കുവൈത്തിൽ നിന്ന് 2018 ൽ മാത്രം നാടുകടത്തിയത് 17,000 വി​ദേ​ശി​ക​ളെ​യെ​ന്ന് റിപ്പോർട്ടുകൾ. ഇ​ഖാ​മ പ​രി​ശോ​ധ​ന​യി​ൽ പി​ടി​യി​ലാ​യ​വ​ർ, വി​വി​ധ കേ​സു​ക​ളി​ൽ ജ​യി​ൽ​ശി​ക്ഷ അ​നു​ഭ​വി​ച്ച​വ​ർ, കോ​ട​തി നാ​ടു​ക​ട​ത്ത​ൽ വി​ധി​ച്ച​വ​ർ എന്നിവയിൽ നാടുകടത്തപ്പെട്ട വിദേശികളുടെ കണക്കു വിവരങ്ങളാണ് പുറത്തു വിട്ടിരിക്കുന്നത്.

പ്ര​തി​ദി​നം ശ​രാ​ശ​രി 46 ല​ധി​കം പേ​ർ വീ​തം വ​രും. നാ​ടു​ക​ട​ത്ത​പ്പെ​ട്ട​വ​രി​ല്‍ ഇ​ന്ത്യ​ക്കാ​രാ​ണ് കൂ​ടു​ത​ൽ. ഈജി​പ്​​തുകാ​ർ, ഫി​ലി​പ്പീ​നി​ക​ൾ, ഇ​ത്യോ​പ്യ​ക്കാ​ർ, ബം​ഗ്ലാ​ദേ​ശി​ക​ൾ, ശ്രീ​ല​ങ്ക​ക്കാ​ർ എ​ന്നി​വ​രാ​ണ്​ യ​ഥാ​ക്ര​മം തു​ട​ർ​ന്നു​ള്ള സ്ഥാ​ന​ങ്ങ​ളി​ൽ. അ​മേ​രി​ക്ക​ക്കാ​രും ബ്രി​ട്ടീ​ഷ് പൗ​ര​ന്മാ​രും നാ​ടു​ക​ട​ത്ത​പ്പെ​ട്ട​വ​രി​ൽ ഉ​ൾ​പ്പെ​ടു​ന്നു. മ​ദ്യം, മ​യ​ക്കു​മ​രു​ന്നു കേ​സു​ക​ളി​ല​ക​പ്പെ​ട്ട​വ​രാ​ണ്​ ക​യ​റ്റി അ​യ​ച്ച​വ​രി​ല​ധി​ക​വും. താ​മ​സ​നി​യ​മം ലം​ഘി​ച്ച​വ​ർ, ഗു​രു​ത​ര​മാ​യ കു​റ്റ​കൃ​ത്യ​ങ്ങ​ൾ ചെ​യ്​​ത​വ​ർ, ഗു​രു​ത​ര​മാ​യ ഗ​താ​ഗ​ത​നി​യ​മ​ലം​ഘ​നം ന​ട​ത്തി​യ​വ​ർ, സാ​മ്പ​ത്തി​ക ത​ട്ടി​പ്പു​ക​ളും വ​ഞ്ച​ന​യും ന​ട​ത്തി​യ​വ​ർ എ​ന്നി​വ​രും പ​ട്ടി​ക​യി​ലു​ണ്ട്.

വൈ​ദ്യ​പ​രി​ശോ​ധ​ന​യി​ൽ പ​രാ​ജ​യ​പ്പെ​ട്ട​വ​രെ​യും തി​രി​ച്ച​യ​ച്ചി​ട്ടു​ണ്ട്. തൊ​ട്ടു​മു​മ്പ​ത്തെ വ​ർ​ഷ​ത്തെ അ​പേ​ക്ഷി​ച്ച്​ നാ​ടു​ക​ട​ത്ത​പ്പെ​ട്ട​വ​രു​ടെ എ​ണ്ണം കു​റ​യു​ക​യാ​ണ്​ ചെ​യ്​​ത​ത്. താ​മ​സ, തൊ​ഴി​ൽ നി​യ​മ​ലം​ഘ​ക​രി​ൽ വ​ലി​യൊ​രു വി​ഭാ​ഗം പൊ​തു​മാ​പ്പ്​ കാ​ല​ത്ത്​ തി​രി​ച്ചു​പോ​യ​ത്​ ഇ​തി​നൊ​രു കാ​ര​ണ​മാ​ണ്. മു​ൻ​കാ​ല​ത്തെ അ​പേ​ക്ഷി​ച്ച്​ ഇ​പ്പോ​ൾ നാ​ടു​ക​ട​ത്ത​ൽ ന​ട​പ​ടി​ക്ര​മ​ങ്ങ​ൾ വേ​ഗ​ത്തി​ലാ​ണ്. നാ​ടു​ക​ട​ത്തേ​ണ്ട​വ​രെ ഒ​രാ​ഴ്ച​യി​ൽ കൂ​ടു​ത​ൽ സെന്ററിൽ താ​മ​സി​പ്പി​ക്കു​ന്നി​ല്ല. അ​തേ​സ​മ​യം, ചി​ല സാ​മ്പ​ത്തി​ക, ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​യ​വ​ർ​ക്കെ​തി​രെ കോ​ട​തി​ക​ളി​ൽ കേ​സു​ക​ൾ ന​ട​ക്കു​ന്ന​തി​നാ​ൽ ന​ട​പ​ടി​ക​ൾ വൈ​കാ​റു​ണ്ട്. താ​മ​സ​കാ​ര്യ വ​കു​പ്പി​​െൻറ ക​ണ​ക്കു​പ്ര​കാ​രം 2017ൽ 29,000 ​പേ​രെ നാ​ടു​ക​ട​ത്തി​യി​രു​ന്നു. 19,730 വി​ദേ​ശി​ക​ളാ​ണ് 2016ൽ ​നാ​ടു​ക​ട​ത്ത​ൽ ശി​ക്ഷ​ക്ക് വി​ധേ​യ​മാ​ക്ക​പ്പെ​ട്ട​ത്.