വന്ദേഭാരത് മിഷന്റെ നാലാം ഘട്ട വിമാന സർവീസുകളിൽ നിന്ന് ഖത്തർ, കുവൈത്ത് എന്നീ രാജ്യങ്ങളെ ഒഴിവാക്കിയാതായുള്ള റിപ്പോർട്ടുകൾ വന്നതാണ്. ജൂലൈ ഒന്നു മുതൽ 14 വരെ തീയതികളിലേക്കായി കേന്ദ്ര വിദേശകാര്യ മന്ത്രാലയം വെബ്സൈറ്റിൽ പ്രസിദ്ധീകരിച്ച എയർ ഇന്ത്യ എക്സ്പ്രസിന്റെ പുതിയ പട്ടികയിയിൽ ജിസിസിയിൽ നിന്ന് യുഎഇ, ഒമാൻ, ബഹ്റൈൻ എന്നീ രാജ്യങ്ങൾ മാത്രമാണ് ഉൾപ്പെട്ടിരിക്കുന്നത് എന്നത് മറ്റുള്ള പ്രവാസികളെ ഏറെ വേദനിപ്പിച്ചിരുന്നു. എന്നാൽ ഇത് നാട്ടിലേക്കു പോകാനായി ഖത്തർ, കുവൈത്ത് രാജ്യങ്ങളിൽ റജിസ്റ്റർ ചെയ്ത് കാത്തിരിക്കുന്ന ആയിരകണക്കിന് സാധാരണക്കാർക്ക് സർക്കാരിന്റെ തീരുമാനം തിരിച്ചടിയായി മാറിയിരുന്നു.

എന്നാലിതാ വന്ദേഭാരത് മിഷന്‍ നാലാം ഘട്ടം ഷെഡ്യൂള്‍ ഇന്ത്യന്‍ വിദേശകാര്യമന്ത്രാലയം പ്രഖ്യാപിച്ചപ്പോള്‍ ഖത്തറില്‍ നിന്നും കേരളത്തിലേക്ക് യഥേഷ്ടം സര്‍വീസുകള്‍. അതായത് ഖത്തറിലെ പ്രവാസികളെ മുഴുവന്‍ ഞെട്ടിച്ചുകൊണ്ട് മൊത്തം 193 വിമാനങ്ങളാണ് ജൂലൈ മൂന്ന് മുതല്‍ ഓഗസ്റ്റ് 15 വരെയുള്ള കാലയളവില്‍ ഇന്ത്യയിലേക്ക് പ്രഖ്യാപിച്ചിരിക്കുന്നത്. ഇതില്‍ 151 വിമാനങ്ങളും കേരളത്തിലേക്ക് സർവീസ് ഉള്ളത്. ഏകദേശം ഇരുപത്തിയേഴായിരം മലയാളി പ്രവാസികള്‍ക്ക് ഈ ഘട്ടത്തില്‍ മടങ്ങാന്‍ കഴിയുന്നതായിരിക്കും. ഇതോടെ കേരളത്തിലേക്ക് ഇനി ചാര്‍ട്ടേര്‍ഡ് സര്‍വീസുകളുടെ ആവശ്യമുണ്ടാകില്ലെന്നാണ് പൊതുവെയുള്ള വിലയിരുത്തല്‍.

അതോടൊപ്പം തന്നെ മൊത്തം 151 സര്‍വീസുകളില്‍ കൊച്ചിയിലേക്കാണ് ഏറ്റവും കൂടുതല്‍. 47 എണ്ണമാണ് ഉള്ളത്. തുടർന്ന് കോഴിക്കോട്ടേക്കും കണ്ണൂരിലേക്കും 35 വീതം വിമാനങ്ങള്‍. തിരുവനന്തപുരത്തേക്ക് മുപ്പത്തിനാലും സര്‍വീസുകള്‍ ഉണ്ട്. ജൂലൈ പത്തിന് കൊച്ചിയിലേക്കാണ് നാലാം ഘട്ടത്തില്‍ കേരളത്തിലേക്കുള്ള ആദ്യ വിമാനം സർവീസ് നടത്തിയത്. എന്നാൽ കേരളത്തിന് പുറത്തേക്ക് ആകെ 42 വിമാനങ്ങളാണുള്ളത്. ഉത്തര്‍പ്രദേശ്-7, മഹാരാഷ്ട്ര-12,തമിഴ്നനാട്-8, തെലങ്കാന-8, കര്‍ണാടക-8 എന്നിങ്ങനെയാണ് സർവീസ് ഉള്ളത്. ജൂലൈ മൂന്നിന് ലക്നൌവിലേക്കാണ് ഈ ഘട്ടത്തിലെ ആദ്യ സര്‍വീസ് നടത്തുന്നതായിരിക്കും. അതോടൊപ്പം തന്നെ ഇന്‍ഡിഗോ എയര്‍ലൈന്‍സാണ് ഇത്തവണ ഇന്ത്യയിലേക്കുള്ള മുഴുവന്‍ സര്‍വീസുകളും നടത്തുന്നത്. കേരളത്തിലേക്ക് ഇതാദ്യമായാണ് വന്ദേഭാരത് മിഷന്‍ സര്‍വീസ് ഇന്‍ഡിഗോ നടത്തുന്നത്..