കോറോണ നൽകിയ ഭീതിയിൽ നിന്നും കരകയറാനാകാതെ പ്രവാസലോകം. ദിനംപ്രതി നിരവധിപേർക്കാണ് കൊറോണ സ്ഥിരീകരിക്കുന്നത്. ഇതിനോടകം തന്നെ സൗദിയിൽ 10ഉം യു.എ.ഇയിൽ ഒമ്പതും കുവൈത്തിൽ മൂന്നും പേർ കോവിഡ് ബാധിച്ച് മരിച്ചതോടെ ഗൾഫിൽ ആകെ മരണസംഖ്യ 486 ആയി. അതോടൊപ്പം തന്നെ വിവിധ രാജ്യങ്ങളിലായി നാലായിരത്തിലേറെ പേർക്ക് കൂടി രോഗം സ്ഥിരീകരിച്ചു. ഇതോടെ ഗൾഫിൽ രോഗബാധിതരുടെ എണ്ണം 91,000 കടന്നിരിക്കുകയാണ്.

അതോടൊപ്പം തന്നെ യു.എ.ഇയിൽ മൂന്ന് പേൾ ഉൾപ്പെടെ ഇന്നലെ 5 മലയാളികൾ കൂടി മരിച്ചതോടെ ഗൾഫിൽ കോവിഡ് ബാധിച്ചു മരിക്കുന്ന മലയാളികളുടെ എണ്ണം 58 ആയി ഉയർന്നിരിക്കുകയാണ്. ഇവരിൽ കൂടുതൽ പേർ മരിച്ചത് യു.എ.ഇയിൽ തന്നെയാണ്. ഗൾഫ് രാഷ്ട്രങ്ങളിൽ ഇന്നലെ മാത്രം ഗൾഫിൽ കോവിഡ് ബാധിത മരണം 23 ആണ്.

കണക്കുകൾ അനുസരിച്ച് സൗദിയിൽ പത്ത് പേർ കൂടി മരിച്ചതോടെ മരണ സംഖ്യ 229 ആയി ഉയർന്നിരിക്കുന്നത്. ഇന്നലെ ഒമ്പത് പേർ കൂടി മരിച്ച യു.എ.ഇയിൽ കോവിഡ് മരണസംഖ്യ 174 ആയി ഉയരുകയുണ്ടായി. എന്നാൽ തന്നെയും സൗദിയിൽ രോഗികളുടെ എണ്ണവും കുത്തനെ ഉയരുകയാണ് ഉണ്ടായത്. 1322 പേർക്കാണ് ഇന്നലെ രോഗം സ്ഥിരീകരിച്ചത്. ഇതോടെ രോഗികളുടെ എണ്ണം 35432 ആയി ഉയർന്നിരിക്കുന്നു.

അതോടൊപ്പം തന്നെ ഖത്തറിൽ ഇന്നലെ 1,311 പേര്‍ക്ക് രോഗം സ്ഥിരീകരിച്ചതോടെ രോഗികളുടെ എണ്ണം 20,000 കടന്നു. യു.എ.ഇയിൽ 553 പേർക്കാണ് രോഗബാധ. കുവൈത്തിൽ 641ഉം ഒമാനിൽ 154ഉം ബഹ്റൈനിൽ 205ഉം പേർക്കാണ് പുതുതായി രോഗം സ്ഥിരീകരിച്ചത്. കോവിഡ് ബാധിതരായ ആയിരത്തിൽ ഏറെ പേർക്ക് രോഗം ഭേദമായിരിക്കുകയാണ്. രോഗം പൂർണമായും സുഖപ്പെട്ടവരുടെ എണ്ണം 21000 കടന്നുകഴിഞ്ഞു.