കൊവിഡ്-19; സൗദി അറേബ്യയില് കായംകുളം സ്വദേശികളായ രണ്ടു പേര് മരിച്ചു, സൗദി കൊറോണ വ്യാപനത്തിലും മരണ നിരക്കിലും മുന്നിൽ തന്നെയാണ് മുന്നിൽ നിൽക്കുന്നത്
കൊറോണ വൈറസ് ബാധിച്ച് സൗദി അറേബ്യയില് കായംകുളം സ്വദേശികളായ രണ്ടു പേര് മരിച്ചു. ചാരുംമൂട് സ്വദേശി സൈനുദ്ദീന് സുലൈമാന് റാവുത്തര് ( വയസ്സ് 47), കായംകുളം ചിറക്കടവം പാലത്തിന്കീഴില് സ്വദേശി പി.എസ്. രാജീവ് ( വയസ്സ് 53) എന്നിവരാണ് ദമ്മാമില് കോവിഡ് ബാധിച്ച് മരിച്ചത്. കൊവിഡ് പോസിറ്റീവായതിനെ തുടര്ന്ന് ഖോബാറിലെ ആശുപത്രിയില് ചികിത്സയിലായിരിക്കെയാണ് സൈനുദ്ദീന് സുലൈമാന് റാവുത്തരുടെ മരണം സംഭവിച്ചത് എന്നാണ് ലഭ്യമാകുന്ന വിവരം. ഇദ്ദേഹം അല്ഖോബാറില് സ്വന്തമായി വ്യാപാര സ്ഥാപനം നടത്തുകയായിരുന്നു. മൃതദേഹം ഖോബാറില് ഖബറടക്കുമെന്ന് ബന്ധുക്കള് അറിയിക്കുകയുണ്ടായി.
അതേസമയം ഇന്നലെ പുറത്തുവന്ന കണക്കുകൾ അനുസരിച്ച് സൗദി വ്യാപനത്തിലും മരണ നിരക്കിലും മുന്നിൽ തന്നെയാണ് മുന്നിൽ നിൽക്കുന്നത്. കോവിഡ്-19 നെ തുടര്ന്ന് സൗദി അറേബ്യയില് ചൊവ്വാഴ്ച അമ്പതുപേര്കൂടി മരിച്ചതായാണ് റിപ്പോർട്ട്. ഇതോടെ രാജ്യത്തെ മൊത്തം മരണം 1649 ആയി ഉയരുകയുണ്ടായി. എന്നാൽ പുതുതായി 4387 പേരിലാണ് കഴിഞ്ഞ 24 മണിക്കൂറിനകം രോഗം കണ്ടെത്തിയത്. ഇപ്പോള് സൗദിയിലെ ആകെ രോഗികള് 1,90,823. തുടർന്ന് രോഗമുക്തി നേടിയവര് 1,30,766 പേരുമാണ്. അതോടൊപ്പം തന്നെ രാജ്യത്ത് ഇപ്പോഴും 2278 പേരാണ് അത്യാസന്നനിലയില് ചികിത്സയില് കഴിയുന്നത്. 58,408 പേർ വിവിധ ആശുപത്രികളിലായി ചികിത്സയിൽ കഴിയുകയാണ്.
https://www.facebook.com/Malayalivartha