രാഷ്ട്രപിതാവ് മഹാത്മാ ഗാന്ധിയ്ക്ക് ആദരമര്‍പ്പിച്ച് ലോകത്തിലെ ഏറ്റവും ഉയരം കൂടിയ കെട്ടിടമായ ദുബായിലെ ബുര്‍ജ് ഖലീഫ. ഇന്നലെ വൈകുന്നേരം പ്രാദേശിക സമയം 7.50നാണ് ഗാന്ധിജിയുടെ ചിത്രം കെട്ടിടത്തില്‍ പ്രദര്‍ശിപ്പിച്ചത്. ദേശീയ പതാകയും ഗാന്ധി ചിത്രവും ബുര്‍ജ് ഖലീഫയിലെ വര്‍ണ്ണക്കാഴ്ചയായി.ഗാന്ധിജിയുടെ 150-ാം ജന്മവാര്‍ഷികത്തോടനുബന്ധിച്ച് അദ്ദേഹത്തിന്റെ ചിത്രം ബുര്‍ജ് ഖലീഫയില്‍ പ്രദര്‍ശിപ്പിക്കുമെന്ന് ദുബായിലെ ഇന്ത്യന്‍ കോണ്‍സുലേറ്റ് നേരത്തെ തന്നെ അറിയിച്ചിരുന്നു.

നേരത്തെ ഇന്ത്യയുടെ സ്വാതന്ത്ര്യ ദിനത്തോടനുബന്ധിച്ച് മൂന്ന് തവണ ബുര്‍ജ് ഖലീഫ ത്രിവര്‍ണ്ണമണിഞ്ഞിരുന്നു.ഓരോ രാജ്യങ്ങളുമായി ബന്ധപ്പെട്ട പ്രധാന ദിവസങ്ങളില്‍ ആ രാജ്യത്തോടുള്ള ആദരസൂചകമായി ബുര്‍ജ് ഖലീഫയില്‍ അവരുടെ പതാകയുടെ നിറം കാണിച്ച് ലേസര്‍ ഷോകള്‍ നടത്താറുണ്ട്.