തലസ്ഥാന എമിറേറ്റിൽ വീശിയടിച്ച ശക്തമായ പൊടിക്കാറ്റ് ഏതാനും സമയം ജനജീവിതം സ്തംഭിപ്പിക്കുകയുണ്ടായി. തൊട്ടടുത്ത കെട്ടിടങ്ങൾ വരെ മറയത്തക്കവിധം പൊടി ഉയർന്നുപൊങ്ങിയത് പലരിലും അവസ്ഥത ഉളവാക്കി. ശക്തമായ കാറ്റുമൂലം വീടുകളിലും പൊടിപൂരമായിരുന്നു. ദൂരക്കാഴ്ച കുറഞ്ഞത് പരക്കെ അപകടങ്ങൾക്കും കാരണമായി മാറി.

വിവിധയിടങ്ങളിൽ മരങ്ങൾ കടപുഴകിയതും സുഗമമായ ഗതാഗതത്തിന് തടസമായി. പിന്നീടുണ്ടായ ചാറ്റൽ മഴയാണ് വീശിയടിച്ച പൊടിപടലങ്ങളെ അൽപമെങ്കിലും ശമിപ്പിച്ചത്. ഇതേതുടർന്ന് റോഡിൽ വീണ മരങ്ങളും അടിഞ്ഞുകൂടിയ പൊടിയും നീക്കാൻ നഗരസഭാ ഉദ്യോഗസ്ഥർ ഏറെ പാടുപെട്ടു. മഴയിൽ ചിലയിടങ്ങളിൽ വെള്ളക്കെട്ടും രൂപപ്പെട്ടു.പൊടിക്കാറ്റിന്റെ വരവോട് ചൂടിന് ഇനിയും ശക്തികൂടുമെന്നാണ് അധികൃതരുടെ പ്രവചനം.