പടിഞ്ഞാറന് പ്രവിശ്യയില് മഴ
രാജ്യത്തിന്റെ തെക്കു പടിഞ്ഞാറന് പ്രവിശ്യകളില് ഞായറാഴ്ച പരക്കെ കാറ്റും മഴയും. മക്കയില് ഇടിമിന്നലും കാറ്റുമായി മഴ കനത്തു പെയ്തു. ജിദ്ദയുടെ വിവിധ ഭാഗങ്ങളില് ശക്തമായ കാറ്റും മഴയും ലഭിച്ചു. മക്കയില് ഉച്ചക്കുശേഷം ഹറം പരിസരത്തും നഗരത്തിന്റെ വിവിധ ഭാഗങ്ങളിലും നല്ല മഴയാണ് ലഭിച്ചത്. മസ്ജിദുല് ഹറാമിന്റെ മുറ്റങ്ങളിലും മതാഫിലും വെള്ളം കെട്ടിനില്ക്കുന്നതൊഴിവാക്കാന് ശുചീകരണവിഭാഗം സജീവമായി രംഗത്തത്തെി. ജിദ്ദ മേഖലയിലെ ദഹ്ബാന്, ഖുലൈസ്, ഉസ്ഫാന്, ഹദശ്ശാം, ബഹ്റ എന്നിവിടങ്ങളില് സാമാന്യം നല്ല മഴ പെയ്തു.
പടിഞ്ഞാറന് പ്രവിശ്യയിലുള്ളവര്ക്ക് സിവില് ഡിഫന്സ് നേരത്തേ തന്നെ മുന്നറിയിപ്പായി എസ്.എം.എസ് അയച്ചിരുന്നു.വെള്ളക്കെട്ടുകളുടെ അടുത്തു പോകരുതെന്നും അത്യാഹിതങ്ങളൊഴിവാക്കാന്സഹകരിക്കണമെന്നുമാവശ്യപ്പെട്ടായിരുന്നു സന്ദേശം. സിവില് ഡിഫന്സും പട്രോളിങ് വിഭാഗവും ട്രാഫിക് പൊലീസും അടിയന്തരഘട്ടം നേരിടാനുള്ള തയാറെടുപ്പോടെ നിലയുറപ്പിച്ചു. സ്കൂളുകളില് രക്ഷിതാക്കള് കുട്ടികളെ കൂട്ടാന് നേരത്തേ തന്നെ എത്തിയതു മൂലം പല ഭാഗത്തും ഗതാഗതക്കുരുക്കുണ്ടായി. ജിദ്ദയുടെ താഴ്ന്ന പ്രദേശങ്ങളില് പലയിടത്തും റോഡുകള് വെള്ളത്തിനടിയിലായി.
സ്കൂളുകള് വിട്ട് വീട്ടിലത്തെിയ കുട്ടികള് മഴ ആഘോഷിക്കാന് തെരുവിലിറങ്ങി. വെള്ളം കെട്ടി നില്ക്കുന്ന റോഡുകളില് പന്തു തട്ടിക്കളിച്ചും നൃത്തം ചവിട്ടിയും അമിട്ടുകള് പൊട്ടിച്ചും അവര് മഴപ്പെയ്ത്ത് ആഘോഷം കേമമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha