ഖത്തർ തപാൽ കമ്പനിയായ ഖത്തർ പോസ്റ്റ് വഴി ഇന്ത്യയിലേക്ക് കുറഞ്ഞ ചെലവിൽ പാഴ്‌സലുകൾ അയയ്ക്കാം എന്നതാണ് ആ സന്തോഷവാർത്ത. പ്രവാസികൾ തങ്ങളുടെ പ്രിയപ്പെട്ടവർക്കായി ഹൃദയത്തോട് ചേർത്ത് അയക്കുന്ന സമ്മാനങ്ങൾ..അത് പലപ്പോഴും പാർസൽ ചാർജുകളിൽ ഗണ്യമായ വർദ്ധനവ് കാരണം പാർസൽ എന്നത് നടക്കാത്ത സ്വപ്നമായി മാത്രം അവശേഷിച്ചു കൊണ്ട് ..നാട്ടിലേക്ക് തിരിച്ചു പോകുമ്പോൾ നേരിട്ട് കൈമാറാം എന്ന ചിന്തയിലേക്ക് വഴിമാറും . എന്തായാലും നവംബർ 30ന് മുൻപ് പാഴ്‌സലുകൾ അയക്കുന്നവർക്ക് 66% വിലക്കിഴിവ് ലഭിക്കും എന്ന വാർത്ത തെല്ലൊന്നുമല്ല പ്രവാസികളെ സന്തോഷിപ്പിക്കുന്നത് .

ഓഫർ പ്രകാരം 66% വിലക്കിഴിവിൽ 30 കിലോ വരെ അയയ്ക്കാം എന്നാണ് സൂചന . പിന്നീട് എത്ര ദിവസത്തെ കാത്തിരിപ്പ് എന്ന്ചോദിച്ചാൽ 4-5 ദിവസത്തിനുള്ളിൽ പാഴ്‌സൽ ഇന്ത്യയിലെ മേൽവിലാസക്കാരന് ലഭിക്കും എന്നാണ് അറിയാൻ സാധികുനത്ത് . ഖത്തർ പോസ്റ്റിന്റെ ഇ-വ്യാപാര സംവിധാനമായ കണക്ടഡ് വിഭാഗത്തിലും ഒട്ടേറെ പുതു സേവനങ്ങൾ ഇതോടൊപ്പം എത്തിയിട്ടുണ്ട്. യുഎസ്, യുകെ, യൂറോപ്പ്, സിംഗപ്പൂർ എന്നിവിടങ്ങളിൽ നിന്നും ഖത്തറിലേക്ക് പാഴ്‌സലുകൾ എത്തിക്കാം എന്നതാണ് മറ്റൊരു സവിശേഷത . യുഎസിൽ നിന്ന് 56% വിലക്കിഴിവിൽ 23 റിയാലാണ് അടിസ്ഥാന ഷിപ്പിങ് സേവനനിരക്ക്. പാഴ്‌സലിന് 100 ഗ്രാമിന് 4.60 റിയാൽ വീതവും നൽകണം.

യുകെ, യൂറോപ്പ് എന്നിവിടങ്ങളിൽ നിന്നാണെങ്കിൽ 35% ഡിസ്‌ക്കൗണ്ടിൽ 39 റിയാലാണ് അടിസ്ഥാന നിരക്ക്. 100 ഗ്രാമിന് 2.90 റിയാൽ വീതമാണ് നിരക്ക്. സിംഗപ്പൂരിൽ നിന്ന് 39 റിയാലാണ് അടിസ്ഥാന സേവന നിരക്ക്. പാഴ്‌സലിന് 100 ഗ്രാമിന് 3.50 റിയാൽ വീതം നൽകണം. 5 മുതൽ 8 ദിവസത്തിനുള്ളിൽ പാഴ്‌സൽ ഖത്തറിലെ വിലാസത്തിലെത്തും.