ഇന്ന് മാത്രം 55 പേർക്കാണ് ഒമാനിൽ കൊവിഡ് 19 വൈറസ്സ് സ്ഥിരീകരിച്ചത്. ഇതിൽ 40 വിദേശികൾ ഉൾപ്പടെ 15 പേർ ഒമാൻ സ്വദേശികളുമാണ്. ഇതോടുകൂടെ രാജ്യത്ത് വൈറസ് ബാധിച്ചവരുടെ എണ്ണം 2958 ലെത്തിയെന്നും കണക്കുകൾ വ്യക്തമാക്കുന്നു. ഇതോടൊപ്പം തന്നെ 980 പേർ സുഖം പ്രാപിച്ചുവെന്നും ഒമാൻ ആരോഗ്യ മന്ത്രാലയം ഇന്ന് പുറത്തിറക്കിയ വാർത്തകുറിപ്പിൽ പറയുന്നു. എന്നാൽ ഇതുവരെയും കൊവിഡ് വൈറസ്സ് ബാധ മൂലം പതിനാലു പേരാണ് ഒമാനിൽ മരണപ്പെട്ടിട്ടുള്ളത്.

അതോടപ്പം തന്നെ കുവൈത്തിൽ കഴിഞ്ഞ 24 മണിക്കൂറിനിടെ 485 പേർക്ക് കൂടി കോവിഡ് സ്ഥിരീകരിച്ചതായി ആരോഗ്യമന്ത്രാലയം വാർത്താസമ്മേളനത്തിൽ അറിയിക്കുകയുണ്ടായി. ഇതോടെ രാജ്യത്തെ കോവിഡ് കേസുകളുടെ എണ്ണം 6289 ആയി ഉയർന്നിരിക്കുകയാണ്. എന്നാൽ തന്നെയും പുതിയ രോഗികളിൽ 152 പേർ ഇന്ത്യക്കാരാണ്. ഇതോടെ കുവൈത്തിൽ കോവിഡ് ബാധ സ്ഥിരീകരിച്ച ഇന്ത്യക്കാരുടെ എണ്ണം 2644 ആയി ഉയരുകയും ചെയ്തിരിക്കുകയാണ് .

അതേസമയം രോഗം സ്ഥിരീകരിച്ച മുഴുവൻ പേർക്കും സമ്പർക്കത്തെ തുടർന്നാണ് വൈറസ് ബാധിച്ചത് എന്നാണ് അധികൃതർ വ്യക്തമാക്കുന്നത്. പുതിയ രോഗികളിൽ 126 പേർ ഫർവാനിയ ഗവർണറേറ്റിലെ താമസക്കാരാണ് എന്നാണ് കണ്ടെത്തിയിരിക്കുന്നത്. ഹവല്ലി ഗവർണറേറ്റ് പരിധിയിൽ താമസിക്കുന്ന 106 പേർക്കും അഹമ്മദിയിൽ നിന്നുള്ള 52 പേർക്കും, കാപിറ്റൽ ഗവർനറേറ്റിൽ 70 പേർക്കും ജഹറയിൽ നിന്നുള്ള 49 പേർക്കും ഇന്ന് കോവിഡ് സ്ഥിരീകരിക്കുകയുണ്ടായി. ഇന്ന് മരണം ഓംമും തന്നെ രേഖപ്പെടുത്തിയിട്ടില്ല.