ഷാര്ജയില് നിന്ന് വിവിധ നഗരങ്ങളിലേക്കുള്ള വിമാനങ്ങളില് ഇന്ന് വൈകുന്നേരം മുതൽ ബുക്ക് ചെയ്യാം; ദുബൈയിലെ ഇന്ത്യന് കോണ്സുലേറ്റാണ് ഇക്കാര്യം അറിയിച്ചിരിക്കുന്നത്
കൊറോണ വ്യാപനത്തിന്റെ പശ്ചാത്തലത്തിൽ വിദേശരാജ്യങ്ങളിൽ കുടുങ്ങിപ്പോയ പ്രവാസികളെ നാട്ടിലെത്തിക്കുന്ന വന്ദേഭാരത് മിഷന്റെ ഭാഗമായി ഷാര്ജയില് നിന്ന് വിവിധ നഗരങ്ങളിലേക്കുള്ള വിമാനങ്ങളില് ഇന്ന് വൈകുന്നേരം യുഎഇ സമയം നാല് മണി മുതല് ടിക്കറ്റുകള് ബുക്ക് ചെയ്യാവുന്നതാണ്. ദുബൈയിലെ ഇന്ത്യന് കോണ്സുലേറ്റാണ് ഇക്കാര്യം അറിയിച്ചിരിക്കുന്നത്.ഇത്തരത്തിൽ നാട്ടിലേക്ക് മടങ്ങാനായി അബൂദബിയിലെ ഇന്ത്യന് എംബസിയിലോ ദുബൈയിലെ ഇന്ത്യന് കോണ്സുലേറ്റിലോ രജിസ്റ്റര് ചെയ്ത പ്രവാസികള്ക്കാണ് ടിക്കറ്റ് ബുക്ക് ചെയ്യാന് അവസരം നൽകുന്നതായിരിക്കും. ജൂലൈ 9 മുതല് 14 വരെയുള്ള ഒമ്ബത് വിമാനങ്ങളിലേക്കാണ് ഇന്ന് ബുക്കിംഗ് ആരംഭിക്കുന്നത് തന്നെ.
അതേസമയം പത്തിന് രാത്രി എട്ട് മണിക്ക് തിരുവനന്തപുരത്തേക്കഉള്ള ഐ എക്സ് 1536, 11ന് രാവിലെ എട്ട് മണിക്ക് കൊച്ചിയിലേക്കുള്ള ഐഎക്സ് 1412, 14ന് ഉച്ചയ്ക്ക് രണ്ട് മണിക്ക് തിരുവനന്തപുരത്തേക്കുള്ള ഐഎക്സ് 1536 എന്നിവയാണ് കേരളത്തിലേക്കുള്ള സര്വീസുകള്. തുടർന്ന് മധുര, കോയമ്ബത്തൂര്, തിരുച്ചിറപ്പള്ളി, ഹൈദരാബാദ് എന്നിവിടങ്ങളിലേക്കുള്ള ടിക്കറ്റുകളുടെ വില്പ്പനയും ഇന്ന് ആരംഭിക്കുന്നതായിരിക്കും. എയര് ഇന്ത്യ എക്സ്പ്രസ് ബുക്കിംഗ് ഓഫീസുകള് വഴിയോ www.airindiaexpress.in എന്ന വെബ്സൈറ്റ് വഴിയോ അംഗീകൃത ഏജന്റുമാര് വഴിയോ ടിക്കറ്റ് ബുക്ക് ചെയ്യാവുന്നതാണ്.
അതേസമയം കുവൈത്തിൽ ഓഗസ്റ്റിൽ രാജ്യാന്തര വിമാന സർവീസ് പുനരാരംഭിക്കുന്നതുമായി ബന്ധപ്പെട്ട് വ്യോമയാന വകുപ്പ് പുതിയ മാർഗ നിർദേശങ്ങൾ പുറപ്പെടുവിച്ചു. ഇതേതുടർന്ന് വരുന്നവർക്കും പോകുന്നവർക്കും വിമാന കമ്പനികൾക്കും പ്രത്യേകം നിർദേശം നൽകിയിട്ടുണ്ട്. എന്നാൽ എത്തിച്ചേരുന്നവർ കുവൈറ്റിൽ എത്തിച്ചേരുന്ന പ്രവാസികൾ കൃത്യമായി നിബന്ധനകൾ പാലിക്കേണ്ടത് അത്യന്താപേക്ഷിതമാണ്. അറ്റസ്റ്റ് ചെയ്ത കോവിഡ് നെഗറ്റീവ് സർട്ടിഫിക്കറ്റ് വിമാനത്താവളത്തിൽ ഹാജരാക്കുക, ക്വാറന്റീനിൽ കഴിയാമെന്ന സത്യവാങ്മൂലം നൽകുകവിമാനത്താവളത്തിൽ കോവിഡ് പരിശോധനയ്ക്ക് സന്നദ്ധരാവുക, വിമാനത്തിൽ കയറുന്നതിനും ഇറങ്ങുന്നതിനും മുൻപ് താപനില രേഖപ്പെടുത്തി അധികൃതരെ കാണിക്കുക, മാസ്കും ഗ്ലൗസും ധരിക്കുക എന്നതാണ് പ്രാഥമികമായി നൽകുന്ന നിബന്ധനകൾ..
https://www.facebook.com/Malayalivartha