ഗള്ഫില് നിന്നും നാട്ടിലേക്ക് അയക്കുന്ന പണത്തിന് നികുതി പരിഗണനയില്
പ്രവാസികള് നാട്ടിലേക്കയക്കുന്ന പണത്തിന് രണ്ടു ശതമാനം നികുതി ഏര്പ്പെടുത്താനുള്ള നിര്ദേശം സ്റ്റേറ്റ് കൗണ്സിലിന്റെ പരിഗണനയില്. ചില അംഗങ്ങള് എതിര്ത്തതിനാല് തീരുമാനം വോട്ടിങ്ങിലൂടെയാണ് അംഗീകരിച്ചത്. അതിനിടെ, കുറഞ്ഞ വരുമാനക്കാരായ തൊഴിലാളികളെ നികുതിയില്നിന്ന് ഒഴിവാക്കണമെന്ന് ആവശ്യമുയരുന്നുണ്ട്.
എണ്ണവിലക്കുറവിന്റെ പശ്ചാത്തലത്തില് ബജറ്റിലുണ്ടാകുന്ന കമ്മി നികത്തുന്നതിനാണ് രണ്ടു ശതമാനം നികുതി എന്ന ആശയം ധനകാര്യ സാമ്പത്തിക കമ്മിറ്റി മുന്നോട്ടുവെച്ചത്. ഇതുവഴി രാജ്യത്തിന് പ്രതിവര്ഷം 60 മില്യന് ഡോളറിന്റെ വരുമാനം ഇതിലൂടെ ലഭിക്കുമെന്നാണ് പ്രതീക്ഷ. ഈ നികുതി രാജ്യത്തിന്റെ സമ്പദവ്യവസ്ഥക്ക് ഒട്ടും ഗുണകരമാവില്ലെന്നും വരുമാനത്തില് പ്രതീക്ഷിക്കപ്പെടുന്ന ഇടിവ് നികത്താന് പര്യാപ്തമായിരിക്കില്ലെന്നും ചര്ച്ചയില് ഉയര്ന്നുവന്നു. കുറഞ്ഞ നികുതി വരുമാനമുള്ള പ്രവാസി തൊഴിലാളിക്ക് നികുതി അടക്കേണ്ടത് വലിയ ബാധ്യതയായേക്കും. ബാധ്യത സ്വാഭാവികമായും സ്പോണ്സറുടെ ഭാഗത്തേക്ക് കൈമാറുകയാകും ഇതിന്റെ ഫലം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha