വിവിധ രംഗങ്ങളിലെ സമഗ്ര വളര്‍ച്ചയുടെ ബലത്തില്‍ യു.എ.ഇ വികസിത രാഷ്ട്രങ്ങളുടെ മുന്‍നിരയില്‍ എത്തിയതായി റിപ്പോര്‍ട്ട്. സമ്പദ്ഘടനയിലും വ്യാപാര രംഗത്തും നിക്ഷേപത്തിലും സാങ്കേതിക, വിനോദസഞ്ചാര മേഖലകളിലെല്ലാം രാജ്യം സ്ഥായിയായ വളര്‍ച്ച രേഖപ്പെടുത്തിയതായി വിവിധ അന്താരാഷ്ട്ര ഏജന്‍സികളുടെയും കണക്കുകള്‍ ചൂണ്ടികാട്ടി ഔദ്യോഗിക വാര്‍ത്താഏജന്‍സിയായ \'വാം\' റിപ്പോര്‍ട്ട് ചെയ്തു. സംതൃപ്തരായ സ്വദേശികളും പ്രവാസികളുമാണ് രാജ്യത്തുള്ളത്. ലിംഗസമത്വത്തിലും സ്ത്രീകളുടെ രാഷ്ട്രീയവും സാമ്പത്തികവുമായ ശാക്തീകരണത്തിലും രാഷ്ട്രം അഭൂതപൂര്‍വമായ വളര്‍ച്ചയാണ് കൈവരിച്ചതെന്ന് റിപ്പോര്‍ട്ടില്‍ പറയുന്നു.
ആഭ്യന്തര വളര്‍ച്ചാ രംഗത്തെ നേട്ടമാണ് എടുത്തുപറയേണ്ടത്. 1971ല്‍ 650 കോടി ദിര്‍ഹമായിരുന്ന മൊത്തം ആഭ്യന്തര ഉദ്പാദനം (ജി.ഡി.പി ) ഈ വര്‍ഷം 1.54 ലക്ഷം കോടി ദിര്‍ഹം ആയി ഉയര്‍ന്നു. വാര്‍ഷിക ബജറ്റില്‍ 1971ല്‍ മൊത്തം ദേശീയ ചെലവിന് 20.10 കോടി ദിര്‍ഹം വകയിരുത്തിയ സ്ഥാനത്ത് 2015ല്‍ ആയിരം കോടി ദിര്‍ഹമാണ് വകയിരുത്തിയിട്ടുള്ളത്. അടിസ്ഥാന വികസന പ്രവര്‍ത്തനങ്ങള്‍ക്കും പൗരന്‍മാര്‍ക്ക് സൗകര്യങ്ങള്‍ ഒരുക്കുന്നതിനുമാണ് ഈ തുക വിനിയോഗിച്ചത്. രാഷ്ട്രത്തിന്റെ സ്ഥാപകരായ ശൈഖ് സായിദ് ബിന്‍ സുല്‍ത്താന്‍ ആല്‍ നഹ്യാന്റെയും ശൈഖ് റാശിദ് ബിന്‍ സഈദ് ആല്‍ മക്തൂമിന്റെയും ക്രാന്ത ദര്‍ശിത്വമുള്ള വികസന നയങ്ങളാണ് രാഷ്ട്രത്തിന് ഈ വളര്‍ച്ച സാധ്യമാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha