സൗദി ഭരണാധികാരി സൽമാൻ ബിൻ അബ്ദുൾ അസീസിനെ(84) ആശുപത്രിയിൽ പ്രവേശിപ്പിച്ചതായി റിപ്പോർട്ട്. പിത്താശയ വീക്കത്തെ തുടർന്നാണ് സൗദി രാജാവിനെ റിയാദ് കിംഗ് ഫൈസല്‍ സ്പെഷ്യലിസ്റ്റ് ആശുപത്രിയിൽ പ്രവേശിപ്പിച്ചത് എന്നാണ് ലഭ്യമാകുന്ന വിവരം. റിയാദിലെ കിങ് ഫൈസല്‍ സ്‌പെഷ്യലിസ്റ്റ് ആശുപത്രിയിലാണ് സല്‍മാന്‍ രാജാവിനെ അസുഖത്തെ തുടർന്ന് പ്രവേശിപ്പിച്ചത്.

പിത്താശയത്തിലെ പഴുപ്പിനെ തുടര്‍ന്ന് മെഡിക്കല്‍ പരിശോധനകള്‍ നടത്തുന്നതിനാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്ന് റോയല്‍ കോര്‍ട്ട് പ്രസ്താവനയെ ഉദ്ധരിച്ച് ഔദ്യോഗിക വാര്‍ത്താ ഏജന്‍സിയായ സൗദി പ്രസ് ഏജന്‍സി റിപ്പോര്‍ട്ട് ചെയ്യുകയുണ്ടായി. എന്നാൽ കൂടുതൽ വിവരങ്ങൾ ഒന്നും തന്നെ അധികൃതർ പുറത്ത് വിട്ടിട്ടില്ല. രണ്ടര വര്‍ഷം സൗദി കിരീടാവകാശിയും പിന്നീട് ഡെപ്യൂട്ടി പ്രധാനമന്ത്രിയുമായിരുന്ന സല്‍മാന്‍ ബില്‍ അബ്‍ദുള്‍ അസീസ് 2012 ജൂണിലാണ് സൗദിയുടെ രാജാവാകുന്നത്. 50 വര്‍ഷത്തിലേറെ കാലം റിയാദ് മേഖലയുടെ ഗവര്‍ണറായും സേവനമനുഷ്‍ടിക്കുകയും ചെയ്തിരുന്നു.