നിന്നാണ് ബാലിസ്റ്റിക് മിസൈല്‍ തൊടുത്തുവിട്ടത്. ജനവാസ മേഖലയായ സൗദി അറോബ്യയിലെ ജസാന്‍ നഗരത്തിലേക്കായിരുന്നു മിസൈല്‍ ലക്ഷ്യമിട്ടിരുന്നത്. ആക്രമണ ശ്രമം സൗദി വ്യോമസേന തകര്‍ത്തു. ഇതുവരെ 189 ബാലിസ്റ്റിക് മിസൈല്‍ ആക്രമണങ്ങള്‍ യെമനില്‍ നിന്നും സൗദി അറേബ്യ ലക്ഷ്യം വെച്ച് ഉണ്ടായിട്ടുണ്ടെന്നും 112 സൗദി പൗരന്‍മാര്‍ പലപ്പോഴായി കൊല്ലപ്പെട്ടുവെന്നും കേണല്‍ തുര്‍ക്കി അല്‍ മാലികി പറഞ്ഞു.
ഇന്നലെ രാത്രി 8.08ന് ആയിരുന്നു ആക്രമണം ഉണ്ടായത്. ഇറാന്റെ പിന്തുണയോടെ ഹൂതി വിമതരാണ് ആക്രമണം നടത്തിയതെന്നും എന്നാല്‍ സൗദിയുടെ വ്യേമ അതിര്‍ത്തിയില്‍ വെച്ച് മിസൈല്‍ തകര്‍ത്തുവെന്നും അറബ് സഖ്യസേനാ വക്താവ് കേണല്‍ തുര്‍ക്കി അല്‍ മാലികി അറിയിച്ചു.